Luka 8:5 - ALLALA KUMƐ

⁵ “Kei do tara ala sɛnɛ rɔ sugu fui tinɛ. A ye sugi fuila tumɛ min, do buira kila-kole la. Mɔgɛnu sɔra a kuma. Konanu ya a dɔn.

Luka 8:5 ပူးပေါင်းရင်းမြစ်များ

Ko-Dabirɛnu 15:11

Dogɛnu yigira soge wonu ma kɔnɔ Burama ya dogɛ wonu gben sogo-kundi wonu ma.

Yaburi 119:118

Ile ara i ban wonu na minnu bi ila sereyanu tinyana. Yanfante-kɔrɛ kɛnu bi yanfɛ min tabɛnna, fufafuyi le wonu na.

Matiyu 13:37

Yisa ya a kɔrɛ fɔ anu ye ko, “Kei min ya sugu-nyimɛ fui, nde, Hadama-dan le kei wo la.

Matiyu 5:13

“Wo manɛ mɔgɛnu ye iko kɔgɛ. Ni kɔgɔ-diyɛ bɔra a la, a si diya kama tun? A ti fenfen nyinya worɔ fɔ ka a lakɛ a rɔ mɔgɛnu kian kɔrɔ. Anu ni tagama a kuma.

Maraka 4:15

Mɔgɛ donu manɛ iko sugi minnu si bui kila-kole la. Mɔgɛ wonu si a lamɔɛn kɔnɔ anu ba a lamɔɛn nya min wo, Setanɛ si na worɔ ka wo fɔrɔn anu yisi rɔ.

Luka 8:4

Mɔgɛnu tora nala ka bɔ so siyaman tɔ dɛɛ! Nyama-wɛ ladɛnta tumɛ min, Yisa ya tili kɛ tɛgɛ anu ye. A ko,

Luka 8:6

Do buira fara-kole ma bɔnkɛ ma siya kan min. A fɛrɛnta tumɛ min, a fagara bawo yi sa nyɔ.

Hiburunu 2:1

Wo le ya a to, ma ara tonyɛ minnu namɔɛn, ma ni wonu bira gben! Wo si a ma, ma ti porokɔlɔ ka bɔ a rɔ.