Luka 8:48 - ALLALA KUMƐ

⁴⁸ Yisa ya a fɔ a ye ko, “N na, ila dɛnkɛninyɛ ara i lakɛndɛya. Ta yisi-kimɛ rɔ.”

Luka 8:48 ပူးပေါင်းရင်းမြစ်များ

2 Mansɛnu 5:19

Nɛbi Ilaisa ya a fɔ a ye ko, “Alamɛ i yisi-kimanɛ tara.” Neyaman tara. Neyaman tanɛ doni,

Bɔ-Koe-Iyipiti 4:18

Wo tumɛ Musa ye a biran-kei warɛ Midiyan nyamanɛ rɔ, Mari ya a fɔ a ye ko, “I ni sɛgi Iyipiti nyamanɛ rɔ bawo minnu bi i faga-koe rɔ, wonu bara faga.” Musa tara a fɔ a biran-kei, Yɛtiro ye ko, “Sɛgi-sɔgɛ ye n na ka a lɔn ni n na-kelen-nyɔgɛnu bi nya min, tumado do ye nyɔ min kɛndɛ Iyipiti nyamanɛ rɔ.” Yɛtiro ya a fɔ Musa ye ko, “Awa ta, yo! Alamɛ Alla ya i kandan.”

Matiyu 12:20

Fanka sa mɔgɛ min na, a ti tɔrɔya sa wo kuma. Yigi sa mɔgɛ min na, a ti wo yisi tinya. A si to ko-nyimɛ kɛla ha telenbagayɛ ni nɔlɛ kɛ.

Matiyu 8:13

Wo kɔma, Yisa ya a fɔ kun-tigi wo ye ko, “Ta ila bɔn la. Ila wɔli-kɛlɛ ara kɛndɛya ka a tɛgɛ ila dɛnkɛninyɛ ma.” Nba, kun-tigi wola wɔli-kɛlɛ kɛndɛyara wati wo nyɛrɛ rɔ.

Matiyu 9:2

Kei min solomonya-faganɛ a la, mɔgɛ donu nara wo la Yisa wara. A sanɛ sanyili rɔ. Yisa ya anuna dɛnkɛninya-wɛ yen tumɛ min, a ya a fɔ kirayatoe wo ye ko, “N bɔ, i yisi sa! I hakɛnu ma ara koto.”

Matiyu 9:22

Yisa ya a tintan tumɛ min, a ya ale musi yen. A ya a fɔ a ye ko, “N na, i yisi ni kimɛ! Ila dɛnkɛninyɛ ara i lakɛndɛya.” Musi wo kɛndɛyara wati kelan wo kɔrɔ tiriya!

Maraka 5:34

Yisa ya a fɔ musi wo ye ko, “N na, ila dɛnkɛninyɛ ara i lakɛndɛya. Ta yisi-kimɛ rɔ. Ila kirayɛ ara ban i rɔ.”

Luka 17:19

Yisa ya a fɔ a ye ko, “I lasɔ, i ni ta. Ila dɛnkɛninyɛ ara i lakɛndɛya.”

Luka 18:42

Yisa ya a fɔ a ye wo rɔ ko, “Nba, i ni fen yen! Ila dɛnkɛninyɛ ara i lakɛndɛya.”

Luka 7:50

Kɔnɔ Yisa ya a fɔ musi wo ye ko, “Ila dɛnkɛninyɛ ara i kisi. Ta yisi-kimɛ rɔ.”

Luka 8:47

Musi ara a lɔn ko a ti ke a dogonna, a yɛrɛyɛrɛnmatoe nara ka a sa Yisa kɔrɔ mɔgɛ bɛɛ yala. A ya a bole tugu Yisa la minna ko la, a ya wo fɔ a ye anubɛ a kɛndɛyara nya min tiriya!

Kɛwɔlɛnu 14:9

A ya a tole masɔ Pɔlita kumɛ la. Pɔli ara a yen min kɛ ko kei wo ara dɛnkɛninya Yisa ma, ado a si ke kɛndɛyala, a ya a mafɛlɛn sin!

2 Kɔrɛnti 6:18

N si ma wo fa la. Wo si ma nna dannu na. Mari-Sɛnbɛ-Bɛɛ-Tigi-kan le kɛ la.”

Hiburunu 4:2

Male fanan bara kibara-nyimɛ lamɔɛn iko anu denu. Anu ya karan wo lamɔɛn kɔnɔ wo ma ko-wo-ko nyinya anu ma bawo anu ya a lamɔɛn tumɛ min, anu ma la a la nun ko Alla si a ma, anu ni anu sulen.

1 Samuwɛli 1:17

Ilayi ko, “Ta. I ni i yisi-kimɛ. I wara Isirɛlata Alla matara min na, alamɛ a ya wo di i ma.”