Luka 8:35 - ALLALA KUMƐ

³⁵ Min mara, mɔgɛnu tara wo ragbɛ tinɛ. Anu nara Yisa wara ka kei wo siginɛ taran Yisa dafɛ. Nyinɛnu bara bɔ a fɛ, ado kurɛ ye a ma. A hɛnkili ma ara sɔ. Anu dama kilanta kati!

Luka 8:35 ပူးပေါင်းရင်းမြစ်များ

Yaburi 51:10

E, Alla, n yisi kurakuraya. I ni sɔndɔma-kurɛ ladon n burɔ.

Aiseya 53:12

Mari ko a si mɔgɔ-siyaman ma aletɛ la. Mɔgɔ-siyaman si ma a halalɛ la iko mansɛnu bi fan min sɔrɔnna kɛlɛ rɔ. A ya a nyɛrɛ niyi di foninsereyɛ la. Mɔgɛnu ya a bira iko ko-yogoma-kɛlɛ A tara mɔgɔ-siyaman hakɛ la a bolo ka makotolɛ nyini hakɛ-tiginu ye a bolo.

Matiyu 4:24

Yisa mankan nyɛnsɛnta Siriya nyamanɛ bɛɛ rɔ. Wo le ya a ma, mɔgɛnu nara kirayato-su bɛɛ la a wara. A nyinato wo, a kirikirisato wo, a solomonya-fagani-tigi wo, Yisa ya wonu dama lakɛndɛya.

Maraka 5:15

Anu ke Yisa wara, anu ya kei wo yen, nyina-nyama ye min fɛ nun, a siginɛ, kurɛ ye a ma. A hɛnkili ma ara sɔ. Nba, anu dama kun makɔra.

Luka 10:39

A dɔgɔ-musi min tɔgɛ Mariyama, wo sigira Mari da kɔrɔ ka a tole masɔ ala karan la.

Luka 15:17

Tɔ-a-la, a ya a hɛnkili masɔ. A miriya tara a fala wɔli-kɛlɛnu ma. Wonu bi fen dɔnna, anu ti a ban kɔnɔ ale ye fagala nyɔ kɔnkɛ bolo!

Luka 2:46

A tele sawa nyɔgɛ ma, anu ya a taran Alla-Bato-Bɔn la. A siginɛ Yahudiya karan-mɔgɛnu fɛ. A ye a tole masɔla anu na ka anu manyinika ko siyaman na.

Luka 8:27

Yisa sɔra gbele ma tumɛ min, kei do bɔra ka a labɛn. Nyina-yogomɛ ye a fɛ. A ara mɛ, a ma kurɛ don a ma. Sa tinɛ sa a bolo fɔ kaburu-soe burɔ.

Luka 8:34

Minnu bi kɔsɛ wonu kandanna, wonu ya wo yen nkɛkuna, anu burimatoe tara ka kibarɛ wo nyɛnsɛn soe anubɛ sɛnɛnu tɔ.

Kɛwɔlɛnu 22:3

“Yahudiya le nde la. N sɔrɔnta Tarasa soe burɔ Salesiya nyamanɛ rɔ kɔnɔ n makolota n karan-mɔgɔ Kameliyɛ bolo Yerusalɛm yan karan-denyɛ la. N ya ma benbanuna tɔn lɔn a kila-bɛrɛbɛrɛ fɛ! N bara n nyɛrɛ di Allata wɔlɛ ma fasai iko wo dama ye nya min yan bi.

1 Yɔni 3:8

Ni min bi tola hakɛ kɛla, Setanɛta mɔgɛ le wo tigi la bawo Setanɛ ye hakɛ kɛla kebi fɔlɔfɔlɔ. Allala den Yisa bɔra gbɛ rɔ alako a ni Setanɛta kɛwɔlɛnu tinya feu!