Luka 8:28 - ALLALA KUMƐ

²⁸ Nyinatoe wo ya Yisa yen tumɛ min, a wɔrɔndɔra bɛrɛkɛ! A ya a sa Yisa kɔrɔ ka a fɔ a kulu-mayɛlɛnɛ la ko, “Alla min Bi Fan Bɛɛ Kun Na, wola dan Yisa, i ye nyinina nfen ma n bolo? N bi i madiyala, i kana n tɔrɔ!”

Luka 8:28 ပူးပေါင်းရင်းမြစ်များ

Aiseya 27:1

Ninkinankɛ min bi kɔgɔ-yi rɔ, hali a ye a mamagala a buri tinɛ, wo wulɔn nyɛrɛ rɔ, Mari si wo tɔrɔ ata faan-damɛ sɛnbɛmɛ la.

Matiyu 8:29

Tiriyante wo rɔ, anu gbele-gbelenta ko, “Allala dan, i ye nfen nyinina ma fɛ? I wara na ma tɔrɔ-koe la, yanni ma kiti-wati ni ke, wa?”

Luka 8:27

Yisa sɔra gbele ma tumɛ min, kei do bɔra ka a labɛn. Nyina-yogomɛ ye a fɛ. A ara mɛ, a ma kurɛ don a ma. Sa tinɛ sa a bolo fɔ kaburu-soe burɔ.

Luka 8:29

A ya kɛ fɔ bawo Yisa ya a fɔ nyina-yogomɛ ye ko a ni bɔ kei wo fɛ. Nyinɛ wo ara wuli a la nun iko siyaman. Hali mɔgɛnu ya a bira ka a bolenu anubɛ a kiannu kiri yɔlɔkɛnu na, a si yɔlɔkɛ wonu tɛgɛ ka ta wulɛ rɔ nyinɛ bolo.

Yemesi 2:19

I lanɛ a la ko Alla kelen pe le nyɔ, nyɛ? Wo kin! Nyinɛnu fanan lanɛ wo la ka yɛrɛyɛrɛn kilan bolo.

2 Pita 2:4

Melika minnu fɔlɔn ya hakɛ kɛ, Alla ma wonu yamasansan. A ya anu nakɛ Nyahanama rɔ ka yɔlɔkɛ kɛ anu ma pinpi rɔ kiti-tele makɔnɔ tinɛ nyɔ.

1 Yɔni 3:8

Ni min bi tola hakɛ kɛla, Setanɛta mɔgɛ le wo tigi la bawo Setanɛ ye hakɛ kɛla kebi fɔlɔfɔlɔ. Allala den Yisa bɔra gbɛ rɔ alako a ni Setanɛta kɛwɔlɛnu tinya feu!

Lankɛnimayɛ 20:10

Nyinɛ wo, Setanɛ, kɔni, min ya anu yanfa, wo lafilita tɛ anubɛ munku-gbɛ-dalɛ rɔ, sogo-feremɛ anubɛ foninya-nɛbi lafilita kan min nun. Anu si nyankankantan sɔrɔn nyɔ su-ni-tele habadan!