Luka 8:24 - ALLALA KUMƐ

²⁴ Karan-dannu nara Yisa wara ka a lakunden ko, “Karan-mɔgɔ, karan-mɔgɔ! A ara to doni, ma ni faga.” Yisa ya a lasɔ ka fɔnyɔ anubɛ yi makuma. Anu makimɛra don!

Luka 8:24 ပူးပေါင်းရင်းမြစ်များ

Yaburi 65:7

Kɔgɔ-yi tugun-kan a rɔ, i si wo rade don! Hali sibolo-gbɛrɛnu kurun-kan, i si wo fanan tade don!

Aiseya 50:2

A ko a tara i lakisi tinɛ lunyɛ min, nfenna i ma i tole masɔ a la? Nfenna i ma ala keleli labira? A ko ile miri ko i kisi-sɛnbɛ sa a bolo? A ko hali a kumara dɔrɔn, kɔgɔ-yi mumɛ si gbala todo! Bɛnu si yɛlɛma gbangban la. Yɛgɛ minnu bi yi wonu tɔ, wonu si faga.

Yɛrɛmaya 5:22

Mari le ale la. Nfenna wo sa kilanna a la? Nfenna wo sa yɛrɛyɛrɛnna a kɔrɔ? Ale le ya kɔgɔ-yi-dan ma kɛnkɛn la alako yi ni to a dagɛ rɔ tolon! Hali a ye tugula a rɔ nya-wo-nya, a ti tenbi a dan kun na. Hali a ye kurunna, a ti a dan keri.

Nehami 1:4

A wa a fɔ kɔgɔ-yi ma, “gbala,” latiriya-bole ma, wo ni gbala todo! Wo si a ma fanan, bɛnu ni gbala. A si a ma fanan, Basan-nyamanita-binyɛnu na ni fɔsɔ. Kamɛli-kɔnkɔ-binyɛnu si ma samayo! Lɛbanan-kɔn-ferenu si gbala kerr!

Matiyu 14:30

Kɔnɔ fɔnyɔ tugura a ma tumɛ min, a ya wo yen min kɛ, a kilanta. A mara min kɛ ko a ye tola yi rɔ, a gbele-gbelenta ko, “Mari, n nakisi!”

Matiyu 8:25

Karan-dannu tara a wara ka a lakunden. Anu ko, “Mari, ma lakisi! Ma ye nala fagala!”

Maraka 4:39

Yisa kundenta. A ya a fɔ fɔnyɔ anubɛ yi ye ko, “Fɔnyɔ ma ni kima don!” A sigira a la don! Fɔnyɔ ma tugu tun.

Luka 4:35

Yisa ya nyinɛ makuma, a ko, “A sigi-a-la! Bɔ a fɛ!” Nyinɛ ya kei labui anu dama yala. A bɔra a fɛ. A ma a madumɛ hali doni!

Luka 4:39

Yisa tara a sɔ nyɔ dafɛ a sanɛ kan min. A ya fɛrɛma-kaliyɛ wo makuma. A kɛndɛyara kelenna! A wulita tiriya ka wɔlɛ kɛ anu ye.

Luka 5:5

Saimon ya a yabi ko, “Karan-mɔgɔ, ma kira wɔlila yan kɔnɔ ma ma fenfen bira. Hali wo, ni i wara a fɔ wo nya, n si yalɛnu nakɛ.”

Luka 8:25

A ya a fɔ ala karan-dan wonu ye ko, “Wola dɛnkɛninyɛ ye mi?” Kɔnɔ anu dama kilanta. Anu kawara ka a fɔ anu nyɔgɔn ye ko, “Nfen mɔgɔ-sufa ye kɛ la? A ye fɔnyɔ anubɛ yi makumala, ado wo bɛɛ ye ata kumɛ birala!”