Luka 7:38 - ALLALA KUMƐ

³⁸ A sɔra Yisa kɔma a kian tɔgɔfɛ. A dira. A ya-yi yigira biribiri, ka Yisa kian kimɛ. Wo kɔma, a ya a kian mafiran a kun-sigi la. A ya a kian sunbu ka sɛnti kɛ anu ma.

Luka 7:38 ပူးပေါင်းရင်းမြစ်များ

Ko-Dabirɛnu 18:4

N ni na yi la wo ye alako wo ni wo kiannu maku. Wo ni wo sulen kɔlɔma-ninɛ kɛ la.

Ɛsira 10:1

Nde, Ɛsira ye mataralɛ anubɛ diyi-kɛ kun na ka n sɔ mɔgɛ wonuna hakɛ la tumɛ min Bato-Bɔn don-dɛ la, Isirɛla mɔgɔ-siyaman nara a kinki nyɔ la, kei wo, musu wo, dennɛ wo. Wonu fanan donta diyi-kɛ rɔ anu sɛbɛ-kuna-wɛ la.

Yaburi 38:18

N ya n sɔ nna hakɛ la. Nna hakɛ ara n yisi gbala n tɔ don!

Yaburi 51:17

E, Alla, ndeta sarakɛ ye min na, wo le famayigi la. Ile Alla ye nyinina min ma bɛrɛbɛrɛkɛ, wo le mɔgɛ yisi wa tinya a sɔn-yogomɛla ko la.

Makawandili Kumɛnu 9:8

I ni to duruku-hakikɛ bilala i kan na ka i nyɛrɛ rabɛn yɔnyɔn!

Keninteya-Siginu 1:3

I sumɛ di n ye, n ba i tɔgɛ lamɔɛn fɔ i sumɛ si don n tɔ. Musi min ba i yen, wo kole si bɔ a rɔ muluka!

Aiseya 57:9

Wo ye tuli anubɛ sɛnti-suma-diyamɛnu kɛla wo ma alako ka wola bɛsɛ Molɛki hɛnɛ. Wo ye mɔgɛnu natala wula-yannu na pon, hali lakira fanan alako wo si bɛsi-kurɛnu sɔrɔn nya min wo si minnu kɔ.

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Yɛrɛmaya 31:9

A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

Yowɛli 2:12

Mari ko wo ni sunyɛ don ka di. Wo ni tubi bɛrɛbɛrɛkɛ kaka ka wo fan nasɛgi a ma.

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Matiyu 5:4

Mɔgɔ-sewanɛ le wo mɔgɛ la min bi dila a yisi rɔ bawo Alla si a yisi-kimɛ!

Luka 22:62

Pita burimatoe bɔra dila biribiri!

Luka 6:21

Mɔgɔ-sewanɛ le wole kɔnkɔtoenu na bawo wo si fa pim! Mɔgɔ-sewanɛ le wole di-kɛlɛnu na bawo wo si na yɛlɛn!

Luka 7:37

Musi do ye nyɔ nun, hakɛ-tigi-wɛ le wo la. A ya a lamɔɛn ko Yisa ye fen dɔnla Farisila bɔn la. Nba, kuru-dagɛ min tɔgɛ alabasita, a nara sɛnti-sɔnkɔ-da-gbɛlɛ la wo rɔ.

Luka 7:39

Ale Farisi kei min ya Yisa kele, wo ya kɛ yen tumɛ min, a miriya tara ko, “Ni nɛbi-bɛrɛ le kei kɛ la nun, musi kɛ min tugura a la, a si musi kɛ wara-koe lɔn nun. A si musi kɛ su lɔn nun bawo hakɛ-tigi le wo la!”

Yemesi 4:9

Wo ni nimisa ka a tɛgɛ wo ara ko-yogomɛ minnu kɛ. Wo ni wola yɛlan yɛlɛma di-kɛ la ka wola sewɛ yɛlɛma yisi-tinya la!