Luka 7:35 - ALLALA KUMƐ

³⁵ Hali wo, Allata hɛnkilimayɛ si lɔn tonyɛ la ka a tɛgɛ a gba-fɛ-bilalɛnu kɛ-nyanu fɛ.”

Luka 7:35 ပူးပေါင်းရင်းမြစ်များ

Hɛnkilimaya-Kumɛnu 17:16

Hali yuwɛ ya karan san, a ti ko nyinya a ma bawo yi sa a kunyɛ rɔ.

Hoseya 14:9

Min sɛbɛnɛ yan tɔ, alamɛ hɛnkilimɛnu ya wo nya-yen. Alamɛ anu ya a sa anu yisi rɔ. Allata kilɛ telenni de tede, ado ni mɔgɔ-telennɛnu bilara a fɛ, anu denu si kisi. Kɔnɔ hakɛ-tiginu si tonko-tankan ka bui bawo anu bara anu ban ale Mari la.

Matiyu 11:19

Nde, Hadama-danla nɛ, n ya fen dɔn ka n min. Bɛɛ ko, ‘Kei kɛ mafɛlɛn! Nugulamɛ anubɛ gbɛɛ-minnɛ le. Duti-makelelɛnu anubɛ hakɛ-tiginu diyana-mɔgɛ le.’ Hali wo, Allata hɛnkilimayɛ ara yen ata kɛwɔli-latelennɛnu fɛ ko tonyɛ le.”

Luka 7:29

Mɔgɛ bɛɛ ya kɛ lamɔɛn hali duti-makelelɛnu. Wonu ya Yisala kumɛ lamɔɛn tumɛ min, anu ya a lɔn ko Allala kilɛ telenta bawo anu bara sɔn nun ko Yɔni ni anu batasi.

Luka 7:34

Nde, Hadama-dan nara tumɛ min, n ya fen-dɔn-kɛ ka n min. Wo ko, ‘Kei kɛ mafɛlɛn! Nugulamɛ anubɛ gbɛɛ-minnɛ le. Duti-makelelɛnu anubɛ hakɛ-tiginu diyana-mɔgɛ le!’

Luka 7:36

Farisi do ya Yisa kele fen dɔn tinɛ a warɛ. Yisa tara kɛ wola bɔn la. A ya a mayigi fen dɔn tinɛ.