Luka 6:49 - ALLALA KUMƐ

⁴⁹ Kɔnɔ mɔgɛ min bi nna kumɛnu namɔɛnna kɔnɔ a sa anu birala, wo tigi mani de iko mɔgɛ min tenbi bɔn sɔla, a ma a kurukɛ. Yi wa tugu wo tigila bɔn burɔ tumɛ min, a ti mɛ buila ka tinya! A rakerikerinɛ si to feu!”

Luka 6:49 ပူးပေါင်းရင်းမြစ်များ

Hɛnkilimaya-Kumɛnu 28:18

Mɔgɔ-latelennɛ si taran a diya kɔnɔ telenbɛlɛ si bui fugbu!

Isikiyɛli 33:31

Woletɔ nta mɔgɛnu bi nala a kinkila nta kumɛ lamɔɛn-koe la i bolo. Kɔnɔ n bi min fɔla anu ye, anu ti wo ma. Keninteyɛ ye anu da-yanbɛ le la kɔnɔ fɔ anu bi kensunyɛ min kɛla darɔ-diyɛ la.

Hoseya 4:14

N ti wola dunmusinu tɔrɔ bawo wole keinu denu bi yɛlɛn-musi kɛnu makila ka anuna bɛsɛnu kɔ anuna bɛsi-kɔ-tinɛnu tɔ. Wole ko-nya-yenbɛlɛnu bara-koe ti ta yarɔ ma mumɛ!

Matiyu 23:3

woletɔ wo ni anuna kumɛ bira. Anu bi wo karanna min bɛɛ la, wo ni wonu bira gben! Kɔnɔ anu bi koe min bɛɛ kɛla, wo kana wonu kɛ bawo anu bi mɔgɛnu karanna min na, anu denu sa wo kɛla.

Matiyu 24:10

Mɔgɔ siyaman si dɛnkɛninyɛ boloka wo wati rɔ. Anu si anu nyɔgɔn don anu yogenu bolo ka anu nyɔgɔn kɔn.

Maraka 4:17

Kɔnɔ a ma don anu yisi rɔ bɛrɛkɛ! A ti mɛ lefan. Nba, tɔrɔyɛ anubɛ gbɛlɛyɛ wa na tumɛ min, a si a boloka tiriya kumɛ wola ko la!

Luka 12:47

“Wɔli-kɛlɛ min ya a tigi diyana-koe lɔn bɛrɛkɛ, ado a ma a nyɛrɛ rabɛn ka wo ma, wo si gbeseli-belebele sɔrɔn.

Luka 19:14

Kɔnɔ a ma di ala nyamanita-mɔgɛnu ye min kɛ, anu ya kilayɛnu nata a gbere la ka a fɔ ko, ‘Ma sa a fɛ, kei kɛ ni ma mala mɔgɔ-ba la tun.’

Luka 19:27

Nba, n yoge kɛnu, a ma di minnu ye ko n ni ma anuna mansɛ la, wo na wonu na yan ka anu faga n yala!’ ”

Luka 6:46

“Nfenna wo ye a fɔla ko wota Mari le nde la kɔnɔ wo sa nna kumɛ birala?

Luka 6:48

Wo tigi mani de iko mɔgɛ min tenbi bɔn sɔla, a si denkɛ sin ka a layigi pon ha ka ke kuri ma alako bon-kurukɛ ni sigi farɛ kuma. Bɛ wa fa ka wara, a si tugu wo tigila bɔn burɔ kɔnɔ a la ti maga bawo ala bɔn sɔnɛ farɛ le kuma.

Luka 7:1

Yisa banta kɛ bɛɛ fɔla mɔgɛnu ye tumɛ min, a tara Kapereniyam soe burɔ.

Yɔni 15:2

Bolɔn min bɛɛ ye nde ma, minnu ti gbɔ, a si wonu gbendan a ma. Bolɔn min bɛɛ ye gbɔla, a si wonu matɛgɛ, woletɔ anu si gbɔ bɛrɛkɛ!

Kɛwɔlɛnu 20:29

N ya a lɔn ko n ba ta tumɛ min, mɔgɛ donu si kɛ wo ma iko suluku-feremɛnu si kɛ saga-kurɔn ma nya min.

Kɛwɔlɛnu 26:11

N ya anu tɔrɔ mata dina-bɔnnu na kinyama siyaman. N ya n taya ko anu ni anuna dɛnkɛninyɛ boloka. N yisi bɔra anu kan ma ha n tara sibolo-gbɛrɛnuta soenu tɔ anu tɔrɔ tinɛ.

1 Tɛsalonaika 3:5

Wo le ya a to, n ma ke a birala n tɔ tun. N ya Timoti lata wo ma alako a ni wola dɛnkɛninyɛ ragbɛ. N kilannɛ nun ko Setanɛ ara wo yakɔrɔ-mamɔ ka mala wɔlɛ bɛɛ ma fuyi la!

2 Pita 2:20

Minnu bara ma Mari anubɛ ma Kisilɛ Yisa Kirasiti lɔn ka bɔ duninya ko-tinyanɛnu ma, ni anu sɛgira ko-tinyanɛ wonu ma tun, ha wonu ni anu nɔ, mɔgɛ wonuna ban si yogoya ka tenbi a fɔlɔtɛ la.

1 Yɔni 2:19

Mɔgɔ-yogomɛ kɛnu bi ma kurun tɔ nun kɔnɔ anu bɔra ma fɛ. Ni mala mɔgɔ-bɛrɛbɛrɛ le anu na nun, anu si to ma fɛ nun. Kɔnɔ anu bɔra ma fɛ min kɛ, a ara bɔ gbɛ rɔ worɔ ko anu fenfen sa ma kurun tɔ tun.