Luka 6:46 - ALLALA KUMƐ

⁴⁶ “Nfenna wo ye a fɔla ko wota Mari le nde la kɔnɔ wo sa nna kumɛ birala?

Luka 6:46 ပူးပေါင်းရင်းမြစ်များ

Malakayi 1:6

Mari Sɛnbɛ-Bɛɛ-Tigi ya a fɔ ata saraka-masɔlɛnu ye ko a bɛnta, den-kei ni a fa gbiliya. A bɛnta fanan, wɔli-kɛlɛ ni a tigi gbiliya. Kɔnɔ a ko wo fa le ale la kɔnɔ wo sa ale gbiliyala. A ko wo tigi le a la fanan kɔnɔ wo sa a gbiliyala. A ko a ma di wole saraka-masɔlɛnu ye mumɛ kɔnɔ hali wo, wo ye a manyinikala ko, “Ma ya a yira a la kama ko a sɔgɔ la ara bɔ ma la?”

Matiyu 25:11

“Wo kɔma, sunkurɔn doi wonu nara. Anu ko, ‘N fa! N fa! Dɛ laka ma ye, ma ni don!’

Matiyu 25:24

“Wo kɔma, wɔli-kɛlɛ min ya sɛnɛ-bɔrɔ kelan sɔrɔn, wo nara. A ko, ‘N fa, n ya a lɔn ko i wara-koe gbɛlɛ. I ye min tɛgɛla, mɔgɔ-gbɛrɛ ya wo fui. I ma sugi ki kan min, i ye a gbɔɛ kerila nyɔ.

Matiyu 25:44

“Nba, anu si n yabi ko, ‘Mari, ma ya i kɔnkɔtoe yen tumɛ nyamintan, ka, i kan-lagbalanɛ, ka, bon sa i bolo, ka, i gbu-makolɔn, ka, i kirayanɛ, ka, i ye yele la, ma ma sɔn i dɛnbɛna?’

Kalesiya 6:7

Wo kana wo nyɛrɛ yanfa bawo mɔgɛ ti ke Alla mayuwayala. Mɔgɔ wa min fui, a ye wo le tɛgɛla, yɔ!

Yemesi 1:22

Wo kana wo tole masɔ Allala kumɛ la gbansan fɔ ka a kɛ le serr! Wo kana wo nyɛrɛ mayuwaya tolo-masɔɛ dɔrɔn na!