Luka 6:43 - ALLALA KUMƐ

⁴³ “Kɔlɔma min sabatira, wola gbɔɛ si mɔgɛ munanfaga. Kɔlɔma min ma sabati, wo le ti gbɔ-nyimɛ labɔ.

Luka 6:43 ပူးပေါင်းရင်းမြစ်များ

Aiseya 5:4

Ni n ma min ma a ye yɛ, n ni wo lɔn. Ni wo ma, nfenna a gbɔɛ kunayanɛ? Nfenna a diyama sa a rɔ iko n bi nyinina a ma nya min?

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Yɛrɛmaya 2:21

Mari ko a ya wo ki le iko ki-fen-natankanɛ. Wo mani de iko sugu-bɛrɛ. A ko nfenna wo ara yɛlɛman nɔnbɛ la min gbɔɛ kunayanɛ kelele?

Matiyu 12:33

“Ka kɔn-gbɔ-nyimɛ sɔrɔn fɔ kɔlɔma-sabatinɛ ni taran i bolo. Kɔlɔma min sabatini ma, ni wo ye i bolo, wo gbɔɛ ti mɔgɔ munanfaga. Kɔlɔma si lɔn a gbɔɛ le fɛ.

Matiyu 3:10

Yende kɔrɔ ara bi ka kɔlɔma-kurinu tɛgɛ anu sulinu tɔ. Kɔlɔma min gbɔɛ ma di, a bɛnta, a ni tɛgɛ ka a lakɛ tɛ rɔ.

Luka 6:42

I si a fɔ i ta-nyɔgɛ ye kama ko, ‘N bɔ, sɔ wa, n ni buriburi bɔ i yɛ ma,’ kɔnɔ i sa kon-gbondon wo yenna min bi i nyɛrɛ yɛ ma? Ile nyɛrɛ-mayiralɛ! Kon-gbondon fɔlɔn bɔ i nyɛrɛ yɛ ma, wo kɔma, buriburi minnu bi i ta-nyɔgɛ yɛ ma, i si ke wo yenna ka wo bɔ nyɔ.