Luka 6:30 - ALLALA KUMƐ

³⁰ Minnu ba wo tara fen ma, wo ni anu kɔ. Ni mɔgɛ ya wo bolo-fan bɔ wo bolo, wo kana a manyinika ala ko la tun.

Luka 6:30 ပူးပေါင်းရင်းမြစ်များ

Yaburi 112:9

A si fen-siyaman di bolo-kolɔnnu ma. Ala kɛwɔli-nyimɛ ti ban mumɛ! A ma si kawa, ado gbiliyɛ ti dasa a la.

Yaburi 41:1

Mɔgɔ-sewanɛ le wo tigi la min si kinikini bolo-kolɔnnu ma bawo anu denu fanan tenbi yakɔrɔ-mamɔɛ rɔ, Mari si anu dɛnbɛ.

Hɛnkilimaya-Kumɛnu 19:17

Ni mɔgɛ ya fen di bolo-kolɔn ma, a si ma iko a ara Mari le dɔndɔ bawo wo le ye fen-dilɛ sarala.

Hɛnkilimaya-Kumɛnu 21:26

Tele-wo-tele, a si to a mirila fan wonu ma kɔnɔ telenbagɛ, wo si ke le fan nila mɔgɛnu ma.

Hɛnkilimaya-Kumɛnu 22:9

Mɔgɔ-kɔlɛ anubɛ duwɛ le bawo a ye dɔn-fan dila bolo-kolɔnnu ma.

Makawandili Kumɛnu 11:2

I ni ila wodi lamara kan-tina-siyaman tɔ bawo i ma a lɔn kasarɛ ye bɔla kan bara la.

Makawandili Kumɛnu 8:16

N ya n taya tuma-wo-tuma ka hɛnkili sɔrɔn duninya lakɔrɔsi tinɛ, hali n tora n mirila a ma su-ni-tele,

Matiyu 18:35

Nba, Yisa ko, “Ni wo kelen-kelennamɛ-bɛɛ ma wo na-kelen-nyɔgɛ makoto wo yisi bɛɛ la, n Fa Alla min bi Arinyɛni tɔ, wo fanan si wo bira wo nya le.”

Matiyu 5:39

Kɔnɔ kaka, n bi a fɔla wo ye ko min ba ko-yoge ma i la, i kana i tayili sara. Min ba i dɛ fan kelan ratii, i ni doi fanan tintan a la, a ni wo bɛrɛn tatii.

Matiyu 6:12

Ma ara bila i la minnu na, i ni ma makoto wonu na iko male bɛrɛn bi wonu makotola nya min, minnu bara bila ma la.

Luka 11:41

Kɔnɔ min bi wola yi-lafɛnu anubɛ piletinu burɔ, wo ni wo di bolo-kolɔnnu ma, fan bɛɛ si sɛninya wo ye worɔ.

Luka 12:33

Wo ni wo bolo-fan bɛɛ mayira ka wodi wo di bolo-kolɔnnu ma. Wo ni wodi-bɔrɛnu kara wo nyɛrɛ ye wo si wola wodinu namara minnu tɔ Arinyɛni tɔ. Woe sa anu ma. Fen ti bɔ wola wodinu na. Kankan ti ke a kankanna nyɔ. Kisinu ti a dɔn nyɔ,

Luka 18:22

Yisa ya kɛ lamɔɛn tumɛ min, a ya a fɔ a ye ko, “A tonɛ ko-kelen-pe le ma gbɛ, ta i bolo-fan bɛɛ fere ka wodi wo di bolo-kolɔnnu ma. I si nɔnfuli sɔrɔn Arinyɛni tɔ. Wo kɔma, i ni na bila n fɛ.”

Luka 6:29

Minnu ba wo dɛ fan kelan ratii, a ni doi fanan tintan a la, a ni wo bɛrɛn tatii. Ni mɔgɔ ya wola duruki bi wo bolo fɔrɔsɛ la, wo ni wola duruku-kɔrɔ-don fanan don a bolo.

Luka 6:31

Wo ye a fɛ, donu ni min ma wo ye, wole fanan ni wo ma anu ye.

Luka 6:38

Wo ni mɔgɛnu kɔ, woletɔ Alla si wo kɔ, ado a si a suma wo ye a kin na! A la si fa pen ka a madɛndɛn ka a don wo bolo. Wo ye fan sumanna doinu ye nya min, Alla si a suma wo ye wo nya na le.”

Kɛwɔlɛnu 20:35

Wo si to sɛnbɛbɔnɛnu dɛnbɛna nya min, n bara wo dama yira wo la nta wɔlɔ-gbɛlɛmɛ fɛ. Mari Yisa nyɛrɛ ya kumɛ minnu fɔ, wo ni wo yili to wonu ko. A ko, ‘Min bi fan nila, wota sewɛ kolo ka tenbi a ye a dila min ma.’ ”

2 Kɔrɛnti 8:9

ado wo ya ma Mari Yisa, Allata-Mɔgɔ-Yabɔnɛta hinɛ lɔn. Nɔnfulu-tigi-ba le ale la nun kɔnɔ a ya a nyɛrɛ ma bolo-kolɔn la wolela ko la. A ya wo ma alako ala bolo-kolonyɛ ni wo ma nɔnfulu-tigi la.

Ɛfɛsa 4:28

Ni min bara duru kankanyɛ la, wo ni kankanyɛ boloka ka a sɛbɛ don wɔlɛ ma. Wo si a ma, a ni ke a nyɛrɛ-beli-fannu sɔrɔnna ka bolo-kolɔnnu fanan dɛnbɛ.