Luka 6:25 - ALLALA KUMƐ

²⁵ Wole minnu buyi lafanɛ, gbalo ye wo kuma bawo kɔnkɛ si wo bira! Wole minnu bi yɛlɛnna kaka, gbalo ye wo kuma bawo wo si mɔni ka di!

Luka 6:25 ပူးပေါင်းရင်းမြစ်များ

Yaburi 49:19

fɔ a wa kofu a benbanu ma lakira pinpi ti bɔ kan min.

Hɛnkilimaya-Kumɛnu 14:13

Mɔgɛ do tɔrɔnɛ si taran kɔnɔ hali wo, a si yɛlɛn. Sewɛ do si a laban tɔrɔyɛ ma.

Hɛnkilimaya-Kumɛnu 30:9

Bawo ni n mara fugarɛ la, tumado, n si kankanyɛ kɛ ka ma ile lafɛya-koe la. Ado nfan, ni n mara bana la fanan, tumado, n si a fɔ ko n mako sa ile Alla la.”

Makawandili Kumɛnu 2:2

N ya a yen ni mɔgɛ tora yɛlɛnna, wo ti ko-wo-ko nyinya mɔgɛ ma, ado n ya a yen fanan ko kuntanyɛ ye a rɔ.

Makawandili Kumɛnu 7:3

Yisi-tinyɛ fisa yɛlɛn-kede-kede ko. Yisi-magboyɛ si mɔgɔ-yakɔrɛ yɛlɛma de kɔnɔ a si do sa mɔgɔ-hɛnkili kuma fanan.

Makawandili Kumɛnu 7:6

Kuntanla yɛlan mani de iko gbankinya tenbi fɛrɛnna dagɛ-kɔrɔ-tɛ rɔ. A sɔnkɔ-sɔnkɔ da ra kolo kɔnɔ a ti ko nyinya dagɛ burɔ.

Aiseya 28:7

A nɛbi wo, a saraka-masɔla wo, wo bɛɛ ye tonko-tankanna gbɛɛ-minyɛ bolo. Anu bara baan-su bɛɛ min ha anu bi tola anu nyɛrɛ mabondanna. Alla ye ko-rayirɛ minnu nanala, anu ti ke wonu nya-yenna gbɛɛ bolo. Saraka-masɔlɛnu ti ke kiti tɛgɛla yalafinyɛ bolo.

Aiseya 65:13

Woletɔ Mari Alla ya a fɔ ko Ata wɔli-kɛlɛnu si to anu buyi lafala kɔnɔ kɔnkɛ si to wole karagbɛlɛnu forongbanna. Ata wɔli-kɛlɛnu si to yi minna kɔnɔ wole karagbɛlɛnu sɔn ma si to gbalala yi-ko-sɔgɛ bolo. Ata wɔli-kɛlɛnu si to sewala tolon! Kɔnɔ miliyɛ ti bɔ karagbɛlɛnu kuma.

Aiseya 8:21

Mɔgɛnu si to yilan-yilanna nyamanɛ rɔ bawo anu kɔnkɔtoe, anu yigi la ara tɛgɛ. Wo si a ma, anu ni anuta mansɛ anubɛ anuna bɛsɛnu danka yisi-bɔɛ bolo. Hali anu ya anu yɛ sigi san-kole kɔrɔ

Aiseya 9:20

Anu tara kan-bo-kan, anu si dugu-matɔnbɔn-kɛ kɔnɔ hali wo, anu buyi ti fa. Hali anu sɔrɔn-den-bɛrɛ, anu si a dɔn.

Emɔsi 8:10

Wo si wo kundɛn wola sewa-tele minnu ma, Mari si tele wonu ma di-kɛ-tele la. Mari ko a si wola sewa-siginu yɛlɛma yisi-magboya-siginu na. A si a ma, wo ni wo kunyɛ gbana ka kasa-kurɛnu don wo kan na. A si kunaya wole, Isirɛla mɔgɛnu kuma iko mɔgɔ-kɔrɔyanɛla den kelan wa sa. A si gbɛlɛya wo kuma ha wola tɔrɔya-wati da ni fa.

Nehami 1:10

Anu si mintan iko wɔnɔ-dɛngban anubɛ bin-gbalɛ si mintan nya min gburr!

Luka 12:20

Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”

Luka 13:28

Wo wa Iburayima anubɛ Isiyaka anubɛ Yakoba anubɛ nɛbi bɛɛ yen Allala mansayɛ rɔ tumɛ min, a si ma diyi anubɛ nyin-makinyɛ la wo bolo bawo anu ya dɛ rasɔgɔ wo ma.

Luka 6:24

Nɔnfuli ye wole minnu bolo kaka, gbalo ye wo kuma bawo wo lafɛrɛnɛ!

Luka 6:26

Mɔgɛnu ba wo tɔgɔ-nyimɛ fɔ tumɛ min, gbalo ye wo kuma bawo wo benbanu ya a fɔ wo nya na le foninya-nɛbinu ma.

Luka 8:53

Anu dama ya Yisa mayɛlɛn bawo anu ya a lɔn serr ko dennɛ wo ara faga.

Ɛfɛsa 5:4

A ma bɛn, wo ni kuma-yogomɛ anubɛ kuntanya-kumɛ anubɛ kuma-gbondanɛnu fɔ foro-gbesi tinɛ. Yanni wo ni wo ma, wo ni to baraka birala Alla ye tolon!

1 Tɛsalonaika 5:3

Mɔgɛnu tenbi a fɔla ko anu bi yisi-kimɛ anubɛ lafɛrɛ rɔ, nba, anu si tɛrɛna halakiyi la wo wati le tɔ, yɔ! A si ma iko musu-kolomɛ buyi wa a lamaga. Anu ti kisi Mari na-tumɛ rɔ.

Yemesi 4:9

Wo ni nimisa ka a tɛgɛ wo ara ko-yogomɛ minnu kɛ. Wo ni wola yɛlan yɛlɛma di-kɛ la ka wola sewɛ yɛlɛma yisi-tinya la!

Lankɛnimayɛ 3:17

Wo ye wo kɔgɔ rakala ko nɔnfulu-tigi le wole la. Wo ko wola nɔnfuli ara wara. Wo ko wo makoe ye min bɛɛ la, wo ye wo bolo. Kɔnɔ wo makinikininɛ nya min wo, wo tɔrɔnɛ nya min wo, wo ma wo lɔn feu! Wo bolo-kolɔn gbɛ! Wo fiyonyanɛ. Kura sa wo ma.

1 Samuwɛli 2:5

Mɔgɛ min sako sanɛ dɔn-fan rɔ nun, kaka wonu denu bi wɔli-wo-wɔli kɛla. Kɔnɔ kɔnkɔto-kɔrɛnu, kɔnkɛ ara bɔ wonu na feu! Gbandɛ ara den mɔgɔ wɔrɔnfila sɔrɔn. Kɔnɔ dan siya min bolo nun, wo ye yisi-kɔrɔtɛ rɔ.