Luka 6:20 - ALLALA KUMƐ

²⁰ Yisa ya a yɛ sɔ ala karan-dannu na, a ko, “Mɔgɔ-sewanɛ le wole bolo-kolɔnnu na bawo Allala mansayɛ, wotɛ le!

Luka 6:20 ပူးပေါင်းရင်းမြစ်များ

Yaburi 37:16

Fen-dɔgɔmanɛ min bi mɔgɔ-nyimɛnu bolo, wo fisa karagbɛlɛnuta fen-belebele-wɛ ko

Hɛnkilimaya-Kumɛnu 16:19

Yanni wobɛ mɔgɔ-wasinɛnu ni nɔnfuli tala wo nyɔgɔn tɛma, a fisa, i ni to sigini bolo-kolonyɛ rɔ mɔgɔ-famayiginɛnu tɛma.

Hɛnkilimaya-Kumɛnu 19:1

Yanni i ni to kumala iko kun-takolɔn, a fisa, i latelennɛ ni to bolo-kolonyɛ rɔ.

Aiseya 29:19

Isirɛlata Mari Alla-sɛnimɛ ye sewɛ min dila mɔgɛnu ma, bolo-kolɔn anubɛ mɔgɔ-famayiginɛnu si wo sɔrɔn tun.

Aiseya 66:2

A ya fan bɛɛ dan a kɔɛn le la. Fan bɛɛ ye gbɛ kɛ le ma bawo ale le ya wonu nadan. Mari ko a si sewa mɔgɔ-sufa kɛnu na, minnu ma wasi, ado anu tole ma gbɛlɛ. Anu bi kilanna a la ka a sako kɛ.

Sɛfanaya 3:12

A ko fɔ mɔgɔ-famayiginɛnu dɔrɔn si to anu niyi la. Wonu denu si ta a wara anu dɛnbɛn-koe la.

Sakaraya 11:11

ado wo tele nyɛrɛ rɔ, sarama-kan wo bolokara. Sagɛ minnu bi nala fagala, ado anu yɛ bɛnnɛ n ma, wonu nara to a lɔnna ko sarama-kan boloka-koe a ma, Mari kuman-kan le.

Matiyu 11:5

Ya-fiyɔnnu bi fan yenna, namarɛnu bi tagamana, kunatoenu bara kɛndɛya, tolo-gberenu bi ko lamɔɛnna, furinu na ara wuli ka niyi lafɛ, kibara-nyima-kawandili ara bɔ bolo-kolɔnnu ye.

Matiyu 25:34

Wo kɔma, nde, mansɛ si a fɔ n bolo-nyimarɔ-mɔgɛnu ye ko, ‘N Fa Alla ara ata duwɛ layigi wole min kuma, wo na! Wo na mansayɛ sɔrɔn min tabɛnnɛ wo ye kebi duninya danta.

Matiyu 5:1

Yisa ya nyama yen min kɛ, a yɛlɛta kɔnkɛ kuma anu yarɔ ka a mayigi. Ala karan-dannu yɛlɛta a fɛ nyɔ.

Luka 12:32

“Wole, nna saga-kurun-nɛ, wo kana kilan bawo wo Fa fonde ara sa ka mansayɛ di wo ma.

Luka 13:28

Wo wa Iburayima anubɛ Isiyaka anubɛ Yakoba anubɛ nɛbi bɛɛ yen Allala mansayɛ rɔ tumɛ min, a si ma diyi anubɛ nyin-makinyɛ la wo bolo bawo anu ya dɛ rasɔgɔ wo ma.

Luka 14:15

Mɔgɔ kelen siginɛ Yisa fɛ tebulu ma, wo ya kɛ lamɔɛn tumɛ min, a ya a fɔ a ye ko, “Minnu si kele ladiyɛ rɔ Allala mansayɛ rɔ, mɔgɔ-sewanɛ le wonu na!”

Luka 16:25

“Kɔnɔ Iburayima ko, ‘Nna dan, i miri fɔlɔn. I kɛndɛ tumɛ min, i ye fen-nyimɛ bɛɛ sɔrɔnna kɔnɔ wati wo rɔ, Lasarasi kɛ ye fen-nɔgɔnɛnu gbansan sɔrɔnna. Nba kaka, ale le ye sewɛ la yan, ile ye dumɛ rɔ.

Luka 4:18

“Marita Sɛnbɛ ye n tɔ. A ara n yabɔ alako n ni kibara-nyimɛ lake bolo-kolɔnnu ma. Minnu bi biralɛ rɔ, a ya n sɔ ka wonu boloka-koe fɔ anu ye anubɛ ka fiyɔnnu yɛ laka. Nɔɛ sanɛ minnu kuma, n si wonu hɔrɔya.

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

2 Kɔrɛnti 6:10

Hali ma yisi tinyanɛ kɔnɔ ma sewanɛ tolon! Ma lɔnnɛ bolo-kolɔnnu na kɔnɔ ma ara mɔgɔ siyaman ma bana la. Ma manɛ iko fen sa ma bolo kɔnɔ fan bɛɛ ye ma bolo.

2 Kɔrɛnti 8:2

Hali anu bi tɔrɔyɛ anubɛ bolo-kolonyɛ rɔ, anu sewanɛ ka nilɛ kɛ foninsereyɛ la.

2 Kɔrɛnti 8:9

ado wo ya ma Mari Yisa, Allata-Mɔgɔ-Yabɔnɛta hinɛ lɔn. Nɔnfulu-tigi-ba le ale la nun kɔnɔ a ya a nyɛrɛ ma bolo-kolɔn la wolela ko la. A ya wo ma alako ala bolo-kolonyɛ ni wo ma nɔnfulu-tigi la.

1 Tɛsalonaika 1:6

Wo ya malebɛ Mari ma wola misalɛnu na. Wo tɔrɔta kosɛbɛ kɔnɔ hali wo, wo ya karan wo bira sewɛ la, ado sewa-sufa wo ye bɔla ata Ni-Sɛnimɛ le bolo.

2 Tɛsalonaika 1:5

Nyagbɛ wo ye a yirala ko Allala kiti telenta. Nyagbɛ wo le ye a mala, wo ni wo rabɛn ata mansayɛla ko la. Tonyɛ le, wo ye tɔrɔla mansayɛ wola ko la,

Yemesi 1:12

Mɔgɔ-sewanɛ le wo mɔgɛ la min si lanayɛ kɛ kɔrɔbɔlɛ rɔ bawo ala kɔrɔbɔlɛ wa ban tumɛ min, a si barayi min sɔrɔn, wo le a niyi-bɛrɛ la. Minnu bara Alla keni, Alla ara lanyiri kiri wonu ye ko a si barayi di anu ma.

Yemesi 2:5

N diyana na-kelen-nyɔgɛnu, wo ni wo tole masɔ! Alla ara bolo-kolɔnnu yabɔ duninya kɛ rɔ ka anu nama-a-la dɛnkɛninyɛ rɔ. Alla di minnu ye, wonu si mansayɛ sɔrɔn iko a ara lanyiri kiri anu ye nya min.

Lankɛnimayɛ 2:9

N ya wole Simirina-chɔchi-mɔgɛnuna tɔrɔyɛ lɔn. Bolo-kolɔn le wole la kɔnɔ nde ya wo lɔn nɔnfulu-tigi-bɛrɛbɛrɛ le la! Donu bi a fɔla ko Yahudiya le anu na wola chɔchi burɔ kɔnɔ anu foni. Wonu bi kuma-yogomɛ min bɛɛ fɔla wo ma, n bi wo bɛɛ kalama. Setanɛta kurɔn le wonu na.

1 Samuwɛli 2:8

Ale le si bolo-kolɔnnu bɔ gbangban rɔ ka mɔgɔ-fɛlɛtenɛnu hayu kasa. A si sɛnbɛ di anu ma iko mansa-dannu ka gbiliya-tinɛnu di anu ma. Mari leta ye dugu-kole sɛnbɛrɛn-kɔnnu na, ado ale ya dugu-kole sa wonu kuma.