Luka 6:19 - ALLALA KUMƐ

¹⁹ Mɔgɛ bɛɛ ya a raya alako ka anu bole tugu a la bawo ala sɛnbɛ ye donna mɔgɛnu tɔ anu dama dandan-koe la.

Luka 6:19 ပူးပေါင်းရင်းမြစ်များ

2 Mansɛnu 13:21

Lunyɛ do, Isirɛla mɔgɛnu bi furu-togɔn la, anu ya Mohabu kɛnu yen nala anu kɛlɛ tinɛ. Tiriyante wo rɔ, anu ya furi wo lakɛ Nɛbi Ilaisa furi kuma kaburu rɔ. Anu ya anu natiriya tala. Furi wo tugura Nɛbi Ilaisa kolenu na tumɛ min, furi wo niyi bilara a rɔ. A ya a lasɔ.)

Matiyu 14:36

Anu ya a madiya ko, “I yandi, i ni sɔn kirayatoenu ni anu bole maga ila duruki da-gbole la.” Nba, min bɛɛ ya a bole maga a la, wonu kɛndɛyara.

Maraka 3:10

A ara mɔgɔ siyaman nakɛndɛya nun min kɛ, kirayatoe bɛɛ tora anu nyɔgɔn matuntunna alako anu si anu bole tugu a la nya min.

Maraka 5:30

Tiriyante wo rɔ, Yisa ya a lɔn ko sɛnbɛ do ara bɔ a rɔ. Woletɔ a ya a tintan nyama la. A ko, “Yon magara nna duruki la?”

Maraka 6:56

Yisa tara kan tinɛ min bɛɛ rɔ, a mara so-mɛsɛ la wo, a mara so-wɛ la wo, a mara sɛnɛ la wo, mɔgɛnu ya anuna kirayatoenu bi ka anu sa barɛ tɛma. Anu ya a madiya alako a ni sɔn kirayatoenu ni anu bole tugu hali ala duruki da-gbole la. Min bɛɛ ya anu bole tugu a la, wonu kɛndɛyara.

Maraka 8:22

Nba, Yisa anubɛ ala karan-dannu kera Bɛti-Sayida soe burɔ. Mɔgɛ donu nara fiyɔn la Yisa wara ka a madiya ko a ni a bole tugu a la.

Luka 5:17

Lunyɛ do, Yisa tenbi mɔgɛnu karanna, Farisi donubɛ tɔn-karan-mɔgɛnu siginɛ nyɔ minnu bɔra Kalili anubɛ Yudiya soe tɔnkɔn bɛɛ rɔ anubɛ Yerusalɛm. Marita sɛnbɛ ye Yisa rɔ ka kirayatoenu nakɛndɛya.

Luka 6:18

Wonu nara anu dandan-koe la ka anu tole masɔ a la. Nyina-yogomɛ ara minnu tɔrɔ, wonu fanan kɛndɛyara.

Kɛwɔlɛnu 19:12

Hali ala pɔkitanɛnu anubɛ ala wɔli-kɛ-durukinu, anu ba ta wonu na kirayatoenu ma, anu si kɛndɛya. Nyina-yogenu si bɔ anu fɛ.

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ