Luka 3:38 - ALLALA KUMƐ

³⁸ Keyana fanan fa le Inɔsi la, Inɔsi fanan fa le Sɛti la, Sɛti fanan fa le Hadama la, min bi Allala dan la.

Luka 3:38 ပူးပေါင်းရင်းမြစ်များ

Ko-Dabirɛnu 2:7

Wo kɔma, Mari Alla ya kei dan ka bɔ bɔnkɛ rɔ. Alla ya a nyɛrɛ niyi bila a sunyɛ rɔ. Kei wo ya niyila fɛyɛ dabira. A mara dali-fen-kɛndɛ la.

Ko-Dabirɛnu 4:25

Hadama anubɛ ala musi ya den-kei do sɔrɔn tun. Ala musi ya wo tɔgɔ sa Sɛti bawo tɔgɛ wo kɔrɛ le iko mɔgɔ wa a fɔ ko, “ka a di.” A ya a fɔ ko, “Alla ara den-kei do di n ma Ebɛli gbɛ rɔ tun, Ken ya min faga, kɔni.”

Ko-Dabirɛnu 4:26

Sɛti wo fanan ya den-kei sɔrɔn. A ya a tɔgɔ sa Inɔsi. Mɔgɛnu ya Mari batoe dabira wati wo le tɔ.

Aiseya 64:8

Kɔnɔ Mari, ma fa le ile la. Male manɛ iko dugu-namɛ. Daga-sɔlɛ le ile la. I kɔɛn-nyɛrɛ-nyɛrɛ le ya ma dan.

Luka 3:37

Lamɛki fanan fa le Metusayɛli la, Metusayɛli fanan fa le Inɔki la, Inɔki fanan fa le Yɛrɛdi la, Yɛrɛdi fanan fa le Mahalalɛli la, Mahalalɛli fanan fa le Keyana la,

Luka 4:1

Yisa sɛgira ka bɔ Yorodan bɛ fɛ, a fanɛ Allata Ni-Sɛnimɛ la. Wo kɔma, Allata Ni-Sɛnimɛ tara a la wulɛ rɔ.

1 Kɔrɛnti 15:45

ado a sɛbɛnɛ Allala kitabu rɔ ko, “Alla ya mɔgɔ fɔlɔtɛ min dan, ma benba Hadama, kɔni, a ya niyi di wo ma.” Kɔnɔ Yisa min bi Hadama laban la, wo le si niyi di mɔgɛ ma kaka.

1 Kɔrɛnti 15:47

Hadama fɔlɔtɛ danta ka bɔ gbangban rɔ. Hadama fila nyɔgɛ bɔra Arinyɛni tɔ.