Luka 24:47 - ALLALA KUMƐ

⁴⁷ A sɛbɛnɛ fanan ko tubi koe anubɛ hakɛ-makoto-ko-kawandilɛ si bɔ sibole bɛɛ ye n tɔgɛ rɔ ka a dabira Yerusalɛm yan.

Luka 24:47 ပူးပေါင်းရင်းမြစ်များ

Ko-Dabirɛnu 12:3

Min ba duwa i ye, nta duwɛ si to wo kuma. Min ba i danka, n si wo danka. Duninya-mɔgɛ bɛɛ si duwɛ sɔrɔn ile fɛ.”

Yaburi 22:27

Sibole bɛɛ hɛnkili si to Mari ko. Anu si anu ya-lamunun Mari la duninya-tonko-nanɛ bɛɛ rɔ. Sibole bɛɛ si a bato.

Yaburi 67:7

Alla ara ata duwɛ layigi ma kuma. Alamɛ mɔgɛ bɛɛ ya a gbiliya duninya rɔ.

Yaburi 86:9

I ya sibole min bɛɛ labɔ duninya rɔ, wonu dama si na anu madu i kɔrɔ. Anu si i tɔgɔ-makawanɛ gbiliya.

Aiseya 11:10

Wati ye nala, mansa-kurɛ do si bɔ Dawuda bɔnsɔn rɔ, wo si ma tamasere la duninya bɛɛ ye. Sibolenu na si dɛn ata mansaya-soe burɔ ka nyɔ gbiliya.

Aiseya 49:22

Ma Tigi Mari ya a fɔ male ata mɔgɛnu ye ko a wa a kɔɛn keri sibolo-gbɛrɛnu ye tumɛ min, wonu si na anuna dannu na i ma tun.

Aiseya 49:6

Mari ara a fɔ n ye ko, wɔli-belebele ye nde, ata wɔli-kɛlɛla ko la. Isirɛla mɔgɛ toe minnu tonɛ, a si wonu nasɛgi anuta gbiliyɛ rɔ kɔnɔ min kolo wo ko, a ko anu si ma waan la sibolenu ye alako duninya mumɛ la ni kisi.

Aiseya 5:4

Ni n ma min ma a ye yɛ, n ni wo lɔn. Ni wo ma, nfenna a gbɔɛ kunayanɛ? Nfenna a diyama sa a rɔ iko n bi nyinina a ma nya min?

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Aiseya 52:15

Kɔnɔ kaka, sibolenu ba a yen, anu si kawa. Mansɛnu ba a yen, anu si anu bole sa anu dɛ la. Anu si koe do nya-yen, anu ma min yen bɛ tele-kelen-bɛrɛni!

Yɛrɛmaya 31:34

Mɔgɔ-wo-mɔgɔ ti a ta-nyɔgɛ karan Mari wara-koe ma tun bawo ka a bi dennɛ ma ka a sigi kina la, bɛɛ si a lɔn. A ko a si wo hakɛ makoto. A ti a fonde lamiri wo sɔn-yogomɛnu ma. Mari kan le kɛ la.

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Hoseya 11:8

“N si ile Isirɛla don bolo tɔ kama? N si wo boloka kama? N si wo kasara kama iko n ya a ma nya min Adima anubɛ Sebom soe la? N ti sɔn wo kasara-koe ma. Nta keninteyɛ da rakolo wo ye.

Hoseya 2:23

N si nta mɔgɛnu fui nyamanɛ wo rɔ ka anu bara-koe lata yarɔ. N ya a fɔ minnu ma ko, “Hinabɛlɛnu,” n si hina wonu na. N ya a fɔ minnu ma ko, “Nta ma,” n si a fɔ wonu ma ko, “Nta mɔgɛ le kɛnu na.” Wonu fanan si a fɔ ko, “Mata Alla le ile la.”

Maika 4:2

Anu si a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni.’ Anu si a fɔ fanan ko, ‘Ma si tagama nya min, Mari si wo yira ma la iko a ye nyinina a ma nya min.’ Anu si a fɔ tun ko, ‘Marita karan si bɔ Yerusalɛm, a si ata mɔgɛnu karan kan min.’

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Matiyu 28:19

Nba, wo ni ta mɔgɛ bɛɛ wara ka anu ma nna karan-dannu na. Wo ni anu batasi Fa Alla anubɛ ala dan anubɛ ale Ni-Sɛnimɛ tɔgɔ rɔ.

Matiyu 3:2

Yɔni ye a fɔla mɔgɛnu ye nun ko, “Wo ni tubi ka wo kɛ-nyanu yɛlɛma bawo Alla min bi Arinyɛni tɔ, wota mansayɛ ara gbɛrɛn!”

Matiyu 9:13

Wo ta kumɛ kɛ kɔrɛ nyini Allata kitabu rɔ ko, ‘A sa nyinina saraka-soge ma ma bolo fɔ kinikinɛ,’ bawo n ma na mɔgɔ-telennɛnu kele tinɛ fɔ hakɛ-tiginu alako wonu ni bila n fɛ.”

Luka 13:34

“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma!

Kɛwɔlɛnu 10:43

Nɛbi bɛɛ ya ala koe fɔ ko mɔgɔ-wo-mɔgɔ wa dɛnkɛninya a ma, Alla si wo makoto a hakɛ ma ale tɔgɛ sɛnbɛ baraka rɔ.”

Kɛwɔlɛnu 11:18

Anu ya kɛ lamɔɛn tumɛ min, anu ya a makumɛ boloka ka Alla tanto. Anu ko, “Nba, Alla ara fɛrɛ di sibolo-gbɛrɛnu fanan ma ko anu ni tubi ka habadan-nimayɛ sɔrɔn!”

Kɛwɔlɛnu 13:46

Kɔnɔ Pɔli anubɛ Banabasi kumara yisi-latɛgɛ rɔ. Anu ko, “A fɛrɛ sa fɔ Allala kumɛ ni fɔ wole fɔlɔn ye. Kɔnɔ wo ara wo ban a la min kɛ, wo le ya a ragbɛ ma ye ko a ma bɛn, wo ni habadan-nimayɛ sɔrɔn. Woletɔ ma ye nala wo bolokala ka ta sibolo-gbɛrɛnu bara,

Kɛwɔlɛnu 2:38

Pita ya a fɔ anu ye ko, “Wo kelen-kelennamɛ-bɛɛ ni yɛlɛma ka wo kan-kɔ sɔ wola hakɛnu na. Wo kɔma, wo ni batasi ale Yisa, Allata-Mɔgɔ-Yabɔnɛ tɔgɛ rɔ, woletɔ Alla si wo makoto wola hakɛnu ma. Alla si ata Ni-Sɛnimɛ di wo ma.

Kɛwɔlɛnu 20:21

A Yahudiya wo, a sibolo-gbɛrɛ wo, n ya a fɔ anu filɛ bɛɛ ye ko anu ni anu kan-kɔ sɔ anu hakɛ la ka anu yɛ lamunun Alla la ka dɛnkɛninya Mari Yisa ma.

Kɛwɔlɛnu 26:18

I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’

Kɛwɔlɛnu 26:20

Ka a dabira Damasika ha ka ke Yerusalɛm anubɛ Yudiya nyamanɛ bɛɛ ha sibolo-gbɛrɛnu tɛma, n ya kawandili bɔ wo bɛɛ rɔ. N ya a fɔ anu ye ko anu ni fara hakɛ kɛla ko anu ni na Alla wara. N ko anu ni kɛwɔlɛ wonu kɛ min si a yira ko anu bara yɛlɛma.

Kɛwɔlɛnu 28:28

Pɔli ko tun, “Wo ni a lɔn serr, ko Allala kisi-ko-kumɛ ara ta ke sibolo-gbɛrɛnu ma, ado wonu denu si anu tole masɔ!” [

Kɛwɔlɛnu 3:19

Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma,

Kɛwɔlɛnu 4:12

ado Alla ara tɔgɔ kelen pe min di mɔgɛnu ma anu si kisi min fɛ, wo tɔgɔ-gbɛrɛ sa duninya rɔ fɔ ale Yisa tɔgɔ kelen pe.”

Kɛwɔlɛnu 5:31

Alla ya a lawuli ka a sigi a kɔɛn-nyimɛ rɔ ka a ma kun-tigi anubɛ kisilɛ la. A ya wo ma alako Isirɛla mɔgɛnu ni fɛrɛ sɔrɔn tubi-koe la. Anu ba wo ma, Alla si anu makoto anu hakɛ ma.

Romu 5:20

Nɛbi Musata tɔn-kitabu nara le alako mala ko-yogomɛnu si bɔ gbɛ rɔ nya min. Kɔnɔ hakɛ warata nya min, Allata hinɛ fanan warata ka tenbi wo la!

Ɛfɛsa 1:6

Ma ni a tanto ata hina-belebele-wɛla ko la kosɛbɛ! A ara wo di ma ma sewɛ rɔ a diyana-dan baraka rɔ.

Ɛfɛsa 3:8

Hali Allata mɔgɛ bɛɛ tenbira nde la kɔnɔ Alla ara n gbiliya ka kibara-nyimɛ lake-fɛrɛ kɛ di nde ma. A ya wo di n ma alako n ni Kirasitita hina-waranɛ yira wole sibolo-gbɛrɛnu na.

Kɔlɔsi 1:27

ado Allata ko-rabɛn le wo la alako ata mɔgɛnu ni ala gbundu-koe lɔn. Gbundu-koe wo makawara, a gbiliyanɛ. Gbundu-koe wo le ko Kirasiti siginɛ wole sibolo-gbɛrɛnu fanan yisi rɔ. Yigi le wo la alako wo fanan ni wotɛ sɔrɔn Allata gbiliyɛ wo rɔ iko male Yahudiyanu.

1 Yɔni 2:12

N diyana-dannu, n bi do sɛbɛla wo ma bawo wo hakɛ ma ara koto Kirasiti tɔgɛla ko la.