Luka 24:39 - ALLALA KUMƐ

³⁹ Wo ni n bolenu anubɛ n kiannu mafɛlɛn. Wo ni a lɔn ko nde le yati! Wo ni wo bole maga n na ka a lɔn ko nde le bawo fɛrɛ-bɔnkɛ anubɛ kole sa yiyɛ rɔ iko wo ye a yenna nde rɔ nya min.”

Luka 24:39 ပူးပေါင်းရင်းမြစ်များ

Makawandili Kumɛnu 12:7

Ma fɛrɛ si sɛgi bɔnkɛ rɔ. Ma niyi wo si sɛgi Alla ma a bɔra kan min.

Yilan-Yilan Koe 16:22

Kɔnɔ Musa anubɛ Aruna ya anu maburun dugi ma ka Mari madiya ko, “E, Mari, ma ya a lɔn ko Allatala le ile la. Ile le ya mɔgɔ niyi dan. I si ke ka mɔgɔ niyi bi. Kɔnɔ i si na mɔgɛ kɛ bɛɛ niyi tinya mɔgɔ kelen peta hakɛla ko la, wa?”

Luka 23:46

Yisa ya a kan labɔ bɛrɛkɛ! A ko, “N Fa! N bara n niyi latenbi i ma!” A ban kɛ fɔla, a ya a niyi-laban lafɛ.

Luka 24:38

Yisa ya a fɔ anu ye ko, “Wo yisi tɔrɔnɛ nfen na? Sikɛ kɛ bɛɛ donnɛ wo rɔ kama?

Luka 24:40

A ban kɛ fɔla, a ya a bolenu anubɛ a kiannu yira anu na.

Yɔni 20:20

A ban kɛ fɔla, a ya a kɔɛn filɛ anubɛ a tɔnkɔn yira anu na. Mari yen ala karan-dannu bolo, anu sewara kati!

Yɔni 20:25

Karan-dan doinu ya a fɔ a ye ko, “Ma ara Mari yen!” Tamasi ya a fɔ anu ye ko, “Ni n ma lɔntuma-pɛrɛ yen a kɔɛnnu tɔ ka n bolo-nɔlɔnɛ don lɔntuma-gbɛ wonu tɔ anubɛ ka n bole ladon a tɔnkɔn rɔ, nde ti la a la.”

Yɔni 20:27

Wo kɔma, a ya a fɔ Tamasi ye ko, “I bolo-nɔlɔnɛ sa yan. N bolenu mafɛlɛn. I bole rasagan ka a don n tɔnkɔn rɔ. Sikɛ ni bɔ i rɔ. I ni la n na!”

Kɛwɔlɛnu 1:3

Ata sayɛ kɔma, a ya a nyɛrɛ yira anu na tumɛ siyaman tamasere-gbɛnɛ siyaman fɛ alako anu ni a lɔn yati, ko a la ara wuli. Anu ya a kɛndɛ yen tele bi-nani kɔrɔ. A ya Allala mansayɛ wara-koe fɔ anu ye.

1 Tɛsalonaika 5:23

Alla min bi yisi-kimɛ dila wo ma, alamɛ wo ya wo dɛnbɛ ka wo nyɛrɛ mara feu! Wo niyi wo, wo sɔndɔmɛ wo, wo fɛrɛ-bɔnkɛ wo, alamɛ wo ya wo bɛɛ mara a kin na! Ma Mari Yisa, Allata-Mɔgɔ-Yabɔnɛ wa na tumɛ min, a ni wo taran, fɛɛ-wo-fɛɛ sa wo la.

Hiburunu 12:9

Ma fa minnu bi duninya kɛ rɔ, wonu bi ma kolola, ado ma ye wonu gbiliyala. Ni ma ye wonu gbiliyala, ma fa min bi Arinyɛni tɔ don? A fisa, ma ni ma famayigi wo kɔrɔ alako ma si ni-bɛrɛ sɔrɔn nya min.

1 Yɔni 1:1

Ma ye kɛdi kɛ sɛbɛla wo ma ka a tɛgɛ wo “Kumɛ” ma min si nimayɛ di mɔgɛnu ma. “Kumɛ” wo ye nyɔ kebi duninya dabirɛ. Ma ara a lamɔɛn nun, ma ara a yen ma yɛ la, ado ma ara a mafɛlɛn ka ma bole maga a la.