Luka 24:36 - ALLALA KUMƐ

³⁶ Anu bi kɛ fɔɛ kun na tumɛ min, Mari nyɛrɛ sɔra anu tɛma ka a fɔ anu ye ko, “Wo yisi ni kimɛ.”

Luka 24:36 ပူးပေါင်းရင်းမြစ်များ

Aiseya 57:18

A ko hali wo ye wo sɔn-yogomɛ da kun tɔ, a ko hali wo, a si to wo lakɛndɛyala. A ko a si wo bila kila-telennɛ fɛ ka wo lafɛrɛ.

Matiyu 10:13

Ni bonna-mɔgɛ wonu ya wo rabira a kin na, wola yisi-kima-duwa-kɔndɔli si to anu fɛ. Kɔnɔ ni anu ma wo rabira, wo ni Alla madiya ko wola duwɛ ni bɔ anu fɛ.

Maraka 16:14

A laban, Yisa bɔra gbɛ rɔ ala karan-den tan-ni-kelan ye, anu bi anu de-nyinina tumɛ min. A ya anu makuma anuna dɛnkɛninyabɛlitayɛ anubɛ anuna tolo-gbɛlɛyɛla ko la bawo minnu ya a nimɛ yen, anu ma la wonuna sereyɛ la.

Luka 10:5

Wo wa don minna bɔn la tumɛ min, wola kuma-fɔlɔn ni ma, ‘Yisi-kimɛ ni to bɔn kɛ la.’

Yɔni 14:27

“N bi yisi-kimɛ tola wo fɛ. N bi nta yisi-kimɛ min dila wo ma, n sa a dila wo ma iko duninya ye a mala nya min. Wo yisi kana tinya. Wo kana kilan.

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Yɔni 20:26

Lɔgɔkun kelen wo kɔma, Yisala karan-dannu ya anu nadɛn bɔn la tun, Tamasi ye anu fɛ. Bon-rasɔgɔnɛ anu bolo. Yisa nara sɔ anu tɛma tun. A ko, “Alamɛ wo ya yisi-kimɛ sɔrɔn.”

Kɛwɔlɛnu 1:3

Ata sayɛ kɔma, a ya a nyɛrɛ yira anu na tumɛ siyaman tamasere-gbɛnɛ siyaman fɛ alako anu ni a lɔn yati, ko a la ara wuli. Anu ya a kɛndɛ yen tele bi-nani kɔrɔ. A ya Allala mansayɛ wara-koe fɔ anu ye.

1 Kɔrɛnti 15:5

Yisa bɔra gbɛ rɔ Pita ye. Wo kɔma, a bɔra gbɛ rɔ kilaya mɔgɔ tan-ni-filɛ bɛɛ ye.

1 Kɔrɛnti 15:7

Wo kɔma, a bɔra gbɛ rɔ Yemesi anubɛ kilayɛ bɛɛ ye.

2 Tɛsalonaika 3:16

Mari nyɛrɛ min bi yisi-kimɛ dila ma ma, alamɛ wo ya yisi-kimɛ di wo ma tumɛ bɛɛ, nya bɛɛ ma. Mari ni to wo dama fɛ.

Lankɛnimayɛ 1:4

Nde, Yɔni le ye kɛ sɛbɛla ka a lata chɔchi wɔrɔnfilɛnu ma minnu bi Esiya nyamanɛ rɔ. Alla min bi yan kaka, a ye nyɔ kebi fɔlɔ, ado a ye nala le, alamɛ wo ya hinɛ anubɛ yisi-kimɛ di wole chɔchinu ma ka bɔ Allata Ni-wɔrɔnfila rɔ minnu bi ala mansaya-sigi-fan yakɔrɔ.