Luka 24:30 - ALLALA KUMƐ

³⁰ A sigira anu fɛ tebulu la. A ya biredi bi ka baraka bira Alla ye. Wo kɔma, a ya biredi rakerikeri ka a di anu ma.

Luka 24:30 ပူးပေါင်းရင်းမြစ်များ

Matiyu 14:19

A ya a fɔ mɔgɛnu ye ko anu ni sigi binyɛ kuma. Wo kɔma, a ya biredi loli anubɛ yɛgɛ filɛ wonu bi. A ya a yɛ layɛlɛ san ma ka baraka bira Alla ye. A ya biredi loli wo rakerikeri ka a don ala karan-dannu bolo. Karan-dannu ya wonu di mɔgɛnu ma.

Matiyu 15:36

Wo kɔma, a ya biredi wɔrɔnfilɛ anubɛ yɛgɛ wonu bi ka baraka bira Alla ye. A ya anu takerikeri ka anu don ala karan-dannu bolo. Karan-dannu ya a di mɔgɛnu ma.

Matiyu 26:26

Anu bi fen dɔnla tumɛ min, Yisa ya biredi bi. A ya baraka-bira-madiyali kɛ. A ya a rakerikeri ka a di ala karan-dannu ma. A ko, “Wo ni biredi kɛ bi ka a dɔn. N fɛrɛ-bɔnkɛ le kɛ la.”

Maraka 14:22

Anu bi fen-dɔn la tumɛ min, Yisa ya biredi bi ka baraka-bira-madiyalɛ kɛ. A ya a rakerikeri ka a di ala karan-dannu ma. A ko, “Wo ni biredi kɛ bi ka a dɔn. N fɛrɛ-bɔnkɛ le kɛ la.”

Maraka 6:41

Wo kɔma, Yisa ya biredi loli anubɛ yɛgɛ filɛ wonu bi. A ya a yɛ layɛlɛ san ma ka baraka bira Alla ye. A ya biredi loli wo rakerikeri ka a don ala karan-dannu bolo alako anu ni wonu tafara mɔgɛnu tɛma. A ya yɛgɛ fila fanan fara anu dama tɛma.

Maraka 8:6

Yisa ya a fɔ nyama ye ko anu ni sigi dugi ma. A ya biredi wɔrɔnfilɛ wo bi ka baraka bira Alla ye. A ya anu takerikeri ka anu don ala karan-dannu bolo alako anu ni a fara nyama tɛma. Karan-dannu ya wo ma.

Luka 22:19

Wo kɔma, a ya biredi bi ka baraka bira Alla ye. A ya a rakerikeri ka a di anu ma. A ko, “N fɛrɛ-bɔnkɛ le kɛ la n bara min ni wola ko la. Wo ni kɛ ma alako wo hɛnkili si to n ko nya min.”

Luka 24:29

kɔnɔ anu ya a madiya bɛrɛkɛ! Anu ko, “To ma fɛ fɔlɔn. Tele ara ta, suyi ketoe le.” Woletɔ a donta ka to anu fɛ.

Luka 24:35

Min mara kilɛ la, mɔgɔ filɛ wonu ya wo rakaran anu ye. A ya biredi rakerikeri tumɛ min, anu ya a lɔn kelenna ko Mari le. Anu ya wo bɛɛ rakaran anu ye.

Luka 9:16

Yisa ya biredi loli anubɛ yɛgɛ filɛ wonu bi ka a yɛ layɛlɛ san ma. A ya baraka bira Alla ye anuna ko la ka anu takeri ka anu don ala karan-dannu bolo alako anu ni a ratala mɔgɛnu tɛma.

Yɔni 6:11

Yisa ya biredi wo bi ka baraka bira Alla ye. A ya a rafara mɔgɔ siginɛ wonu tɛma. A ya yɛgɛ wo fanan ma wo nya le. Anu dama fara pen, iko a di anu ye nya min.

Kɛwɔlɛnu 2:42

Wonu tora karanna Yisata kilayɛnu fɛ ka ta-nyɔgɔnyɛ kɛ. Anu tora Marita kima dɔnna anu nyɔgɔn fɛ ka Alla matara.

Kɛwɔlɛnu 2:46

Anu tora anu nyɔgɔn nadɛnna Alla-Bato-Bɔn la tele-wo-tele. Anu ya fen-dɔn-kɛ anu nyɔgɔn fɛ ka Marita kima dɔn anu barɛnu tɔ sewɛ anubɛ famayigiyɛ rɔ.

Kɛwɔlɛnu 27:35

Pɔli banta kɛ fɔla tumɛ min, a ya biredi do bi ka baraka bira Alla ye anu dama yala. A ya a rakeri ka do dɔn anu yala.