Luka 24:28 - ALLALA KUMƐ

²⁸ Anu bi tala kan min nun, anu gbɛrɛnta so-nɛ wo ma. Yisa ya a ma iko a ye tenbila nyɔ la

Luka 24:28 ပူးပေါင်းရင်းမြစ်များ

Ko-Dabirɛnu 19:2

Lɔti ya a fɔ anu ye ko, “N tiginu, n bi wo madiyala. Wo yandi, wo ni yiya n barɛ bi. Wo si wo kian maku ka ki nyɔ. Wo wa wo lasɔ sɔgɔma, ni wo ye tala kan min, wo si ta nyɔ.” Anu ko, “Ade, ma si ki luyi tɛma barɛ rɔ.”

Ko-Dabirɛnu 32:26

Kei wo ko, “N boloka kamasɔrɔn waan ra ye ka tinɛ le.” Kɔnɔ Yakoba ko, “N ti i boloka mumɛ, fɔ i wa duwa n ye.”

Ko-Dabirɛnu 42:7

Yusufu ya a kɔrɔnu yen tumɛ min, a ya a lɔn tiriya ko a kɔrɔnu denu. A ya a nyɛrɛ ma iko a ma anu lɔn defan! A ya anu tagbɛrɛn ka a fɔ anu ye ko, “Wo bɔra mi?” Anu ko, “Male bɔra Kenan nyamanɛ le tɔ ka na dɔn-fen san tinɛ yan tɔ.”

Maraka 6:48

A ya a yen ko ala karan-dannu bi tɔrɔla kulɔn lata-koe rɔ bawo fɔnyɔ ara a kunyɛ sa anu ma. Su-talɛ ma, Yisa ye tagamana yi kuma anu bara la. A tora doni, a ni tenbi anu na nun.

Luka 24:29

kɔnɔ anu ya a madiya bɛrɛkɛ! Anu ko, “To ma fɛ fɔlɔn. Tele ara ta, suyi ketoe le.” Woletɔ a donta ka to anu fɛ.