Luka 24:26 - ALLALA KUMƐ

²⁶ Ko Allata-Mɔgɔ-Yabɔnɛ ni tɔrɔ, wo kɔma, a ni don ata gbiliyɛ rɔ, wo ma bɛn, wa?”

Luka 24:26 ပူးပေါင်းရင်းမြစ်များ

Ko-Dabirɛnu 22:6

Iburayima ya sɔgɛ wo bi ka a sa ala den Isiyaka kuma. Ale ya tɛ anubɛ muri bi. Anu mɔgɔ filɛ bɛɛ ye yɛlɛla kɔnkɛ wo kuma,

Daniyɛli 9:26

Wo wati wa tenbi, anu si Allata-Mɔgɔ-Yabɔnɛ faga hali a ma ko tinya. Kun-tigi-sɛnbɛmɛ do si ala kɛlɛ-dannu nata ka ta Yerusalɛm anubɛ Alla Bato-Bɔn tinya pɔ! Wola ban si na iko gboron-gboronna-yi. Kɛlɛ anubɛ kasarɛ si ma anutɛ la burubukai iko Alla ya a fɔ nya min.

Sakaraya 13:7

Mari Sɛnbɛ-Bɛɛ-Tigi ya a fɔ ala faan ye ko a la ni wuli a wɔli-kɛ-nyɔgɛ saga-fɛ-biralɛ kan ma. A wa ban a fagala, ala sagɛnu ta si nyɛnsɛn. Mari ko a si bui ala mɔgɛnu ma, ala sagɛnu, kɔni.

Luka 24:44

Wo kɔma, a ya a fɔ anu ye ko, “N bi wo fɛ tumɛ min nun, n ya koe kɛnu fɔ wo ye nun. Koe min bɛɛ sɛbɛnɛ ndela ko la Nɛbi Musala tɔn rɔ anubɛ nɛbinuna kitabunu tɔ anubɛ Yaburi kitabu rɔ, fɔ wonu ni bɔ-a-la.”

Luka 24:46

A ya a fɔ anu ye ko, “Kɛ le sɛbɛnɛ ko fɔ nde, Allata-Mɔgɔ-Yabɔnɛ ni tɔrɔ, a tele sawa nyɔgɛ ma, n ni wuli ka bɔ sayɛ rɔ.

Luka 24:7

A ko nun fɔ ale, Hadama-dan ni don hakɛ-tiginu bolo minnu si a gbangban kɔlɔma ma. A ko a tele sawa nyɔgɛ, a si wuli ka a niyi lafɛ tun.”

Yɔni 2:22

Woletɔ a wulita furinu tɛma tumɛ min, ala karan-dannu ya anu yili to ala kumɛ wo ko. Anu lara Allata kitabu anubɛ Yisala kumɛ la.

Yɔni 20:9

Anu ma a nya-yen nun ko a sɛbɛnɛ Allata kitabu rɔ ko Yisa si wuli ka bɔ furinu tɛma.)

Kɛwɔlɛnu 17:3

ka a yira anu na ko fɔ Allata-Mɔgɔ-Yabɔnɛ ni tɔrɔ ka bɔ furinu tɛma. Pɔli ko, “N bi Yisa minna koe fɔla wo ye, Allata-Mɔgɔ-Yabɔnɛ le.”

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.

1 Pita 1:11

Kirasitila Niyi min bi anu tɔ, wo ya wati wola koe fɔ anu ye. Kirasiti si na tɔrɔyɛ minnu sɔrɔn anubɛ gbiliyɛ min si bɔ tɔrɔyɛ wo kɔma, anu ya wo bɛɛ faranfasi. Anu ya anu taya wati wo lɔn-koe ma anubɛ a si na nya min.

1 Pita 1:3

Ma ni baraka bira Mari Yisa Kirasiti, wo Fa Alla ye dɛɛ! Ka a tɛgɛ Yisata lawulɛ fɛ ka bɔ furinu tɛma, ma ara ni-kurɛ sɔrɔn a bolo ala kinikini-wɛ rɔ. Wo ara ma fa yigi-bɛrɛ la.