Luka 23:7 - ALLALA KUMƐ

⁷ A ya a lamɔɛn tumɛ min ko Yisa bɔra Mansa Hɛrodila nyamanɛ le tɔ, a ya a lata nyɔ-kun-tigi, Hɛrodi ma. Wo wati ya a taran, ale fanan ye Yerusalɛm soe burɔ.

Luka 23:7 ပူးပေါင်းရင်းမြစ်များ

Matiyu 14:1

Mansa Hɛrodi min bi Kalili sigisɔn kun na, wo ya Yisa wara-koe lamɔɛn tumɛ min,

Matiyu 14:3

Yɔni ye Hɛrodi miriya rɔ bawo a ya a ma nun, a ara Yɔni bira ka a kiri yele la. A ya wo ma ka a tɛgɛ a na-kelen-nyɔgɛ Filipila musi Hɛrodiyasila ko la.

Matiyu 14:6

Hɛrodi sɔrɔn-tele kera tumɛ min, Hɛrodiyasila dunmusi ya a dɔn nyama bɛɛ yala. Dɔn wo ya Hɛrodi hɛnɛ kati!

Maraka 6:14

Mansa Hɛrodi ya Yisa wara-koe bɛɛ lamɔɛn bawo Yisa mankan ara nyɛnsɛn kan tinɛ bɛɛ rɔ. Mɔgɛ donu ya anu miri ko, “Yɔni-Batasi-Kɛlɛ ara sɛgi a niyi la. Wo le ya a to, a ye kabana-ko-wɛnu kɛla a sɛnbɛ la.”

Luka 13:31

Wo wati nyɛrɛ rɔ, Farisi donu nara Yisa wara ka a fɔ a ye ko, “A fisa, i ni bɔ yan ka ta kan-tina-gbɛrɛ rɔ bawo i faga-sɔgɛ ye Hɛrodi la.”

Luka 23:6

Pailɛti ya kɛ lamɔɛn tumɛ min, a ya nyinikali kɛ ko, “Kalili kɛ le kei kɛ la worɔ?”

Luka 3:1

Mansa-Ba Taibiriyasi, Romu kun-tigi-ba, kɔni, wola mansayɛ san tan-ni-loli nyɔgɛ ma, Pontiyasi Pailɛti fanan bi kun-tigiyɛ la Yahudiya nyamanɛ rɔ, ado Mansa Hɛrodi ye mansayɛ la Kalili sigisɔn kun na. A na-kelen-nyɔgɛ Mansa Filipi ye mansayɛ la Aituriya anubɛ Tarakoniti sigisɔnnu kun na. Mansa Laiseniya ye mansayɛ la Abilin sigisɔn kun na.

Luka 9:7

Mansa Hɛrodi min siginɛ Kalili sigisɔn kun na, wo ya koe kɛ bɛɛ lamɔɛn tumɛ min, a kɔndɔfilita wola ko la bawo mɔgɛ donu ko Yɔni-Batasi-Kɛlɛ ara sɛgi a niyi la tun!

Kɛwɔlɛnu 4:27

Tonyɛ le, Hɛrodi wo, Pontiyasi Pailɛti wo, Isirɛla mɔgɛnu wo, anubɛ sibolo-gbɛrɛnu ya anu nadɛn soe kɛ rɔ yan ila wɔli-kɛla-sɛnimɛ Yisa kan ma, ado ile ya wo ma ita Mɔgɔ-Yabɔnɛ la.