Luka 23:36 - ALLALA KUMƐ

³⁶ Kɛlɛ-dannu fanan ya a mayɛlɛn. Anu nara a dafɛ ka gbɛɛ-kunayanɛ yira a la.

Luka 23:36 ပူးပေါင်းရင်းမြစ်များ

Yaburi 69:21

Kɔnkɛ ye n na tumɛ min, anu ya mɔgɔ-faga-fan le di n ma. N kan lagbalata wati min, anu ya kotuli le di n ma.

Matiyu 27:34

Gbɛɛ min yabasannɛ fen-kunayanɛ la min si a ma, a ti dumɛ lɔn bɛrɛkɛ, anu ya wo di Yisa ma alako a ni a min. Kɔnɔ a ya a mafɛlɛn a nagan la tumɛ min, a ma sɔn a min-koe ma.

Matiyu 27:48

Mɔgɔ kelen ya a buri tiriya ka sefuna-fuyi bi ka a layigi gbɛɛ-kunayanɛ rɔ. Wo kɔma, a ya a dun kɔlɔma kunyɛ la ka a ma ko Yisa ni a min a la.

Maraka 15:36

Mɔgɔ kelen ya sefuna-fuyi bi. A burimatoe tara a layigi gbɛɛ-kunayanɛ rɔ ka wo don kɔlɔma-sungban la. A ya a layɛlɛ ka a bɛn Yisa dɛ ma alako a ni a kan lakimɛ. A ko, “A makɔni! Ma ni a yen ni Nɛbi Ilaya si a layigi ka a bɔ kɔlɔma ma!”

Luka 23:11

Mansa Hɛrodi anubɛ ala kandannɛnu ya Yisa mayɛlɛn ka a manyini kati! Anu ya duruku-nyimɛ bila a kan na ka a lasɛgi Pailɛti ma.