Luka 23:26 - ALLALA KUMƐ

²⁶ Anu tara Yisa la anu bolo. Anu bi tala tumɛ min, anu bɛnta kei do la min tɔgɛ Saimon, Sairini kɛ le. A bɔmatoe sɛnɛ rɔ ka ta soe. Kɛlɛ-dannu ya a bira fɔrɔsɛ la ka Yisa faga-kɔlɔma sa a kuma ko a ni bila Yisa fɛ.

Luka 23:26 ပူးပေါင်းရင်းမြစ်များ

Matiyu 5:41

Ni kɛlɛ-dan do ya i fɔrɔsɛ ko i ni ta ala dunɛ la mɛli kelen, i ni ta a la ha mɛli fila.

Luka 14:27

Mɔgɔ-wo-mɔgɔ min ti a nyɛrɛ-faga-kɔn bi ka bila n kin-gbɛ fɛ, wo ti ke mala nna karan-dan la.

Luka 23:25

Anu ya kei min sa yele la murutiyɛ anubɛ mɔgɔ-fagɛla ko la, min boloka-sɔgɛ ye anu na, kɔni, Pailɛti ya wo boloka. Kɔnɔ a ya Yisa don anu bolo alako anu ni anu diyana-koe ma a la.

Luka 9:23

A ya a fɔ anu damasi ye ko, “Ni mɔgɔ-wo-mɔgɔ ye a fɛ ka bila nde fɛ, a ni a nyɛrɛ wara-koe bɔrɔbɔ. Tele-wo-tele, a ni a nyɛrɛ faga-kɔlɔma bi ka bila n fɛ.

Kɛwɔlɛnu 13:1

Nɛbinu anubɛ karan-mɔgɛnu bi Mari Yisata mɔgɛnu tɛma nun Antiyaki soe burɔ. Wonu denu bi Banabasi anubɛ Simiyɔn, (anu bi min kelela fanan ko, “Fara-finyɛ,”) anubɛ Lusiya min bɔra Sairini soe burɔ, anubɛ Maneyan, minnubɛ Mansa Hɛrodi makolota anu nyɔgɔn fɛ, anubɛ Sɔli.

Kɛwɔlɛnu 2:10

Donu bɔra Parigiya anubɛ Pamfiliya nyamanɛnu tɔ. Donu bɔra Iyipiti anubɛ Libiya nyamanɛ min bi Sairini soe dafɛ. Donu bɔra Romu soe burɔ fanan.

Kɛwɔlɛnu 6:6

Nyama ya wonu yira Marita kilayɛnu na. Wonu ya Alla matara anu ye ka anu bole sa anu kuma.

Kɛwɔlɛnu 6:9

Anu bi Yahudiya-dina-bɔn min kelela ko, “Mɔgɔ-Hɔrɔyanɛnutɛ,” mɔgɛ donu bɔra wo rɔ. Wonubɛ Yahudiya minnu bɔra Sairini soe burɔ wo, anubɛ Yahudiya minnu bɔra Alɛsandariya soe burɔ wo, wonu wulita Sitifen kan ma sɔsɔli sa tinɛ. Yahudiya do minnu bɔra Salesiya anubɛ Esiya nyamanɛnu tɔ fanan kofura anu ma Sitifen kan ma.