Luka 23:25 - ALLALA KUMƐ

²⁵ Anu ya kei min sa yele la murutiyɛ anubɛ mɔgɔ-fagɛla ko la, min boloka-sɔgɛ ye anu na, kɔni, Pailɛti ya wo boloka. Kɔnɔ a ya Yisa don anu bolo alako anu ni anu diyana-koe ma a la.

Luka 23:25 ပူးပေါင်းရင်းမြစ်များ

Ɛsita 3:11

Mansɛ ban wo mala, a ya a fɔ a ye ko, “Mɔgɔ wonubɛ anu halalɛnu, itɛ le anu na. Min di i ye, i ni wo ma anu na.”

Matiyu 27:26

Ale Pailɛti ya Barabasi boloka. A ya a ma, anu ya Yisa gbesi ka a don anu bolo a gbangban-koe la kɔlɔma ma.

Maraka 15:15

Pailɛti ye a fɛ ka nyama hɛnɛ, woletɔ a ya Barabasi boloka anu ye. A ya a ma, ala kɛlɛ-dannu ya Yisa gbesi ka a don anu bolo ko anu ni a gbangban kɔlɔma ma.

Luka 23:2

Anu ya a maburɛ dabira. Anu ko, “Ma ya kei kɛ bira bawo a ye mala mɔgɛnu nasamala. A ye a fɔla anu ye ko anu kana duti di Romu kun-tigi-wɛ ma. A ko ale nyɛrɛ le Allata-Mɔgɔ-Yabɔnɛ la, mansɛ, kɔni.”

Luka 23:24

Wo le ya ma, Pailɛti ya Yisala kiti tɛgɛ iko anu ya a fɔ a ye nya min.

Luka 23:26

Anu tara Yisa la anu bolo. Anu bi tala tumɛ min, anu bɛnta kei do la min tɔgɛ Saimon, Sairini kɛ le. A bɔmatoe sɛnɛ rɔ ka ta soe. Kɛlɛ-dannu ya a bira fɔrɔsɛ la ka Yisa faga-kɔlɔma sa a kuma ko a ni bila Yisa fɛ.

Luka 23:5

Anu ya anu taya bɛrɛkɛ! Anu ko, “A wulita mɔgɛnu namurutiyala ala karan fɛ Yudiya nyamanɛ bɛɛ rɔ. A ya wo dabira Kalili, ado a ara na yan de gbɛ!”

Yɔni 18:40

Anu gbele-gbelenta ka a yabi ko, “Ade, i kana ale boloka! I ni Barabasi boloka!” (Nba, Barabasi, bui-ma-kɛlɛ le nun.)

Yɔni 19:16

Wo kɔma, Pailɛti ya Yisa don kɛlɛ-dannu bolo a gbangban-koe la. Kɛlɛ-dannu ya Yisa bi.

Kɛwɔlɛnu 3:14

Yisa telennɛ, fɛɛ-wo-fɛɛ sa a la kɔnɔ wo ya wo ban a la. Wo ya Pailɛti madiya ko a ni mɔgɔ-fagalɛ do boloka wo ye.

1 Samuwɛli 12:13

Samuwɛli ya a fɔ anu ye tun ko, “Wo ma wola mansa-siginɛ yen? Wo ara a wara-koe manyinika, ado Mari ara a di wo ma.