Luka 22:35 - ALLALA KUMƐ

³⁵ Wo kɔma, Yisa ya a fɔ anu ye ko, “N ya wo sɔ min kɛ, wo tumɛ wo ma ta wodi-bɔrɛ la, anubɛ tagama-bɔrɛ, anubɛ sanbarɛ, fen dasara wo bolo wulɔn, ba?” Anu ya a yabi ko, “Fenfen ma dasa ma bolo wulɔn.”

Luka 22:35 ပူးပေါင်းရင်းမြစ်များ

Ko-Dabirɛnu 48:15

Yakoba duwara Yusufula dannu ye ko, “Alamɛ n fa Isiyaka anubɛ n benba Iburayimata Alla ni ata duwɛ layigi den-kei filɛ kɛnu kuma. Ka a bi n dennɛ ma ha ka a sigi kaka la, Alla min ya n kandan ka n tanka masibɛnu ma, alamɛ wota duwɛ tora anu kuma.

1 Mansɛnu 11:22

Mansɛ ko, “Nfen mara? N bara i beli fan do le la? Wo le ye a mala, i ye tala?” Mansa Hedadi ya a fɔ mansɛ ye ko, “Ta-sɔgɛ ye n na tun!” Woletɔ a sɛgira a warɛ Idɔm nyamanɛ rɔ.

Yaburi 23:1

Mari si n kandan iko saga-kandannɛ si ala sagɛnu kandan nya min. A ye a mala, fenfen sa dasala n na.

Yaburi 37:3

La Mari la. I ni ko-nyimɛ kɛ. Wo si a ma, i ni sigi i fanbolo ila nyamanɛ rɔ.

Luka 10:4

Wodi-bɔrɔ wo, tagama-bɔrɔ wo, sanbara wo, wo ka ta wo fenfen na wo bolo. Wo kana wo matanbani kilɛ la mɔgɔ-wo-mɔgɔ kɔndɔn tinɛ.

Luka 22:34

Yisa ya a fɔ a ye ko, “Pita, n bi a fɔla i ye, dondɔn ti keke bi, ni i ma a fɔ iko sawa ko i ma n lɔn.”

Luka 22:36

Yisa ko, “Kɔnɔ kaka, ni wodi-bɔrɛ ye min bolo, anubɛ tagama-bɔrɛ, a ni wo bi. Ni faan sa min bolo, wo ni ala duruki fere ka do san.

Luka 9:3

A ya a fɔ anu ye ko, “Wo kana ta fenfen na wo bolo wola tagama rɔ. Sewuri wo, tagama-bɔrɔ wo, dɔn-fen wo, wodi wo, hali duruku-gbɛrɛ, wo kana ta wo fenfen na wo bolo.

2 Kɔrɛnti 8:15

Iko a sɛbɛnɛ Allala kitabu rɔ nya min ko, “Minnu ya a siyaman bi, wonutɛ to ma to. Minnu ma a siyaman bi, fen ma dasa wonu bolo.”

Tɔn-Fɔɛ-Fila-Nyɔgɛ 8:16

Wo ye wula-da-rakolɔn tumɛ min, a ya ata biredi di wo ma nyɔ, hali wo benbanu ma min dɔn fɔlɔ nun. Mari ya gbɛlɛyɛ lana wo kuma ka wo kɔrɔbɔ. Wo dama wa tenbi wo kuma tumɛ min, a si ata duwɛ layigi wo kuma worɔ ka wo makoenu nyinya.