Luka 22:26 - ALLALA KUMƐ

²⁶ Kɔnɔ a kana ma wo nya wole tɛma. Mɔgɔ-ba ye min na wo tɛma, wo ni ma iko wo dɔgɛ. Ile mɔgɔ-ba, i ni ma iko wɔli-kɛlɛ.

Luka 22:26 ပူးပေါင်းရင်းမြစ်များ

Matiyu 20:26

Kɔnɔ a kana ma wo nya wole tɛma. Ni wo kelen bi a fɛ ka ma mɔgɔ-ba la, a ni ma wɔli-kɛlɛ la a toenu ye.

Maraka 10:43

Kɔnɔ a kana ma wo nya wole tɛma. Ni wo kelen bi a fɛ ka ma mɔgɔ-ba la, a ni ma wɔli-kɛlɛ la a toenu ye.

Maraka 9:35

Yisa sigira ka anu karan-den tan-ni-filɛ ladɛn. A ya a fɔ anu ye ko, “Ni mɔgɔ-wo-mɔgɔ ye a fɛ ka ma mɔgɔ fɔlɔtɛ la, fɔ a ni ma a laban la ka ma bɛɛta wɔli-kɛlɛ la.”

Luka 9:48

A ya a fɔ anu ye ko, “Ni min ya dennɛ kɛ rabira n tɔgɛ rɔ, wo ara nde rabira, ado ni min ya nde rabira, wo ara n sɔlɛ fanan tabira. Min famayiginɛ wo dama ko wo tɛma, wo le kolo wo dama ko.”

Romu 12:2

Wo kana wo raya ka wo nyɛrɛ kɛnya duninya kɛ koenu ma fɔ wo ni sɔn ko Alla ni wo sɔndɔmɛ yɛlɛma ka hɛnkili-kurɛ di wo ma. Wo si a ma, wo ni ke Alla sako lɔnna. Alla ye nyinina min ma, wo kin, wo si a diya don a rɔ, ado mɔgɛ ti ke fɛɛ yenna a la.

1 Pita 5:3

Mɔgɛ minnu kerifanɛ wo la, wo kana wo raya ka wola sɛnbɛ mayira wonu na fɔ ka ma misala-nyimɛ la anu ye.

1 Pita 5:5

Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”