Luka 22:17 - ALLALA KUMƐ

¹⁷ Wo kɔma, Yisa ya yi-lafɛ bi ka baraka bira Alla ye. A ko, “Wo ni kɛ bi. Wo bɛɛ ni wo min a la.

Luka 22:17 ပူးပေါင်းရင်းမြစ်များ

Yaburi 116:13

N si nɔnbɔ-gbɔ-yi ma sarakɛ la Mari ye ka baraka bira a ye n nakanan-koela ko la.

Yaburi 23:5

Ale le ye n nadiyala n yoge bɛɛ ya la. A ye n mala sundan-gbiliyanɛ la ka to n nafala tolon!

Yɛrɛmaya 16:7

Mɔgɔ-wo-mɔgɔ ti na saya-kinɛ la wo ye. Hali min si yi di wo ma, wo ti taran. Hali a ya a taran, mɔgɛ na ani fila a fa bɔra a kuma, a manugu-nɛgɛla ti sɔrɔn.

Matiyu 14:19

A ya a fɔ mɔgɛnu ye ko anu ni sigi binyɛ kuma. Wo kɔma, a ya biredi loli anubɛ yɛgɛ filɛ wonu bi. A ya a yɛ layɛlɛ san ma ka baraka bira Alla ye. A ya biredi loli wo rakerikeri ka a don ala karan-dannu bolo. Karan-dannu ya wonu di mɔgɛnu ma.

Matiyu 15:36

Wo kɔma, a ya biredi wɔrɔnfilɛ anubɛ yɛgɛ wonu bi ka baraka bira Alla ye. A ya anu takerikeri ka anu don ala karan-dannu bolo. Karan-dannu ya a di mɔgɛnu ma.

Matiyu 26:26

Anu bi fen dɔnla tumɛ min, Yisa ya biredi bi. A ya baraka-bira-madiyali kɛ. A ya a rakerikeri ka a di ala karan-dannu ma. A ko, “Wo ni biredi kɛ bi ka a dɔn. N fɛrɛ-bɔnkɛ le kɛ la.”

Maraka 14:22

Anu bi fen-dɔn la tumɛ min, Yisa ya biredi bi ka baraka-bira-madiyalɛ kɛ. A ya a rakerikeri ka a di ala karan-dannu ma. A ko, “Wo ni biredi kɛ bi ka a dɔn. N fɛrɛ-bɔnkɛ le kɛ la.”

Luka 22:19

Wo kɔma, a ya biredi bi ka baraka bira Alla ye. A ya a rakerikeri ka a di anu ma. A ko, “N fɛrɛ-bɔnkɛ le kɛ la n bara min ni wola ko la. Wo ni kɛ ma alako wo hɛnkili si to n ko nya min.”

Luka 9:16

Yisa ya biredi loli anubɛ yɛgɛ filɛ wonu bi ka a yɛ layɛlɛ san ma. A ya baraka bira Alla ye anuna ko la ka anu takeri ka anu don ala karan-dannu bolo alako anu ni a ratala mɔgɛnu tɛma.

Romu 14:6

Minnu miriya ko tele do ma tenbi tele do la, anu bi wo mala Marita gbiliyɛla ko la. Minnu bi fan bɛɛ dɔnna, anu bi wo mala Marita gbiliyɛla ko la fanan, ado anu bi baraka birala Alla ye dɔn-fan wola ko la. Minnu sa fan donu dɔnna, wonu fanan bi wo mala Marita gbiliyɛla ko la, ado anu fanan bi baraka birala Alla ye.

1 Kɔrɛnti 10:16

Ma tenbi Marita kima dɔnna chɔchi la, ma si baraka bira Alla ye. Ma wa ma min yi-lafɛ wo la tumɛ min, ma ye ta-nyɔgɔnyɛ le kɛla Kirasiti yele le tɔ wo la. Ma si biredi min takeri fanan, ma wa biredi wo dɔn tumɛ min, ma ye ta-nyɔgɔnyɛ kɛla Kirasiti fɛrɛ-bɔnkɛ le tɔ wo la.

1 Kɔrɛnti 11:23

Mari ya n karan min na, n ya wo le latenbi wo ma. N ko anu ya Mari Yisa don a yogenu bolo suyi min tɔ, a ya biredi bi

Tɔn-Fɔɛ-Fila-Nyɔgɛ 8:10

Wo wa fa pen, wo ni baraka bira Alla ye nyamani-hakikɛ wola ko la.