Luka 21:36 - ALLALA KUMƐ

³⁶ Wo ni wo yɛ lakalan ka madiyali kɛ tuma-wo-tuma alako wo ni sɛnbɛ sɔrɔn ka tanka koe kɛ bɛɛ ma minnu si ma. Wo ni sɛnbɛ sɔrɔn alako wo si wo sɔ nde, Hadama-dan yakɔrɔ nya min.”

Luka 21:36 ပူးပေါင်းရင်းမြစ်များ

Yobu 27:10

Alako nun, anu ya Alla Sɛnbɛ-Bɛɛ-Tigita sewɛ sɔrɔn. Alako nun, anu ya Alla madiya.

Yaburi 1:5

Woletɔ anu ti yo-wo-yo sɔrɔn kiti-tɛgɛla-latelennɛ bolo, ado anu ti taran Allata mɔgɛnu kurun tɔ.

Yɛrɛmaya 35:19

a ara lanyiri kiri wo ye ko Yonadabu kebilɛ si to den-keinu sɔrɔnna min si to wɔlɛ kɛla ale Mari ye.”

Malakayi 3:2

Mari kɛ wa na wati min, yon si ke tola a niyi la a kɔrɔ? Ale wa bɔ gbɛ rɔ, yon si kanan? A wa bɔ gbɛ rɔ wati min, a si ma iko sefini-diyamɛ min si nɔgɛ bɛɛ toronde kura-nɔgɔnɛ la. A si ma fanan iko numɛnuna tɛ min si nɛgɛ lalee bandin, ka a kɛndɛ bɔ a boe yala.

Matiyu 24:42

“Wo rabɛnnɛ ni to bawo wo ma nde, Mari na-tele lɔn.

Matiyu 24:43

Wo ni wo hɛnkili to kɛ ko. Ni bon-tigi ya kankan na-wati lɔn ala bɔn la, a si ki a ya la. A ti sɔn kankan ni ala bɔn tinya ka don.

Matiyu 24:44

Wo le ya a to, wo rabɛnnɛ ni to tuma-wo-tuma bawo wo hɛnkili sa a ko tumɛ min, nde, Hadama-dan si na wati wo le tɔ.

Matiyu 25:13

Yisa ko, “Nba, wo ni wo yɛ lakalan bawo wo ma n na-tele anubɛ a wati lɔn.

Matiyu 26:41

Wo ni ki wo ya la ka Alla madiya. Woletɔ nyankankantan wa na, hakɛ kana wo nɔ. Wo sɔn kɛndɛ wo burɔ kɔnɔ wo fɛrɛ-bɔnkɛ ti ko-wo-ko nɔ.”

Matiyu 8:20

Yisa ya a fɔ a ye ko, “Farannu bi banbannu bolo anu si ki kan min. Kona-nyagannu bi konanu bolo fanan kɔnɔ kun sa tinɛ sa nde, Hadama-dan bolo.”

Maraka 13:33

Wo ni a ma wo fɛrɛma, ado wo yɛ-lakalannɛ ni to bawo wo ma wo na-tumɛ lɔn.

Maraka 13:37

Nba, n bi min fɔla wo ye, n bi wo le fɔla bɛɛ ye. Wo yɛ-lakalannɛ ni to tolon!”

Luka 1:19

Melika ya a yabi ko, “Melika Yibirila le nde la. Nde le sɔnɛ Alla yakɔrɔ. Ale le ya n sɔ i wara kibara-nyimɛ kɛ fɔ tinɛ.

Luka 18:1

Lunyɛ do, Yisa ya tili kɛ tɛgɛ anu ye ka anu karan alako anu ni madiyali kɛ wati bɛɛ. Anu kana kuri.

Luka 20:35

kɔnɔ wati si na, lawuli-koe bɛnnɛ minnu ma, wonu ti furi kiri wulɔn.

Luka 21:35

A si duninya-mɔgɛ bɛɛ latɛrɛna iko gbɛrɛ si soge latɛrɛna nya min.

Kɛwɔlɛnu 10:2

Dina-mɔgɛ le fanan. Ale anubɛ ala denbayɛ bɛɛ ye Alla batola, ado a duruta Yahudiya bolo-kolɔnnu dɛnbɛna bɛrɛkɛ! A ye Alla madiyala tuma-wo-tuma kɔnɔ Yahudiya ma.

1 Kɔrɛnti 16:13

Wo ni wo ya lakalan ka wo sɔ dɛnkɛninyɛ rɔ yiri! Wo ni wo kerinteya ka wo sɛnbɛ don.

2 Kɔrɛnti 4:14

ma ya a lɔn ko Alla min ya Mari Yisa lawuli ka bɔ sayɛ rɔ, wo si male fanan nawuli. A si ma lawuli bawo mabɛ Yisa ye kan kelen tɔ. A si ma dama ladɛn ma nyɔgɔn fɛ a yakɔrɔ.

Kɔlɔsi 4:2

Wo ni to madiyali kɛla dɛɛ! Wo hɛnkili-lakanɛ ni to baraka-birɛ la madiyalɛ rɔ Alla ye.

1 Tɛsalonaika 5:17

Wo kana kuri Alla matara tinɛ.

2 Timoti 4:5

Kɔnɔ i ni i nyɛrɛ mara koe bɛɛ rɔ ka i munyu nyagbɛ kɔrɔ. I ni kawandi-bɔ-wɔlɛ kɛ ka i se-koe-bɛɛ kɛ Allala wɔlɛ kɛ rɔ.

1 Pita 4:7

Koe bɛɛ ban-tumɛ ara gbɛrɛn. Wo ni wo nyɛrɛ mara ka wo yɛ lakalan, woletɔ wo si ke ka Alla matara a kilɛ fɛ.

1 Pita 5:8

Wo ni wo yɛ laka, ado wo yɛ lakanɛ ni to dɛɛ! Wo yoge, Setanɛ ye wo manɛgɛnna iko yarɛ min bi borondo-borondola. A ye mɔgɛ nyinina, a si min dɔn.

1 Yɔni 2:28

Ɔnde, n diyana-dannu, wo ni to ale rɔ. Woletɔ a wa bɔ gbɛ rɔ tumɛ min, ma si fa yisi-latɛgɛ la. A wa na wo tele rɔ, ma ti ma dogon a ma miliyɛ bolo.

Yude 1:24

Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.

Lankɛnimayɛ 11:4

Nɛbi filɛ wonu, ɔlifi-kɔlɔma filɛ anubɛ lɛnpu filɛ le wonu na. Kɛnu denu sɔnɛ Duninya-Mumɛ-Tigi-Mari yakɔrɔ.

Lankɛnimayɛ 6:17

ado anuna diminya-tele-wɛ ara ke. Yon si to a niyi la wulɔn?”

Lankɛnimayɛ 7:9

Wo kɔma, n ya nyama-wɛ yen, mɔgɔ ti ke minnu yatɛ lɔnna mumɛ! Anu bɔnɛ mɔgɔ-su bɛɛ anubɛ sibole bɛɛ rɔ anubɛ bɔnsɔn bɛɛ rɔ iko anu kan faranɛ nya min. Anu sɔra mansaya-sigi-fan anubɛ saga-dan yakɔrɔ. Duruku-yan-gbɛ ye anu kan na. Tin-yanbɛnu biranɛ anu bolo tɔ.

Lankɛnimayɛ 8:2

Wo kɔma, melika wɔrɔnfila min sɔnɛ Alla yakɔrɔ tolon, n ya wonu yen. Alla ya buru wɔrɔnfila di anu ma anu si minnu fɛ.