Luka 21:25 - ALLALA KUMƐ

²⁵ “Tamaserenu si sa tele anubɛ karɛ anubɛ lolenu ma. Duninya-mɔgɛ bɛɛ yigi si tɛgɛ ka kilan kɔgɔ-yi wɔyɔ-kan anubɛ a mɔrɔn-wɛla ko la.

Luka 21:25 ပူးပေါင်းရင်းမြစ်များ

Yaburi 46:3

Hali kɔgɔ-yi tora bɔrɔndɔ-bɔrɔndɔla iko sogo-feremɛ, kɔnkɛ bɛɛ ni yɛrɛyɛrɛn a nya-su-bɛɛ ma, ma ti kilan.

Aiseya 13:10

Tɔn si sigi lolenuna malan la. Tele si fin banda-ka-dɛ ma. Karɛ si gbɛ.

Aiseya 17:12

Sibolo-gbɛrɛ fanka-tiginu si tugun anu nyɔgɛnu na iko kɔgɔ-yi ye sɔnkɔla a rɔ nya min.

Aiseya 24:23

Karɛ si miliya, tele si a yɛ dogon ka a tɛgɛ Mari Sɛnbɛ-Bɛɛ-Tigita gbiliyɛla ko la. A si a mayigi Yerusalɛm kɔnkɔ-sɛnimɛ kuma ka duninya mara. Kun-tiginu si ata gbiliyɛ yen anu yɛ la.

Aiseya 5:30

Wo tele wa na, anu bi bɔrɔndɔ-bɔrɔndɔla Isirɛla kuma le iko kɔgɔ-yi tenbi tugula a rɔ, wo kan ye nya min. Nyamanɛ kɛ mafɛlɛn! Fɔ pinpi anubɛ tɔrɔya-gbansan, wo le ye a rɔ. Pinpi ara waan yamatogon.

Aiseya 51:15

Mari ko ale le wota Mari Alla la. Ale le ya kɔgɔ-yi ramaga a worɔn la ka a ma, a la ni sɔnkɔ. A tɔgɛ le Mari Sɛnbɛ-Bɛɛ-Tigi.

Yɛrɛmaya 4:23

Nde, Yɛrɛmaya ya dugu-kole mafɛlɛn. A rakolɔn filili, ado a pindi-pandi. N ya san-kole mafɛlɛn. Fenfen sa nyɔ fɔ pinpi.

Daniyɛli 12:1

Linɛn-kurɛ donnɛ melika min kan na, wo ya a fɔ n ye ko, “Wati wo si a taran, ila nyamanita-mɔgɛnuna kandan-melika min tɔgɛ Maikali, wo si bɔ gbɛ rɔ. Wo wati rɔ, tɔrɔyɛ si koloya duninyama-tɔrɔyɛ bɛɛ ko. Ile Daniyɛlila nyamanita-mɔgɛ minnu tɔgɛ sɛbɛnɛ Allata buku rɔ, wonu si kisi.

Maika 7:4

Hali minnu natelennɛ wo tɛma, wonu mani de iko dɛran. Hali mɔgɔ-nyimɛ minnu bi wo tɛma, wonu mani de iko mɔgɛnu bi binyɛ minnu dɛnna. “Wo tɔrɔ-wati le wara ke kɛ la Mari bolo iko nɛbinu ya wo lalɔn nya min nun. Wo damasi nyagbanɛ kɔndɔfili bolo.

Matiyu 24:29

“Tɔrɔyɛ wonu ba tenbi tumɛ min, tele la si fin. Karɛ ti gbɛ. Lolenu si bɔ san-kole rɔ ka bui. San-koletɔ-fannu na si maga ka bɔ anu gbɛ rɔ.

Matiyu 27:45

Tele latelan, pinpi burunta nyamanɛ wo bɛɛ kuma ha hawa sawa.

Maraka 13:24

“Tɔrɔya-tele wonu ba tenbi tumɛ min, tele la si fin. Karɛ ti gbɛ tun.

Maraka 13:26

Mɔgɛnu si nde, Hadama-dan yen nala banda-fin-gbɛ rɔ sɛnbɛ-ba anubɛ gbiliya-wɛ la n bolo.

Maraka 15:33

Tele latelan, pinpi burunta nyamanɛ wo bɛɛ kuma ha hawa sawa.

Luka 21:24

Donu si faga faan la. Donu si ta yɔɔnyɛ rɔ nyamanɛ bɛɛ rɔ. Sibolo-gbɛrɛnu si Yerusalɛm radɔn ha anuta wati ban tumɛ.

Luka 21:26

Min bi nala kɛla duninya bɛɛ rɔ, anu bi wo makɔnɔna. Mɔgɛnu kuma si kɔ ha anu ni kirɔn-a-la bawo san-koleta-sɛnbɛnu ta si maga ka bɔ anu gbɛ rɔ.

Kɛwɔlɛnu 2:19

A ko a si kabana-koenu yira san-kole rɔ anubɛ tamaserenu dugu-kole kuma. Yele si bɔ anubɛ tɛ anubɛ ta-sisi-wɛ.

Lankɛnimayɛ 20:11

Wo kɔma, n ya mansaya-sigi-fen-gbɛma-wa-belebele yen anubɛ min mayiginɛ a rɔ. Dugu-kole anubɛ san-kole masɛgira anu kɔma wo kɔrɔ kɔnɔ anu ta tina sa.