Luka 21:21 - ALLALA KUMƐ

²¹ Minnu bi Yudiya nyamanɛ rɔ, wonu ni anu buri kɔnkɛnu tɛma. Minnu bi soe burɔ, anu ni bɔ nyɔ rɔ. Minnu bi sɛnɛ rɔ, wonu kana sɛgi soe.

Luka 21:21 ပူးပေါင်းရင်းမြစ်များ

Ko-Dabirɛnu 19:17

Melika wonu tara anu nabɔ soe kɔma tumɛ min, melika doi ya a fɔ anu ye ko, “Wo ni wo buri yɛlɛla kɔnkɛ kuma alako wo ni kisi. Kɔnɔ wo kana wo yɛ lasɛgi wo kɔma ka mɛ lɛɛ rɔ.”

Ko-Dabirɛnu 19:26

Kɔnɔ Lɔtila musi ya a yɛ lasɛgi a kɔma kilɛ la. Woletɔ a yɛlɛmanta kɔgɔ-gbu-gbilɔn-bɛ la.

Hɛnkilimaya-Kumɛnu 22:3

Hɛnkilimɛ si tɔrɔyɛ yen nala yarɔ, a ni a masangba. Kɔnɔ kun-takolɔn wo pɔrɔka-pɔrɔkɛ le ye tala a kun fɛ ka ta a kian layigi nanparan rɔ sokobo! Yarɔ gbɛ, a ni nimisa.

Yɛrɛmaya 35:11

Mansa Nɛbukanasala bui nyamanɛ ma, wo le ya a ma, ma donta Yerusalɛm soe burɔ alako ma ni kanan Babilɔn anubɛ Siriya kɛlɛ-dannuna masibɛ ma. Wo le wara ma sigi Yerusalɛm yan.”

Yɛrɛmaya 37:12

N bɔɛ Yerusalɛm ka ta nna fen-sannɛ yabɔ Bɛnyamɛ nyamanɛ rɔ,

Yɛrɛmaya 6:1

Wole Bɛnyamɛ bɔnsɔn, wo ni wo buri wo niyila ko la. Wo ni wo buri bɔla Yerusalɛm soe burɔ. Wo ni kɛlɛ-buri fɛ Tekoya soe burɔ. Wo ni tamasere layɛlɛ ka bɔ Bɛti-Hakɛram soe burɔ. Wo ni a fɔ ko kasarɛ ye yigila a ma ka bɔ kantɔ-wara la. Kasara-belebele ye nala wo kuma.

Matiyu 2:1

Yisa sɔrɔnta Bɛtalehɛm soe burɔ Yudiya nyamanɛ rɔ wo tumɛ Hɛrodi ye mansayɛ la nyɔ kun na. A ma mɛ wo kɔma, minnu ya lolenu-karan lɔn, wo donu bɔra tele-bɔɛ ka na Yerusalɛm.

Matiyu 24:16

Minnu bi Yudiya nyamanɛ rɔ, wonu ni anu buri ka yɛlɛ kɔnkɛnu kuma.

Maraka 13:15

Ni min taranta ala bɔn kuma, hali a ma a bolo-fan-fenfen bi ala bɔn la.

Lankɛnimayɛ 18:4

Wo kɔma, n ya kuman-kan-gbɛrɛ lamɔɛn bɔla Arinyɛni tɔ. A ye a fɔla ko, “Nna mɔgɛnu, wo bɔ! Wo ni bɔ a fɛ feu! Wo kana kofu a ma ata hakɛ rɔ alako wo kana tɔrɔyɛ sɔrɔn a fɛ!