Luka 20:46 - ALLALA KUMƐ

⁴⁶ “Wo ni a ma wo fɛrɛma tɔn-karan-mɔgɛnuna ko la. Yigi-ni-yɛlɛ di anu ye anuna duruku-yan-bɛnu bilanɛ anu kan na. A di anu ye fanan ko mɔgɛnu ni gbiliya-kɔndɔli di anu ma fere-kɛ-tina-wɛnu tɔ. Anu bi sigi-tina-nyimɛnu yabɔla Yahudiya-dina-bɔnnu na anubɛ kan-tina-nyimɛnu ladiyɛnu tɔ.

Luka 20:46 ပူးပေါင်းရင်းမြစ်များ

Hɛnkilimaya-Kumɛnu 29:23

Wasinteyɛ si mɔgɛ layigi kɔnɔ ni a ya a famayigi, a si gbiliyɛ sɔrɔn.

Matiyu 16:6

Yisa ya a fɔ anu ye ko, “Wo ni a ma wo fɛrɛma Farisinu anubɛ Sadusinuna biredi-yɛlɛ-fanla ko la.”

Matiyu 23:1

Wo kɔma, Yisa ya nyama makawandi anubɛ ala karan-dannu.

Maraka 8:15

Yisa ya anu makawandi ko, “Wo ni a ma wo fɛrɛma Farisinu anubɛ Mansa Hɛrodita biredi-yɛlɛ-fanla ko la.”

Luka 11:43

“Gbalo ye wole Farisinu kuma bawo sigi-tina-nyimɛnu di wo ye Yahudiya-dina-bɔnnu na. Gbiliya-kɔndɔlinu di wo ye barɛnu tɔ.

Luka 12:1

Mɔgɔ waga siyaman nadɛnta anu nyɔgɔn fɛ ha anu tora anu nyɔgɔn matenna. Yisa kumara ala karan-dannu fɔlɔn ye ko, “Wo ni a ma wo fɛrɛma Farisinuna biredi-yɛlɛ-fanla ko la. N bi min ma, wo le, anuna kolandiyɛ la.

Luka 14:7

Sundan donu bi kan-tina-nyimɛnu yabɔla nya min ladiyɛ rɔ, Yisa ya wo yen min kɛ, a ya tili kɛ tɛgɛ anu dama ye. A ko,

Luka 20:47

Anu bi kɛɛ-musinu kensunyala ka anuna bɔnnu bi anu bolo, wo kɔma ka anu nyɛrɛ mayira madiyali-lafasayannɛnu fɛ! Anuna tɔrɔyɛ si yogoya bɛɛtɛ ko!”

Romu 12:10

Wo ni wo nyɔgɔn keni a kilɛ fɛ iko na kelannu Kirasiti rɔ. Bɛɛ ni anu nyɔgɔn gbiliya ka tenbi a nyɛrɛ la.

2 Timoti 4:15

I ni a ma i fɛrɛma alela ko la bawo a ya mala kumɛ masɔsɔ kati!

3 Yɔni 1:9

N bara kɛdi-kundu-ni sɛbɛ chɔchi ma kɔnɔ ale Dayotefasi ti a tole masɔ wo la. A di a ye, ale ni ma kun-tigi la.