Luka 20:36 - ALLALA KUMƐ

³⁶ Anu mani de iko melikanu. Anu ti faga. Allala dannu le wonu na bawo anu bara wuli ka bɔ sayɛ rɔ.

Luka 20:36 ပူးပေါင်းရင်းမြစ်များ

Aiseya 25:8

Ma Tigi Mari si tɔn sigi sayɛ la burubukai! A si bɛɛ ya-yi firan a ya-denkɛ rɔ. Ata mɔgɛnu bara yarabiyi min bɛɛ sɔrɔn duninya rɔ, a si miliyɛ wo bɔ anu yɛ la. Mari nyɛrɛ kuman-kan le kɛ la.

Hoseya 13:14

Nde, Mari ti wo kunyɛ bɔ lakira bonda-dɛ la, ni wo ma, ka wo bɔ sayɛ sɛnbɛ kɔrɔ tun! Ile sayɛ, i ni na ila fitinɛ la i bolo. Ile lakira, na ila kasarɛ la. Nde, Mari ti kinikini wo ma.

Matiyu 22:30

Furinu ba wuli tumɛ min, anu si ma iko Arinyɛnitɔ-melikanu. Keinu ti musi furu. Musinu ti ta kei-wara-sigi rɔ.

Maraka 12:25

Furinu ba wuli tumɛ min, anu si ma iko Arinyɛnitɔ-melikanu. Keinu ti musi furu. Musinu ti ta kei-wara-sigi rɔ.

Romu 8:16

Allata Niyi ye ma yisi rɔ alako a ni a yira ma la ko Allata dan le ma la.

1 Kɔrɛnti 15:26

Ma yogo-laban min bi sayɛ la, wo la si to dogbe,

1 Kɔrɛnti 15:42

Alla wa furinu nawuli tumɛ min, wonu fanan si ma wo nya na le. Fɛrɛ-bɔnku-tulutɛ si togon. Alla wa a lawuli tumɛ min, wo tigi si habadan fɛrɛ-bɔnkɛ sɔrɔn min ti tuli dɛɛ!

1 Kɔrɛnti 15:49

Min danta ka bɔ gbangban rɔ, wola muninyɛ ye male la nya min, ale min bɔra Arinyɛni tɔ, ma si muninya wo la wo nya na le fanan, Kirasiti, kɔni.

Filipai 3:21

A si ma bagbu-rakolɔn kɛnu yɛlɛma ka anu ma iko a nyɛrɛ bagbu-sɛninyanɛ ye nya min. A si ata sɛnbɛ lawɔli alako a si fan bɛɛ don a nyɛrɛ fanka kɔrɔ nya min.

Lankɛnimayɛ 21:4

A si ya-yi bɛɛ firan anu yɛ la. Saya ti kɛ tun. Yisi-gbala sa tun. Di-kɛ ti kɛ tun. Hali dumɛ, a ti taran. Ko-kɔrɛnu bara tenbi ka tunu yen!”

Lankɛnimayɛ 22:9

Kɔnɔ a ya a fɔ n ye ko, “I kana wo ma de! Wobɛ i na-kelen-nyɔgɛ nɛbinu, ma wɔli-kɛ-nyɔgɛnu de ma nyɔgɔn na anubɛ min bɛɛ ye kitabu kɛta kumɛnu birala. I si Alla le dɔrɔn bato!”