Luka 20:21 - ALLALA KUMƐ

²¹ Mɔgɛ kɛnu ya a fɔ a ye ko, “Karan-mɔgɔ, ma ya a lɔn ko i ye min fɔla anubɛ i ye mɔgɛnu karanna min na, wo telenta. Ma ya a lɔn ko i sa lafisayalɛ kɛla, ado Alla ye a fɛ, mɔgɛ ni min ma, i ye mɔgɛnu karanna wo la a kilɛ fɛ.

Luka 20:21 ပူးပေါင်းရင်းမြစ်များ

2 Ko-Kɔrɔta-Karan 19:7

Wo ni Mari gbiliya ka kitinu tɛgɛ a kilɛ fɛ. Mata Mari Alla ti sɔn ko-radunɛ ma, lafisayali, anubɛ nɔnfulu-birɛ kiti tɛgɛ tinɛ.”

Yobu 34:19

Ka a fɔ kun-tigi le mɔgɛ la, Alla ti kawa wo ma. A ti lafisayalɛ kɛ fen-tiginu anubɛ bolo-kolɔnnu tɛma bawo ale le ya anu dama dan.

Yaburi 12:2

Anu bi foninyɛ fɔla anu nyɔgɔn ye. Anu bi anu nyɔgɔn yanfala kuma-teleka-telekɛnu na.

Yaburi 55:21

A ye kuma-teleka-telekɛ min nabɔla a da rɔ, wo di iko fɛnɛ kɔnɔ fenfen sa a sɔn-kole rɔ fɔ gboyanayɛ. Fɔlɔ nun, kumɛ min bi bɔla a da rɔ, wonu manɛ n fɛrɛ ma iko tuli kɔnɔ a ye kumɛ min nabɔla a da rɔ kaka, wo mani de n fɛrɛ ma iko anu ba mɔgɔ tɛgɛ faan la.

Matiyu 22:16

Anu ya anuna karan-dan donubɛ Mansa Hɛrodila fɛ-bilalɛnu nata Yisa ma. Wonu ko, “Karan-mɔgɔ, ma ya a lɔn ko mɔgɔ-telennɛ le ile la. I ye mɔgɛnu karanna tonyɛ la Alla sako rɔ. I ti kilan mɔgɔ-wo-mɔgɔ la, ado bɛɛ rakɛn ile yala.

Maraka 12:14

Anu nara a wara, anu ko, “Karan-mɔgɔ, ma ya a lɔn ko mɔgɔ-telennɛ le ile la. I ti kilan mɔgɔ-wo-mɔgɔ la, ado bɛɛ rakɛn ile yala. I ye mɔgɛnu karanna a kilɛ fɛ ka a bɛn Alla wara-koe ma. Nba, i miriya ye kama? Ka duti sara Romu nyamani-kun-tigi ma, mala tɔn-tinyɛ le wo la, ka, a sa wo nya?”

Luka 20:20

Woletɔ anu ya dɛdɛ rasa a ma. Anu ya mɔgɛ donu sɔ minnu si anu nyɛrɛ ma iko mɔgɔ-nyimɛnu. Anu ya wonu sɔ alako ka Yisa bira nyinikalɛnu fɛ. Woletɔ anu si ke ka a ladon Romu kun-tigila fanka anubɛ sɛnbɛ kɔrɔ.

Luka 20:22

Nba, i miriya ye kama? Ka duti sara Romu nyamani-kun-tigi ma, wo telenta, ka, a sa wo nya?”

Yɔni 3:2

A nara Yisa wara suyi rɔ. A ya a fɔ a ye ko, “Karan-mɔgɔ, ma ya a lɔn ko karan-mɔgɛ le ile la Alla ya min sɔ. I ye kabana-ko-wɔlɛ minnu kɛla, mɔgɔ-wo-mɔgɔ ti ke wonu kɛla fɔ ni Alla ye a fɛ.”

2 Kɔrɛnti 2:17

Male sa iko mɔgɔ siyaman bi nya min. Wonu bi Allala kumɛ mayirala iko fere-kɛ-fan min dɛ ma gbɛlɛ. Kɔnɔ Alla ara ma sɔ min kɛ, ma ye kumala gbɛ rɔ Alla yala iko Kirasitita wɔli-kɛlɛnu.

Kalesiya 1:10

N sa n tayala ka mɔgɛ hɛnɛ koe kɛnu tɔ! N bi a fɛ ka Alla kelen pe le hɛnɛ. Wo miri ko n bi n tayala ka diya mɔgɛnu ye, wa? Ni n bi n tayala ka diya mɔgɛnu ye, n ti ma Kirasitila wɔli-kɛlɛ la nun mumɛ!

Kalesiya 2:6

Wonu donu bara anu nyɛrɛ ma mɔgɔ-banu na kɔnɔ hali anu mara mɔgɔ-banu na, nna ko sa wo rɔ. Alla ti mɔgɔ ma mɔgɔ-ba la ala yanyɛ anubɛ ala kinyɛ fɛ, ado mɔgɔ-ba wonu ma a fɔ n ye ko n ni nta kumɛ yɛlɛma sibolo-gbɛrɛnuna ko la.