Luka 20:20 - ALLALA KUMƐ

²⁰ Woletɔ anu ya dɛdɛ rasa a ma. Anu ya mɔgɛ donu sɔ minnu si anu nyɛrɛ ma iko mɔgɔ-nyimɛnu. Anu ya wonu sɔ alako ka Yisa bira nyinikalɛnu fɛ. Woletɔ anu si ke ka a ladon Romu kun-tigila fanka anubɛ sɛnbɛ kɔrɔ.

Luka 20:20 ပူးပေါင်းရင်းမြစ်များ

2 Samuwɛli 14:2

Musu-hɛnkilimɛ min siginɛ Tekoya soe burɔ, a ya kilayɛ lata wo do ma. Musi wo nanɛ, ale Yohabu ya a fɔ a ye ko, “I nyɛrɛ ma saya-di-kɛlɛ la. I kunyɛ fosokore to i kuma. I ni bɛgi-gbɛ don i kan na. A ma iko i wara mɛ diyi kɛla dɔgɔma-ma-de!

Yaburi 38:12

N faga-sɔgɛ ye minnu na, wonu bi yili lasigila n ye. N madumɛ-sɔgɛ ye minnu na, wonu bi yanfɛ kirila n ma n tinya-koe la. Anu sa anu farala yanfɛ kirila n ma.

Yaburi 66:3

Wo ni a fɔ Alla ye ko a ya koe minnu kɛ, wonu makawara. A sɛnbɛ makawanɛ ha wo ya a ma, a yogenu tora sani a kɔrɔ kumakɔɛ bolo.

Yaburi 81:15

Nde, Mari gbo minnu ye, wonu kun ma si kɔ n yarɔ kilan bolo, ado dan sa anuna tɔrɔyɛ la.

Yɛrɛmaya 11:19

N mani de anu yala nun iko anu bi saga-den-makimanɛ min kan-natɛgɛ-koe rɔ. N ma a lɔn nun ko anu si yanfɛ don n ma. Anu bi a fɔla ko, “Ma ni kɔlɔma kɛ anubɛ a gbɔɛ kasara. Ma ni a faga. Wo si a ma, mɔgɛnu ni nyina a ko salon!”

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Daniyɛli 6:4

Daniyɛli wɔli-kɛ-nyɔgɛnu anubɛ nyamanita-mɔgɔ-banu ya anu taya ka fɛɛ sa Daniyɛlila wɔlɛ la kɔnɔ anu ma ke a nɔla. Mɔgɔ-latelennɛ le Daniyɛli la, ado a ti sɔn ko-radunɛ ma.

Matiyu 27:2

Anu ya a kiri yɔlɔkɛ la ka ta a don Romu kun-tigi Pailɛti bolo.

Maraka 3:2

Mɔgɛ donu fanan bi nyɔ minnu bi a fɛ ka Yisa maburi tɔn tinyana. Woletɔ anu ya anu yɛ bɛn a ma, ni a si kei wo lakɛndɛya Sulen-Tele ma.

Luka 11:54

Ni a si koe do fɔ min ma telen anu yala, anu bi a fɛ ka a bira koe wonu fɛ.

Luka 20:21

Mɔgɛ kɛnu ya a fɔ a ye ko, “Karan-mɔgɔ, ma ya a lɔn ko i ye min fɔla anubɛ i ye mɔgɛnu karanna min na, wo telenta. Ma ya a lɔn ko i sa lafisayalɛ kɛla, ado Alla ye a fɛ, mɔgɛ ni min ma, i ye mɔgɛnu karanna wo la a kilɛ fɛ.

Luka 20:26

Anu ma ke Yisa birala fenfen na mɔgɛnu yala. Ata yabilɛnu ya a ma, anu ya anu made ka kawa.

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!