Luka 2:4 - ALLALA KUMƐ

⁴ Nba, Yusufu fanan bɔra Nasarɛti soe burɔ Kalili sigisɔn rɔ ka ta Yudiya soe do burɔ min tɔgɛ Bɛtalehɛm, Mansa Dawuda sɔrɔnta kan min. A tara nyɔ bawo Mansa Dawuda bɔnsɔn le ale fanan na.

Luka 2:4 ပူးပေါင်းရင်းမြစ်များ

Ko-Dabirɛnu 48:7

N bi kɛ mala Resɛli lela ko la. Ma bɔɛ Mɛsopotemiya nyamanɛ rɔ, n yisi tinyanta bɛrɛkɛ, bawo Resɛli fagara n bolo Ɛfarati kilɛ la Kenan nyamanɛ rɔ. N ya a togon nyɔ.” (Anu bi a fɔla Ɛfarati soe le ma kaka ko Bɛtalehɛm.)

Maika 5:2

Mari ko Bɛtalehɛm soe min bi Ɛfarati sigisɔn rɔ, wo dɔgɔ ka tenbi Yuda nyamanɛ soe bɛɛ la. Hali wo, Mari si kun-tigi-belebele do labɔ Bɛtalehɛm so-dɔgɔmanɛ wo rɔ min si kun-tigiyɛ kɛ Isirɛla mɔgɛnu kuma Mari ye. Kun-tigi kɛ kebila-mɔgɛnu, mɔgɔ-malɔnnɛ le anu na kebi fɔlɔfɔlɔ.

Matiyu 1:20

Nba, Yusufu ye a mirila koe kɛ ma tumɛ min, Marita melika bɔra a ye gbɛ rɔ kiyo rɔ. A ko, “Yusufu, Dawuda bɔnsɔn, i kana kilan Mariyama bi-koe la ka a ma ila musi la. A ara buyi min bi wo la, Allala Ni-Sɛnimɛ kɛwɔlɛ le wo la.

Matiyu 2:23

Anu sigira soe do burɔ min tɔgɛ Nasarɛti. Wo mara tumɛ min, nɛbinu ya min fɔ kɔrɔma la, wo kanbalita ko, “Mɔgɛnu si a lɔn Nasarɛti kɛ la.”

Luka 2:3

Mɔgɛ bɛɛ tara anu nyɛrɛta soe burɔ anu tɔgɔ sɛbɛ tinɛ.

Luka 2:5

A tara a nyɛrɛ tɔgɔ-sɛbɛ-koe la anubɛ ala musu-mabiranɛ, Mariyama, min kolomɛ.

Luka 4:16

Wo kɔma, Yisa tara Nasarɛti soe burɔ, a makolota kan min. Sulen-Tele ma, a wulita ka ta Yahudiya-dina-bɔn la iko a duruta a mala nya min. A ya a lasɔ alako a ni Allata kitabu karan anu ye.

Yɔni 1:46

Nataniyɛli ya a manyinika ko, “Ko-nyimɛ si ke bɔla Nasarɛti, wa?” Filipi ya a yabi ko, “Na, ile nyɛrɛ ni a ragbɛ.”

Yɔni 7:42

A sɛbɛnɛ Allata kitabu rɔ ko Allata Mɔgɔ-Yabɔnɛ si bɔ Mansa Dawuda bɔnsɔn rɔ. A ko a si sɔrɔn Mansa Dawudala soe burɔ Bɛtalehɛm.”

Ruti 1:19

Wo le mara anuna tɛ la Bɛtalehɛm. Anu ke nyɔ, soe ramagara anuna ko la. Musinu ya a fɔ ko, “Neyomi le ma kɛ la?”

Ruti 2:4

A ma mɛ wo kɔma, Bowasi fanan nara ala wɔli-kɛlɛnu gba ma sɛnɛ rɔ ka bɔ Bɛtalehɛm. A ya anu wɔlɛ bɔ, a ko, “Alamɛ Alla tora wo fɛ.” Anu fanan ya a labira, anu ko, “Alamɛ Alla tora ile fanan fɛ.”

Ruti 4:11

Mɔgɔ-ba wonu ya a fɔ ko, “Male ara ma i sereyɛ la.” Mɔgɔ-ba wonu ya duwɛ dabira Bowasi ye, anu ko, “Alamɛ ila musi Ruti yirita iko ma benba Yakobata musinu Resɛli anubɛ Liya yirita nya min. Alamɛ ile mara bana la Ɛfarati kebilɛ la ka ma tɔgɔ-tigi la Bɛtalehɛm soe kɛ rɔ.

Ruti 4:17

Nyɔ-musinu ya den-kurɛ wo tɔgɔ sa Obɛdi. Anu ya a fɔ soe kan tinɛ bɛɛ rɔ ko, “Neyomi ara a mamanɛ sɔrɔn, den-kei.” A mɛra ha, Obɛdi wo ya Yɛsi sɔrɔn. Yɛsi wo ya Mansa Dawuda sɔrɔn.

1 Samuwɛli 16:1

Mari ya a fɔ Samuwɛli ye ko, “Ile yisi-tinyanɛ si to Sɔlila ko la ha tumɛ nyamintan? N bara n ban ala mansayɛ ma nun Isirɛla kun na. Dantɛgɛ-tuli do bi. I ni ta a la i bolo Bɛtalehɛm. I si kei do taran nyɔ min tɔgɛ Yɛsi. N bara ala dan do yabɔ ko a ni ma mansɛ la.”

1 Samuwɛli 16:4

Samuwɛli ya a ma iko Mari ya a fɔ a ye nya min. A tara Bɛtalehɛm. A ke nyɔ rɔ, so-burɔ-mɔgɔ-banu nara a taran. Anu bi yɛrɛyɛrɛnna kilan bolo. Anu ya a manyinika, anu ko, “I ma na a yogoma la?”

1 Samuwɛli 17:12

Dawuda fa Yɛsi, Ifɛrɛm bɔnsɔn-mɔgɛ do le ale la. A siginɛ Bɛtalehɛm soe burɔ Yuda nyamanɛ rɔ. Den-kei mɔgɔ segin de Yɛsi bolo. Sɔlita mansayɛ ya a taran, Yɛsi ara kɔrɔya.

1 Samuwɛli 17:58

Anu ke Mansa Sɔli ma, a ya Dawuda manyinika, a ko, “N bɔ, yonna den bi ile la?” Dawuda ya a fɔ a ye ko, “Ila mɔgɔ-malɔnnɛ Yɛsi min bi Bɛtalehɛm, wola dan le nde la.”

1 Samuwɛli 20:6

Ni i fa ya n manyinika, a fɔ a ye ko ile le ya sarati di n ma ko n ni ta n barɛ Bɛtalehɛm soe burɔ ka ta bɛn mala kebila-saraka-bɔɛ rɔ min bi kɛla san-bo-san.