Luka 19:42 - ALLALA KUMƐ

⁴² Yisa ko, “E, Yerusalɛm kɛnu, ni wo ya a lɔn nun min si yisi-kimɛ lana wo ma, wo kin! Kɔnɔ wonu dogonnɛ wo ma kaka,

Luka 19:42 ပူးပေါင်းရင်းမြစ်များ

Yaburi 32:6

Ila mɔgɔ-sɛnimɛnu si ke tubila wati min, anu si i madiya wati wo le tɔ. Woletɔ tɔrɔya-belebele wa na, a ti anu masɔrɔn.

Yaburi 81:13

E, nta mɔgɛnu Isirɛla, alako nun wo ya wo tole masɔ n na, wo si diya n ye. Alako nun wo ya nna kumɛnu bira nun.

Aiseya 44:18

Kun-takolɔn le mɔgɔ-sufa wonu na. Anu ma a lɔn anu bi min kun na. Fan do burunnɛ anu yɛ la. Anu sɔn-kunyɛ-dɛ latogonnɛ alako anu kana na tonyɛ lɔn.

Aiseya 48:18

A ko alako dɔrɔn wo ya wo tole masɔ ala kumɛnu na nun, yisi-kimɛ si wo rabɔ nun iko yi min ti gbala. Telenbagayɛ si to nala wo ma nun iko wasɛ tenbi tugula a rɔ.

Aiseya 55:6

Mari-nyini-tumɛ le kɛ la yanni tele ni ta wo ma, ado a rakele-tumɛ le kɛ la bawo a gbɛrɛnnɛ wo ma.

Yɛrɛmaya 13:17

Ni wo ma ale Mari kan bira, n si to dila n yisi rɔ wola wasinteyɛla ko la. N si di biribiri! N ya-yi si n ya-denkɛ lafa bawo wole, Marita mɔgɛnu si taran biralɛ rɔ.

Isikiyɛli 33:11

A fɔ anu ye ko nde, anu Tigi Mari min bi n niyi la, n bara n keli n nyɛrɛ rɔ ko n ti sewa hakɛ-tigila fagɛ la. Yanni wo ni ma, a ni fara ala hakɛ-kɛ la ka to a niyi la. Wole Isirɛla mɔgɛnu, wo ni wo fara ko-yogomɛnu na wo ye minnu da kun tɔ. Nfenna fagali-sɔgɛ ye wo la?

Luka 19:41

Yisa gbɛrɛnta Yerusalɛm soe ma tumɛ min, a ya a yen nkɛkuna, a dira ala ko la.

Luka 19:43

ado tele donu si na, wo yogenu si tarɛ mini wo ma ka kilɛ tɛgɛ wo ma kan tinɛ bɛɛ rɔ.

Luka 19:44

Anu si wo halaki pɔ! Hali kuru kelen ti to a gbɛ rɔ bawo Alla nara wo wara wo kisi tinɛ tumɛ min, wo ya wo ban a la wulɔn.”

Kɛwɔlɛnu 10:36

A ya kumɛ min nake Isirɛla mɔgɛnu ma ka yisi-kimɛ kibara-nyimɛ fɔ Yisa, Allata-Mɔgɔ-Yabɔnɛ baraka rɔ, wo ya wo lɔn. Bɛɛta Mari le wo la.

Kɛwɔlɛnu 13:46

Kɔnɔ Pɔli anubɛ Banabasi kumara yisi-latɛgɛ rɔ. Anu ko, “A fɛrɛ sa fɔ Allala kumɛ ni fɔ wole fɔlɔn ye. Kɔnɔ wo ara wo ban a la min kɛ, wo le ya a ragbɛ ma ye ko a ma bɛn, wo ni habadan-nimayɛ sɔrɔn. Woletɔ ma ye nala wo bolokala ka ta sibolo-gbɛrɛnu bara,

Tɔn-Fɔɛ-Fila-Nyɔgɛ 32:29

Wo ma ke a lɔnna wo yogenu ya wo nɔ nya min. Wo ma a lɔn min mara wo la.

Tɔn-Fɔɛ-Fila-Nyɔgɛ 5:29

Ni a taranta, anu bi kilanna ka le tuma-wo-tuma ka nna tɔnnu bira, wo si diya n ye. Wo si a ma, anuta koe bɛɛ ni ta a kila-bɛrɛbɛrɛ fɛ, hali ka a sigi anu mamanɛnu na. Kɛ si ma habadan-koe la anu ye.’

Hiburunu 3:13

Fananta ma ye a fɔla bi ma ko, “Bi,” wo ni to wo nyɔgɔn dɛnbɛna tele-wo-tele alako wo fenfen kana yanfa hakɛ bolo. Wo kana ma sɔndɔma-gbɛlɛ-tiginu na.

Hiburunu 3:15

A sɛbɛnɛ Allata kitabu rɔ ko, “Ni wo ya Alla kuman-kan lamɔɛn bi, wo kana ma tengberannu na iko wo benbanu murutiyara Alla ma nya min.”

Hiburunu 3:7

Iko Allata Ni-Sɛnimɛ ya a fɔ nya min, a ko, “Ni wo ya nna kuman-kan lamɔɛn bi,