Luka 19:38 - ALLALA KUMƐ

³⁸ Anu ko, “Allala duwɛ ni to mansɛ wo fɛ min bi nala Mari tɔgɛ rɔ! Yisi-kimɛ ni taran Arinyɛni tɔ. Gbiliyɛ ni di Alla ma san-kole bɛɛ kuma pon!”

Luka 19:38 ပူးပေါင်းရင်းမြစ်များ

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Matiyu 2:2

Anu ya nyinikalɛ kɛ ko, “Dennɛ min sɔrɔnta ka na ma mansɛ la Yahudiyanu kun na, wo ye mi? Ma ara a sɔrɔn-tamasere-lole yen ma warɛ tele-bɔɛ min kɛ, ma ara na a bato tinɛ.”

Matiyu 21:9

Nyama min bi tagamana Yisa yarɔ anubɛ nyama min bi tagamana a kɔma, wonu ya gbele-gbelan dabira ko, “Mansa Dawudala dan, i ni sɛnɛ! Min bi nala Mari tɔgɛ rɔ, Allata duwɛ ni to wo kuma! Alla tanto!”

Matiyu 25:34

Wo kɔma, nde, mansɛ si a fɔ n bolo-nyimarɔ-mɔgɛnu ye ko, ‘N Fa Alla ara ata duwɛ layigi wole min kuma, wo na! Wo na mansayɛ sɔrɔn min tabɛnnɛ wo ye kebi duninya danta.

Matiyu 25:40

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ya wo ma wo mɔgɔ kelen na, wo ya a ma nde le la wo la!’

Luka 13:35

Nba, Alla-Bato-Bɔn rakolonyanɛ si to feu! N bi kɛ fɔla i ye. I wa a fɔ tumɛ min ko, ‘Min bi nala Mari tɔgɛ rɔ, Allata duwɛ si to wo fɛ.’ Nba, wo si n yen wati wo le tɔ.”

Romu 5:1

Ma ara telen Alla ye dɛnkɛninyɛ fɛ min kɛ, yisi-kimɛ ye mabɛ Alla tɛma ma Mari Yisa, Allata-Mɔgɔ-Yabɔnɛ baraka rɔ.

Ɛfɛsa 1:12

Nba, male Isirɛla mɔgɛ minnu fɔlɔn ya Kirasiti ma ma yigi la, male fɔlɔn ni Alla tanto wona ata gbiliyɛla ko la!

Ɛfɛsa 1:6

Ma ni a tanto ata hina-belebele-wɛla ko la kosɛbɛ! A ara wo di ma ma sewɛ rɔ a diyana-dan baraka rɔ.

Ɛfɛsa 3:10

A ya wo dogon anu ma nun alako melika-kun-tiginu anubɛ nyina-kun-tigi minnu bi kan tinɛ bɛɛ rɔ, wonu ni ata hɛnkilimaya-su bɛɛ nya-yen chɔchi baraka rɔ kaka.

Ɛfɛsa 3:21

Alamɛ gbiliyɛ dira ale Alla ma chɔchi la, Kirasiti Yisa baraka rɔ wati bɛɛ rɔ habadan! Amina!

Kɔlɔsi 1:20

Fan minnubɛ Alla faranɛ nun, a ya wo bɛɛsi lasɛgi a nyɛrɛ ma tun Yisa Kirasiti baraka rɔ. Alla ya yisi-kimɛ ladon duninya rɔ Yisata sayɛ fɛ kɔlɔma ma. Fan minnu bi dugu-kole kuma wo, fan minnu bi san-kole rɔ wo, a ya fan wo bɛɛ lasɛgi a nyɛrɛ ma ale Yisata sayɛ fɛ.

1 Timoti 1:17

Alla min ti faga, a ti yen, ado a ye nyɔ tolon, alamɛ bonya anubɛ gbiliyɛ dira ale kelen pe ma! Amina!

1 Pita 1:12

Alla ya a yira nɛbi wonu na ko anuna wɔlɔyiyɛ ti ko-nyinya anu denu ma anuta wati rɔ fɔ woleta wati. Iko anu kumara nya min ka tonyɛ fɔ, wo ara wo lamɔɛn kaka. Anu ya kawandili bɔ wo ye Allata Ni-Sɛnimɛ baraka rɔ, min nara ka bɔ Arinyɛni tɔ. Hali a lɔn-sɔgɛ ye melikanu na nun, kawandili wo bɔra wole le dɔrɔnna ko la.