Luka 19:17 - ALLALA KUMƐ

¹⁷ A tigi ko, ‘I wara i raya. Wɔli-kɛla-nyimɛ le ile la! I wara lanayɛ kɛ fen-dɔgɔmɛ rɔ min kɛ, n si i ma so kun tan kun-tigi la.’

Luka 19:17 ပူးပေါင်းရင်းမြစ်များ

Ko-Dabirɛnu 39:4

Yusufu wara-koe ya Pɔtifa hɛnɛ woletɔ a ya a ma ala wɔli-kɛla-kun-tigi la. Pɔtifa ya a bolo-fan bɛɛsi latenbi a ma fanan.

Hɛnkilimaya-Kumɛnu 27:18

Mɔgɛ min bi ala ki-fan fɛ-birala, wo le ye ala ki-fan wo gbɔɛ dɔnna. A ye wo nya na le fanan, wɔli-kɛlɛ min bi ala kun-tigi fɛ-birala, wo le ye gbiliyɛ sɔrɔnna.

Matiyu 25:21

“A tigi ko, ‘Wɔli-kɛla-nyimɛ, lanaya-mɔgɛ, i wara ko-nyimɛ kɛ! I wara lanayɛ kɛ ko-dɔgɔmanɛ rɔ, woletɔ n si a kinama-wɛ don i bolo. I ni don, ma ni sewa ma nyɔgɔn fɛ!’

Luka 16:10

Minnu telennɛ ko-mɛsɛnu tɔ, wo si lanayɛ kɛ ko-wɛnu fanan tɔ. Min kensunyanɛ ko-mɛsɛnu tɔ, wo si kensunyɛ kɛ ko-wɛnu fanan tɔ.

Luka 19:16

A fɔlɔtɛ nara. A ko, ‘N fa, i ya sɛnɛ-wodi-mɛlan min don nde bolo, n bara tan sɔrɔn tɔnɔyɛ la.’

Luka 19:18

Wɔli-kɛlɛ fila nyɔgɛ nara, a ko, ‘N fa, i ya sɛnɛ-wodi-mɛlan min to nde bolo, n bara loli sɔrɔn tɔnɔyɛ la.’

Luka 22:30

Wo si wo de-nyini nna tebulu la nna mansayɛ rɔ ka wo sigi mansaya-waganɛnu tɔ Isirɛla bɔnsɔn tan-ni-filɛ kiti tɛgɛ tinɛ.”

Romu 2:29

Kɔnɔ Yahudiya-bɛrɛ le wo mɔgɛ la min telennɛ Alla ye. Woletɔ kemininya-bɛrɛ ye mɔgɔ-yisi le tɔ. Allala Ni-Sɛnimɛta wɔlɛ le wo la. Tɔn-birɛ mako sa wo la. Yahudiya-bɛrɛ si matɔgɔlɛ sɔrɔn Alla bolo. A ti a sɔrɔn mɔgɛ bolo.

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.

2 Timoti 2:10

Wo le ya a to, n bi n muinna koe bɛɛ kɔrɔ Allata mɔgɔ-yabɔnɛnuna ko la. Yisa Kirasiti ni anu fanan kisi alako anu ni sigi Alla fɛ habadan-gbiliyɛ rɔ nya min.

1 Pita 1:7

Kɔrɔbɔlɛ wonu kɛ-kunyɛ le ka wola dɛnkɛninyɛ mayira ko tonyɛ le. Hali sɛnɛ min ti ke tinyala, a boe si bɔ a bɛrɛ ya la tɛ la. Wola dɛnkɛninyɛ fanan bi wo nya na le min tenbira sɛnɛ la pirr! Fɔ wola dɛnkɛninyɛ fanan kɔrɔ ni bɔ alako a si kun wo rɔ nya min. Yisa Kirasiti wa bɔ gbɛ rɔ tele min tɔ, wole si tantolɛ anubɛ gbiliyɛ anubɛ bonyɛ sɔrɔn worɔ.

1 Pita 5:4

Saga-Fɛ-Birala-kun-tigi wa bɔ gbɛ rɔ tumɛ min, a si mansaya-fulɛ di wo ma minna kinyɛ ti bɔ a su la mumɛ!

1 Samuwɛli 2:30

“A ko ale Isirɛla mɔgɛnuta Mari Alla ara lanyiri kiri wati-tenbinɛ ko Aruna anubɛ ata denbayɛ si ma ata wɔli-kɛlɛnu na tolon! Kɔnɔ a ko kaka, a ti sɔn wo ma tun. A ko min bi a gbiliyala, ale fanan bi wo le fanan gbiliyala. Min bi a lafɛyala, ale fanan bi wo le tigi lafɛyala.