Luka 18:31 - ALLALA KUMƐ

³¹ Yisa ya ala karan-den tan-ni-filɛ wonu bi anu dan na ka a fɔ anu ye ko, “Wo ni wo tole masɔ! Ma ye tala Yerusalɛm. Nɛbinu ya koe min bɛɛ sɛbɛ nde, Hadama-dan la ko la, wonu si na bɔ-a-la nyɔ.

Luka 18:31 ပူးပေါင်းရင်းမြစ်များ

Daniyɛli 9:26

Wo wati wa tenbi, anu si Allata-Mɔgɔ-Yabɔnɛ faga hali a ma ko tinya. Kun-tigi-sɛnbɛmɛ do si ala kɛlɛ-dannu nata ka ta Yerusalɛm anubɛ Alla Bato-Bɔn tinya pɔ! Wola ban si na iko gboron-gboronna-yi. Kɛlɛ anubɛ kasarɛ si ma anutɛ la burubukai iko Alla ya a fɔ nya min.

Sakaraya 13:7

Mari Sɛnbɛ-Bɛɛ-Tigi ya a fɔ ala faan ye ko a la ni wuli a wɔli-kɛ-nyɔgɛ saga-fɛ-biralɛ kan ma. A wa ban a fagala, ala sagɛnu ta si nyɛnsɛn. Mari ko a si bui ala mɔgɛnu ma, ala sagɛnu, kɔni.

Matiyu 16:21

Ka a dabira wati wo ma, Yisa wulita a fɔla ala karan-dannu ye ka a gbɛ anu ye ko a fɛrɛ sa fɔ a ni ta Yerusalɛm ka tɔrɔyɛ siyaman sɔrɔn kɛmɔgɛnu anubɛ saraka-masɔla-wɛnu anubɛ tɔn-karan-mɔgɛnu bolo. A ko anu si a faga nyɔ. A tele sawa nyɔgɛ, Alla si a lawuli tun ka bɔ furinu tɛma.

Matiyu 27:63

Anu ko, “N fa, foninya-fɔlɛ wo ya min fɔ wo tumɛ a kɛndɛ, ma hɛnkili tonɛ wo ko. A ko tele sawa wa tenbi tumɛ min, a si wuli tun ka bɔ furinu tɛma.

Luka 10:30

Yisa ya a yabi tili rɔ ko, “Yahudiya do ye yigila ka bɔ Yerusalɛm soe burɔ ka ta Yɛrikɔ soe burɔ. Bui-ma-kɛlɛnu ya ala fanɛ bɔ a ma ka a gbesi. A tora doni, ko a si faga.

Luka 9:22

Yisa ko, “Anu si nde, Hadama-dan tɔrɔ kati! Kɛmɔgɛnu anubɛ saraka-masɔlɛnu anubɛ tɔn-karan-mɔgɛnu si anu ban n na. Anu si n faga kɔnɔ a tele sawa nyɔgɛ, n si wuli tun.”

Luka 9:51

Yisa-yɛlɛ-tumɛ Arinyɛni tɔ, wo gbɛrɛnta tumɛ min, a ya a latɛgɛ ko a ni ta Yerusalɛm.