Luka 18:22 - ALLALA KUMƐ

²² Yisa ya kɛ lamɔɛn tumɛ min, a ya a fɔ a ye ko, “A tonɛ ko-kelen-pe le ma gbɛ, ta i bolo-fan bɛɛ fere ka wodi wo di bolo-kolɔnnu ma. I si nɔnfuli sɔrɔn Arinyɛni tɔ. Wo kɔma, i ni na bila n fɛ.”

Luka 18:22 ပူးပေါင်းရင်းမြစ်များ

Yaburi 27:4

N bara Mari manyinika ko kelen pe lela ko ma. N bi nyinina wo le ma a bolo, wo le, ka n siyi-tele mumɛ bɛɛ dunu Mari Bato-Bɔn la. Wo si a ma, n ni to kawala ata nyimayɛ ma nyɔ rɔ ka to hɛnkili sɔrɔnna a bolo.

Matiyu 19:21

Yisa ya a fɔ a ye ko, “Ni i ye a fɛ, i ni kanbali, ta i bolo-fan bɛɛ feri ka wodi wo di bolo-kolɔnnu ma. I si nɔnfuli sɔrɔn Arinyɛni tɔ. Wo kɔma, i ni na bila n fɛ.”

Luka 10:42

kɔnɔ fen kelen pe ye nyɔ i makoe ye min na. Mariyama ara a nyimɛ yabɔ, ado wo ti bɔ a bolo.”

Luka 12:33

Wo ni wo bolo-fan bɛɛ mayira ka wodi wo di bolo-kolɔnnu ma. Wo ni wodi-bɔrɛnu kara wo nyɛrɛ ye wo si wola wodinu namara minnu tɔ Arinyɛni tɔ. Woe sa anu ma. Fen ti bɔ wola wodinu na. Kankan ti ke a kankanna nyɔ. Kisinu ti a dɔn nyɔ,

Luka 16:9

Yisa ya a fɔ ko, “N bi a fɔla wo ye, wo ni wo diyana-mɔgɛnu nyini wo nyɛrɛ ye duninya-nɔnfuli rɔ, woletɔ ila nɔnfuli wa ban tumɛ min, Alla si wo rabira a warɛ Arinyɛni tɔ!

Luka 18:21

Kei wo ya a fɔ ko, “Kebi n dennɛ, n ya tɔn kɛ bɛɛ bira.”

Luka 18:23

Kɔnɔ kei wo ya kɛ lamɔɛn tumɛ min, a yisi magboyara bawo bana le ale la nun!

Luka 9:23

A ya a fɔ anu damasi ye ko, “Ni mɔgɔ-wo-mɔgɔ ye a fɛ ka bila nde fɛ, a ni a nyɛrɛ wara-koe bɔrɔbɔ. Tele-wo-tele, a ni a nyɛrɛ faga-kɔlɔma bi ka bila n fɛ.

Filipai 3:13

Nba, n na-kelen-nyɔgɛnu, n ma n miri lefan ko n bara ban kela kɔnɔ n bara ko-kelen-pe latɛgɛ, wo le ko koe minnu bi n kɔma, n ni nyina wonu ko ka n se-koe-bɛɛ kɛ yarɔ-koenu ma.

2 Pita 3:8

Kɔnɔ n diyana-mɔgɛnu, wo kana nyina ko kelan kɛ ko! Mari yala, dan-nafara mumɛ sa tele kelan anubɛ san waga kelan tɛma. Wo filɛ bɛɛ rakɛn de ale yala.