Luka 17:30 - ALLALA KUMƐ

³⁰ A si ma wo nya na le fanan nde, Hadama-dan wa bɔ gbɛ rɔ lunyɛ min.

Luka 17:30 ပူးပေါင်းရင်းမြစ်များ

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Matiyu 24:3

Yisa ya a mayigi Ɔlifi kɔnkɛ kuma tumɛ min, ala karan-dannu nara a wara dogɔn rɔ. Anu ya a manyinika ko, “Yerusalɛm bui-wati fɔ ma ye. Tamasere nyamintan si ila nɛ anubɛ duninya-ban yira ma la?”

Matiyu 24:37

Nde, Hadama-dan na-koe si ma iko koe minnu kera Nowata wati rɔ.

Matiyu 24:39

Min bi nala mala, anu ma wo lɔn ha yi-belebele nara anu dama lato tinɛ. Nde, Hadama-dan wa na tumɛ min, a si ma wo nya le.

Matiyu 26:64

Yisa ya a fɔ a ye ko, “Iko i ya a fɔ nya min, a ye wo nya le, yɔ! Kɔnɔ n ni a fɔ wo dama ye ka a dabira bi ma, wo si nde, Hadama-dan siginɛ yen Sɛnbɛ Bɛɛ Tigi kɔɛn-nyimɛ rɔ. Wo si n namatoe yen banda-fin-gbɛ rɔ!”

Maraka 13:26

Mɔgɛnu si nde, Hadama-dan yen nala banda-fin-gbɛ rɔ sɛnbɛ-ba anubɛ gbiliya-wɛ la n bolo.

Luka 17:24

Iko bandɛ si a nyin masɔgɔ san-kolo tɔnkɔn kelan rɔ ha ka malan a tɔnkɔn doi rɔ nya min, nde, Hadama-dan si na wo nya na le.

Luka 17:29

Lɔti bɔra Sɔdɔm soe burɔ lunyɛ min, tɛ anubɛ munku-gbɛ yigira ka bɔ san-kole rɔ ka anu dama halaki.

Luka 21:22

Wo bɛɛ si ma tɔrɔya-telenu na, ado Allata kitabu ya min fɔ, wo bɛɛ ni bɔ-a-la.

Luka 21:27

Nba, nde, Hadama-dan si bɔ gbɛ rɔ wo wati rɔ. N bi nala banda-fin-gbɛ rɔ sɛnbɛ anubɛ gbiliya-ba rɔ.

1 Kɔrɛnti 1:7

Wo le ya a to, wo tenbi Mari Yisa, Allata-Mɔgɔ-Yabɔnɛ makɔnɔna ko a ni na duninya kɛ rɔ tun, wo sa dasala nirɔ-kɔ-fen kelen bɛrɛn na.

1 Kɔrɛnti 1:8

A si wo mara alako fɛɛ kana taran wola dɛnkɛninyɛ la, ha ma Mari Yisa, Allata-Mɔgɔ-Yabɔnɛ wa na tumɛ min.

Kɔlɔsi 3:4

Ka Kirasiti ma i Mari la, wo si ma nimaya-bɛrɛ la wo ye worɔ. Nba, Kirasiti wa bɔ gbɛ rɔ tumɛ min, wo dama si gbiliyɛ sɔrɔn wo nyɔgɔn fɛ.

2 Tɛsalonaika 1:7

Wole minnu tɔrɔnɛ, a si sulen di wole anubɛ male fanan ma. Mari Yisa wa na tumɛ min, anubɛ ata melika-sɛnbɛmɛnu, ale Alla si wo tɔrɔlɛnu tɔrɔ

1 Pita 1:13

Nba, wo ni wo hɛnkili masɔ ka wo sɛbɛ don. Wo ni wo yɛ lakalan ka wo yigi sa Kirasitita duwɛ kuma, ado Kirasiti wa bɔ gbɛ rɔ tumɛ min, a si wo di wo ma feu!

1 Pita 1:7

Kɔrɔbɔlɛ wonu kɛ-kunyɛ le ka wola dɛnkɛninyɛ mayira ko tonyɛ le. Hali sɛnɛ min ti ke tinyala, a boe si bɔ a bɛrɛ ya la tɛ la. Wola dɛnkɛninyɛ fanan bi wo nya na le min tenbira sɛnɛ la pirr! Fɔ wola dɛnkɛninyɛ fanan kɔrɔ ni bɔ alako a si kun wo rɔ nya min. Yisa Kirasiti wa bɔ gbɛ rɔ tele min tɔ, wole si tantolɛ anubɛ gbiliyɛ anubɛ bonyɛ sɔrɔn worɔ.

1 Pita 4:13

Kɔnɔ wo ni sewa ko wo ye tɔrɔyɛ sɔrɔnna Kirasiti le fɛ. Wo si a ma, ala gbiliyɛ wa bɔ gbɛ rɔ tumɛ min, wole bɛrɛn si fa sewɛ la wulɔn.

1 Yɔni 2:28

Ɔnde, n diyana-dannu, wo ni to ale rɔ. Woletɔ a wa bɔ gbɛ rɔ tumɛ min, ma si fa yisi-latɛgɛ la. A wa na wo tele rɔ, ma ti ma dogon a ma miliyɛ bolo.

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!

Lankɛnimayɛ 1:7

Wo ni wo yɛ lana! A ye nala banda-finyɛ rɔ! Mɔgɛ bɛɛ si a yen nala hali minnu ya a sɔgɔ tanbɛ la. Duninya-mɔgɛ bɛɛ si di ala ko la, ado a ye mala wo nya na le! Amina.