Luka 17:25 - ALLALA KUMƐ

²⁵ Kɔnɔ fɔ n ni tɔrɔyɛ sɔrɔn fɔlɔn bɛrɛkɛ, ado bi-mɔgɛnu si anu ban n na.

Luka 17:25 ပူးပေါင်းရင်းမြစ်များ

Aiseya 53:3

Mɔgɛnu bara anu ban a la ka a magboya. Tɔrɔyɛ anubɛ dumɛ da ra kolo a kuma ha a mapɛsɛkɛrɛyara. Wo ya a ma, mɔgɔ ma ke a mafɛlɛnna. Mɔgɔ ma a yakɔrɔ yira a la bawo anu ma a yatɛ fenfen na.

Matiyu 16:21

Ka a dabira wati wo ma, Yisa wulita a fɔla ala karan-dannu ye ka a gbɛ anu ye ko a fɛrɛ sa fɔ a ni ta Yerusalɛm ka tɔrɔyɛ siyaman sɔrɔn kɛmɔgɛnu anubɛ saraka-masɔla-wɛnu anubɛ tɔn-karan-mɔgɛnu bolo. A ko anu si a faga nyɔ. A tele sawa nyɔgɛ, Alla si a lawuli tun ka bɔ furinu tɛma.

Matiyu 21:42

Yisa ya a fɔ anu ye ko, “A sɛbɛnɛ Allata kitabu rɔ ko, ‘Bon-sɔlɛnu ya anu ban kuri min na, wo le ara ma sɛbɛna-kuru-tɔnɔnamɛ la. Mari nyɛrɛ-nyɛrɛ ya kɛ ma, ado wo mara kabana-ko-wɛ la ma yala!’ Ha bi, wo ma wo karan bɛ, wa?

Maraka 10:33

Yisa ya a fɔ anu ye ko, “Wo ni wo tole masɔ. Ma ye tala Yerusalɛm soe burɔ. Anu si nde, Hadama-dan don saraka-masɔla-wɛnu anubɛ tɔn-karan-mɔgɛnu bolo tɔ. Anu si n yiliki sayɛ la ka n don sibolo-gbɛrɛnu bolo tɔ.

Maraka 12:10

Wo ma Allata kitabu kan tinɛ wo karan bɛ, wa? A ko, ‘Bon-sɔlɛnu ya anu ban kuri min na, wo le ara ma sɛbɛna-kuru-tɔnɔnamɛ la.

Maraka 8:31

Wo kɔma, Yisa ya ala karan-dannu karan dabira. A ko, “A fɛrɛ sa fɔ nde, Hadama-dan ni tɔrɔ Yahudiya-kɛmɔgɛnu anubɛ saraka-masɔla-wɛnu anubɛ tɔn-karan-mɔgɛnu bolo. Anu si anu ban n na ka n faga. A tele sawa nyɔgɛ, Alla si n nawuli tun ka bɔ furinu tɛma.”

Maraka 9:31

bawo a ye ala karan-dannu karan tinɛ. A ko, “Anu si nde, Hadama-dan don mɔgɛnu bolo tɔ. Anu si n faga. Kɔnɔ a tele sawa nyɔgɛ, Alla si n nawuli tun ka bɔ furinu tɛma.”

Luka 18:31

Yisa ya ala karan-den tan-ni-filɛ wonu bi anu dan na ka a fɔ anu ye ko, “Wo ni wo tole masɔ! Ma ye tala Yerusalɛm. Nɛbinu ya koe min bɛɛ sɛbɛ nde, Hadama-dan la ko la, wonu si na bɔ-a-la nyɔ.

Luka 18:33

A tele sawa nyɔgɛ, n si wuli tun ka n niyi lafɛ.”

Luka 24:46

A ya a fɔ anu ye ko, “Kɛ le sɛbɛnɛ ko fɔ nde, Allata-Mɔgɔ-Yabɔnɛ ni tɔrɔ, a tele sawa nyɔgɛ ma, n ni wuli ka bɔ sayɛ rɔ.

Luka 9:22

Yisa ko, “Anu si nde, Hadama-dan tɔrɔ kati! Kɛmɔgɛnu anubɛ saraka-masɔlɛnu anubɛ tɔn-karan-mɔgɛnu si anu ban n na. Anu si n faga kɔnɔ a tele sawa nyɔgɛ, n si wuli tun.”

Yɔni 1:11

Ale Kumɛ nara ala mɔgɛnu bara kɔnɔ ala mɔgɛnu ma a rabira.

Yɔni 12:38

Wo mara alako Nɛbi Aiseya ya min sɛbɛ, wo ni bɔ-a-la ko, “Mari, yon bara la mala kumɛ la? I wara ila sɛnbɛ-makawanɛ mayira yonnu ye?”

1 Samuwɛli 10:19

A ko ale le wota Alla la min bi wo bɔla wola kɔndɔfilinu tɔ. Kɔnɔ a ko kaka, wo ara don mansa-kura-nyinɛ rɔ ka wo ban ale la. A ko ale le wo la. A ara sɔn wo bolo. Kɔnɔ a ko wo ni wo ladɛn wola bɔnsɔn anubɛ wola kebilɛ ma ale Mari yakɔrɔ.”

1 Samuwɛli 8:7

Mari ya a fɔ ale Samuwɛli ye ko, “Mɔgɛnu bara min fɔ i ye, i ni i tole masɔ wo la. Anu sa anu banna ilela kun-tigiyɛ ma. Anu bi anu banna nde letɛ ma.