Luka 16:25 - ALLALA KUMƐ

²⁵ “Kɔnɔ Iburayima ko, ‘Nna dan, i miri fɔlɔn. I kɛndɛ tumɛ min, i ye fen-nyimɛ bɛɛ sɔrɔnna kɔnɔ wati wo rɔ, Lasarasi kɛ ye fen-nɔgɔnɛnu gbansan sɔrɔnna. Nba kaka, ale le ye sewɛ la yan, ile ye dumɛ rɔ.

Luka 16:25 ပူးပေါင်းရင်းမြစ်များ

Yobu 22:18

Hali wo, Alla le ya anu nasabati. Nba, nde ma sɔn karagbɛlɛ kɛnuna miriya ma.

Yaburi 17:14

I ni nde lakisi bana wonu ma, fen bi min bolo duninya kɛ dɔrɔn tɔ. Tɔrɔya-dagɛ min siginɛ i bolo, anu tɔrɔ wo la. Tɔrɔyɛ wo kana dan anu denu dɔrɔn ma. Hali anuna dannu anubɛ anu mamanɛnu ni do sɔrɔn a rɔ.

Yaburi 49:11

Anuna kaburu si ma anu barɛ la tɛban! Hali dugi ye anu bolo kɔrɔma la, anu ya a laban kanbɛ le tɔ.

Yaburi 73:7

Wunduyogoyɛ ye tugula anu yisi rɔ iko yi. Anu kunyɛ lafanɛ yanfanteyɛ la.

Nimisa Koe 1:7

Mɔgɛ minnu sigi-tina-kɔrɛ ye Yerusalɛm na, wonu bi anu mirila Yerusalɛm sɔ-kinya-kɔrɛ ma. Yerusalɛm yogenu ya a nɔ tumɛ min, sibolo-gbɛrɛ fenfen sa nyɔ min si a dɛnbɛ. A yogenu ya a mayɛlɛnnɛ yen min kɛ, anu tora a mayɛlɛnna.

Daniyɛli 5:30

Wulɔn suyi nyɛrɛ rɔ, mɔgɛ do nara Mansa Bɛlisasa faga tinɛ. Mansa Dariyasi min bi Midiya nyamanɛ kun na, Babilɔn nyamanɛ tora wo bolo. Wo ya a taran, Dariyasi sɔrɔn-san ara san bi-wɔrɔ ani san fila (62) bɔ.

Matiyu 27:63

Anu ko, “N fa, foninya-fɔlɛ wo ya min fɔ wo tumɛ a kɛndɛ, ma hɛnkili tonɛ wo ko. A ko tele sawa wa tenbi tumɛ min, a si wuli tun ka bɔ furinu tɛma.

Maraka 9:45

“Nba, ni i kian ya a ma, i ni hakɛ kɛ, a tɛgɛ a la! A fisa, ni i bɔnɔta i kin kelan rɔ ka ta nimayɛ rɔ wo nya, yanni i fɛrɛ bɛɛ la ni don nyahanama-tɛ-dufenbɛlɛ rɔ, [

Luka 16:20

Bolo-kolɔn do ye nyɔ fanan nun, a tɔgɛ Lasarasi. Tɛlɛ ye a fɛrɛ mumɛ bɛɛ ma. Anu si na a la nɔnfulu-tigila bonda-dɛ la tuma-wo-tuma,

Luka 16:23

Ale nɔnfulu-tigi ye tɔrɔyɛ rɔ lakira. A ya a yɛ layɛlɛ ka Iburayima yen wulɛ la, ado Lasarasi ye ale Iburayima tɔgɔfɛ.

Luka 16:26

Ka tenbi wo bɛɛ la, denka-filun-bɛ ye male anubɛ ile tɛma, ado ni minnu bi a fɛ ka bɔ yan ka ta i wara nyɔ, wonu ti ke tala nyɔ. Mɔgɔ ti ke bɔla i warɛ nyɔ fanan ka na male warɛ yan.’

Luka 6:24

Nɔnfuli ye wole minnu bolo kaka, gbalo ye wo kuma bawo wo lafɛrɛnɛ!

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

Romu 8:7

Mɔgɛ min niyi sanɛ hadama-dan diyana-koenu kuma, wo tigi ara ma Alla yoge la bawo a sa Allata tɔn birala, ado a ti ke a birala mumɛ!

Tɔn-Fɔɛ-Fila-Nyɔgɛ 28:17

“Wola dɔn-fen-namara-sagɛnu anubɛ wola dɛgɛ-ramaga-mirannu si to dankɛ kɔrɔ. Anu takolɔn si to.

Filipai 3:19

Wonuna ban le nyahanama la bawo anuta Alla le anu bagbuyi-natanu na. A bɛnnɛ, anu ni miliya koe minnu na, anu wasinɛ wonu tɔ. Anu bi anu mirila duninyata-fannu denu dɔrɔn ma.

1 Tɛsalonaika 3:3

Ma ya wo ma alako wo fenfen kana sɛgi wo kɔma tun nyagbɛ kɛnuna ko la. Wole nyɛrɛ ya a lɔn ko fɔ ma ni nyagbɛ kɛnu tayen iko Alla sako ye nya min.

Hiburunu 11:25

Yanni hakɛ ni a diya don a rɔ wati-kundu-ni kɔrɔ, a sɔnta tɔrɔ-koe ma Allata mɔgɛnu fɛ.

1 Yɔni 2:15

Wo kana duninya keni, anubɛ fan minnu bi duninya rɔ. Ni wo ya duninya keni, ma Fa Alla keni-ko sa wo yisi rɔ worɔ.

Lankɛnimayɛ 7:14

N ya a yabi ko, “N fa, nde ma a lɔn. Ile le ya wo lɔn.” A ya a fɔ n ye ko, “Minnu bara kisi ka bɔ bɛnsɛnkɔninya-wɛ rɔ, wonu denu bi wonu na. Anu ya anuna duruku-yannu ku ka a ma, anu ni gbɛ saga-dan-yele rɔ.