Luka 16:2 - ALLALA KUMƐ

² A ya a kele bɔn la ka a manyinika ko, ‘N bara min namɔɛn ila ko rɔ kɛ la, wo ye kama? N ya nɔnfuli yirika min don i bolo, i ni dantɛgɛ-kɛdi di n ma bawo ile ti ma kun-tigi la n ye tun!’

Luka 16:2 ပူးပေါင်းရင်းမြစ်များ

Makawandili Kumɛnu 12:14

Ma ya ko-wo-ko ma, Alla si ma kiti wola ko la. A yogoma wo, a nyima wo, hali a dogonta koenu, a si ma kiti wo bɛɛla ko la.

Matiyu 12:36

“Nba, n ni a fɔ wo ye, kiti-tɛgɛ-lunyɛ, mɔgɛnu bi kuntanya-kumɛ min bɛɛ fɔla, anu si anu dantɛgɛ Alla ye wo bɛɛla ko la.

Matiyu 20:8

“Wura dɛ la, sɛni-tigi ya a fɔ ala wɔli kun-tigi ye ko, ‘Wɔli-kɛlɛnu kele ka anu sara. I ni a dabira a labannu ma ka a laban a fɔlɔtɛnu ma.’

Luka 12:20

Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”

Luka 12:42

Mari ya a yabi ko, “Wɔli-kɛla-latelennɛ anubɛ hɛnkilimɛ ye yon na wo tɛma? Ale le wo la, min tigi si a sigi wɔli-kɛlɛnu kun na alako a ni anuna dɔn-fan di anu ma a wati-bɛnnɛ rɔ.

Luka 16:1

Yisa ya a fɔ ala karan-dannu ye ko, “Nɔnfulu-tigi do ye nyɔ nun, a ya mɔgɛ do sigi kun-tigiyɛ la. Anu ya a fɔ nɔnfulu-tigi wo ye ko, ‘I ya kun-tigi min sigi, a ye ila wodi tinyana kɔɔ!’

Luka 16:3

Ale kun-tigi ya a fɔ a nyɛrɛ ye ko, ‘N tigi ye n boloka tinɛ le kɛ la. N si nfen ma gbɛ? Sɛnɛ-sa-sɛnbɛ sa n bolo, ado n si miliya ka tarali kɛ.

Romu 14:12

Ma kelen-kelennamɛ-bɛɛ si ma nyɛrɛ dantɛgɛ Alla ye worɔ.

1 Kɔrɛnti 1:11

ado n na-kelen-nyɔgɛnu, Kaloyela mɔgɛ donu bara a lagbɛ n ye ko sɔsɔlɛ ye wo tɛma tolon!

1 Kɔrɛnti 4:2

ado fan kerifanɛ min na, a bɛnta, wo ni lanayɛ kɛ a tigi ye.

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.

2 Kɔrɛnti 5:10

Ma ye a fɛ ka a hɛnɛ bawo a fɛrɛ sa fɔ ma dama ni ma sɔ gbɛ rɔ Kirasitila kiti tɛgɛ tinɛ yarɔma. Ma kelen-kelennamɛ-bɛɛ si kiti ka wo sɔrɔn iko a bɛnta ma ma nya min. Ma tenbi fɛrɛ-bɔnkɛ kɛnu tɔ, ni ma ya min ma, a mara a nyima la wo, a mara ko-fuyi la wo, ma ye wo sarɛ sɔrɔnna le, yɔ!

1 Timoti 4:14

I kana i ban Allata Ni-Sɛnimɛta fandɛ la min bi wɔlila i rɔ. Wo dira i ma wo tumɛ chɔchi-mɔgɔ-banu ya anu bole sa i kuma wɔlɔyiya-kumɛ fɔ tinɛ.

1 Timoti 5:24

Mɔgɛ donu hakɛ yen-koe ma gbɛlɛ, bɛɛ si a yen gbɛ rɔ, ado anu nyɛrɛ ya a lɔn ko Alla, ni wo ma, mɔgɔni-gbuyi si anu kiti. Kɔnɔ donu hakɛ yen-koe gbɛlɛ, mɔgɛnu ti anu yen fɔ wati-laban.

1 Pita 4:10

Alla ara sanbɛ di wo kelen-kelennamɛ-bɛɛ ma wo nyɔgɔn-dɛnbɛn-koe le la. Wo ni wo ma iko Allata sanba-marala-nyimɛnu si a ma nya min.

1 Pita 4:5

Kɔnɔ anu fanan si anu dantɛgɛ Alla ye, ado ale le si kɛndɛwaganu anubɛ furinu kiti tɛgɛ.

Lankɛnimayɛ 20:12

Nba, n ya furinu yen, a dɔgɔma wo, a kinama wo, a bɛɛ. Anu sɔnɛ mansaya-sigi-fan wo yakɔrɔ. Buku donu nakara. Wo kɔma, buku-gbɛrɛ lakara, mɔgɔ-nimɛnuta-buku, kɔni. Anuna kiti tɛgɛra iko anuna kɛwɔlɛnu bi nya min. Wonu denu sɛbɛnɛ buku wonu tɔ.