Luka 15:28 - ALLALA KUMƐ

²⁸ “A kɔrɔ diminyara bɛrɛkɛ! A ma sɔn ka don bɔn la woletɔ a fa bɔra ka a madiya ko a ni don.

Luka 15:28 ပူးပေါင်းရင်းမြစ်များ

Aiseya 65:5

Kɔnɔ anu bi a fɔla donu ma ko, “Wo ni wo masɛgi ma la. Ma sɛninyanɛ ka tenbi wo le la.” Mari ko mɔgɔ-sufa wonu mani de iko ta-sisi tenbi a lagbesila a sunyɛ rɔ. A ko a diminyɛ min kɛnɛ wonu ma, wo mani de iko ta-dufenbɛlɛ.

Aiseya 66:5

Wole min bi Marita kumɛ birala, wo ni wo tole masɔ a kan la. A ko wo gboyara wo na-kelen-nyɔgɛnu ye. Anu wulita wo kan ma bawo wo bilanɛ ale Mari fɛ. Anu bi wo rasɛ-kumɛnu fɔla ko, “Nba, alamɛ ata fanka ya wo lakisi, woletɔ ma si to wo sewanɛ yenna.” Kɔnɔ Mari ko fɔ mɔgɔ-mayɛlɛnnɛ kɛnu ba tɔrɔ le serr!

Yɛrɛmaya 35:16

A ko Yonadabu mamanɛnu bara anu benba kan to a gbɛ rɔ kɔnɔ wole, Isirɛla mɔgɛnu ma sɔn ale Mari kan tola a gbɛ rɔ.

Yona 4:9

Kɔnɔ Alla ya Nɛbi Yona manyinika tun ko, “Nfen bi a tola, i ye diminyala kɔlɔma kɛ ma ka?” Nɛbi Yona ya a yabi ko, “A bɛnta, n ni diminya. Sayɛ fisa nde ye kɛ ko.”

Matiyu 20:11

Anu ya anuna wodi bira tumɛ min, anu ya da-kɔrɔ-kumɛ dabira sɛni-tigi ma.

Maraka 1:40

Fɛrɛma-kirayatoe do nara a nyɛnkin Yisa kin kɔrɔ a madiya tinɛ a dɛnbɛn -koe la. A ko, “Ni i ye a fɛ ka n nakɛndɛya, n ya a lɔn ko wo sɛnbɛ ye ile bolo ka n nakɛndɛya.”

Luka 13:34

“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma!

Luka 15:2

Farisinu anubɛ tɔn-karan-mɔgɛnu wulita gbunyala ko, “Kei kɛ ye Alla-batobɛlɛnu tabirala ka fen-dɔn-kɛ anu fɛ!”

Luka 15:27

Wɔli-kɛlɛ wo ya a yabi ko, ‘I dɔgɛ ara na. I fa ara ninki-den-tɔlɔnɛ faga bawo a ara ala dan yen tun, a kɛndɛ, a ye a niyi la.’

Luka 15:29

A ya a fɔ a fa ye ko, ‘I yɛ lana. San mumɛ kɛ bɛɛ kɔrɔ, n bi wɔlila i kɔrɔ iko yɔɔn. N ma ila kumɛ tinya hali kelen. I ya nfen di nde ma? Hali baa, i ma a di nde ma alako mabɛ n diyana-mɔgɛnu ni sewa ma nyɔgɔn fɛ!

Luka 24:47

A sɛbɛnɛ fanan ko tubi koe anubɛ hakɛ-makoto-ko-kawandilɛ si bɔ sibole bɛɛ ye n tɔgɛ rɔ ka a dabira Yerusalɛm yan.

Luka 5:30

Farisi anubɛ tɔn-karan-mɔgɛ minnu bi anu tɛma, wonu gbunyara Yisala karan-dannu ma ka anu manyinika ko, “Nfenna wo ye fan dɔnna duti-makelelɛnu anubɛ hakɛ-tiginu fɛ?”

Luka 7:39

Ale Farisi kei min ya Yisa kele, wo ya kɛ yen tumɛ min, a miriya tara ko, “Ni nɛbi-bɛrɛ le kei kɛ la nun, musi kɛ min tugura a la, a si musi kɛ wara-koe lɔn nun. A si musi kɛ su lɔn nun bawo hakɛ-tigi le wo la!”

Kɛwɔlɛnu 13:45

Yahudiyanu ya nyama yen tumɛ min, keliyɛ wulita anu na kati! Anu ya Pɔli manyini ka ala kumɛ bɛɛ masɔsɔ.

Kɛwɔlɛnu 13:50

Kɔnɔ Yahudiyanu ya nyɔ-mɔgɔ-banu natugu anu kan ma anubɛ sibolo-gbɛrɛkɛ musu-tɔgɔlamɛ minnu bi Alla batola. Anu ya sɔnkɔ-sɔnkɔ lawuli Pɔli anubɛ Banabasi kan ma ha mɔgɛnu ya anu gben anuna nyamanɛ rɔ.

Kɛwɔlɛnu 14:19

Yahudiya donu bɔra Paisidiya-Antiyaki soe burɔ anubɛ Aikoniyam soe burɔ. Nyama kerita wonu bara-la. Anu ya Pɔli mabon kuri la ka a sagan soe kɔma bawo anu ya a lɔn ko a ara faga.

Kɛwɔlɛnu 14:2

Kɔnɔ Yahudiya minnu ma dɛnkɛninya Yisa ma, wonu ya sibolo-gbɛrɛ doinu natugu ka anu yisi yɛlɛma Mari Yisata mɔgɛnu kan ma.

Romu 10:19

N ni nyinikalɛ kɛ tun ko Isirɛla mɔgɛnu ma kɛ nya-yen, ba? Anu bara a nya-yen, bi ma. Nɛbi Musa fɔlɔn ya a yabi ko, “Wo ye yɛlɛnna sibole minnu ma, Mari si wonu bi ka anu ma wo lamɔniya-fan la. Wo tɛgɛnɛ mɔgɛ minnu tɔ, wonuna keliyɛ si wuli wo fanan na.”

2 Kɔrɛnti 5:20

Nba, male mara Kirasitita kilayɛnu na alako ma ni ata kumɛ fɔ mɔgɛnu ye. Alla nyɛrɛ ye ma sɔla ka ma ata kuma-lakelɛ la min kɛ, ma ye wo madiyala Kirasitila ko la ko wo ni sɔn ko wo ti to mani Alla yogenu na fɔ ka wo ma a diyana-mɔgɛnu na!

1 Tɛsalonaika 2:16

Anu bi anu tayala nun ka male lakala alako ma kana kisi-ko-kuma-kawandili bɔ sibolo-gbɛrɛnu ye. Anu bi hakɛ min kɛla tumɛ bɛɛ, wo dan-natenbi le, ado Allala fondo-bɔɛ ara a laban anu kuma!

1 Samuwɛli 17:28

Dawuda ye kumɛ minnu fɔla kɛlɛ-dannu ye, a kɔrɔ Ɛliyabu ya wonu namɔɛn. A diminyara Dawuda ma. A ko, “Ile ye nfen mala yan tɔ? Yon bi ila sagɛnu mafɛlɛnna wulɛ rɔ? Ile kolobɛlɛ kalabante, i ya a lɔn iko i ya koe bɛɛ lɔn. Ile nara kɛlɛ mafɛlɛn tinɛ le dɔrɔn.”

1 Samuwɛli 18:8

Sigi wo dumara Mansa Sɔli la bawo musinu bi Dawuda matɔgɔla ka a fɔ ko ale Sɔli ara mɔgɔ siyaman faga kɔnɔ a ma ke Dawudatɛ rɔ. A ye a mirila fanan ko tumado anu bi nala Dawuda mala le mansɛ la ale kɔma.