Luka 15:24 - ALLALA KUMƐ

²⁴ bawo nna dan kɛ ara faga nun kɔnɔ kaka, a ye a niyi la. A tonɛ-a-rɔ nun kɔnɔ kaka, n bara a yen.’ Nba, anu ya ladiyɛ kɛ a kilɛ fɛ.

Luka 15:24 ပူးပေါင်းရင်းမြစ်များ

Ko-Dabirɛnu 45:28

Yakoba ko, “Sobore, nna den Yusufu ye a kɛndɛ la. N ni ta a yen yanni n ni faga.”

Aiseya 35:10

Anu ba don Yerusalɛm lunyɛ min, anu si sewa dɔgɔma-ma-de! Anu si anu dɛ sa-a-rɔ sigi sa tinɛ sewɛ bolo. Anu si to sewɛ rɔ burubukai! Anu ti mɔnɛ anubɛ nyagbɛ sɔrɔn tun.

Aiseya 66:11

Wo si a tɔnɛ dɔn, a ni wo rabɔ dass, iko dan na kin-yi ye a rabɔla nya min.

Isikiyɛli 34:16

“Minnu tununta, n si wonu nyini. Minnu tara anu kun fɛ, n si wonu kunyɛ lasɛgi a rɔ. Minnu tanbanta, n si wonuna tɛlɛnu makiri. Minnu kirɛ, n si wonu dandan. Kɔnɔ minnu kunba, ado anu tagbɛlɛ wɛ kɛ, n si wonu wara-koe ka-a-la bawo saga-fɛ-birala ko-telenni-kɛlɛ le nde la.

Isikiyɛli 34:4

Minnuta ma gbɛlɛ, anu sa wonu dɛnbɛna. Minnu kirɛ, anu sa sɔnna wonu dandanna. Minnu tanbannɛ, anu sa wonuna tɛlɛnu makirila. Minnu tara anu kun fɛ, anu sa wonu kunyɛ lasɛgila a rɔ. Minnu tununta, anu sa wonu nyinina. Anu ti wo fenfen ma fɔ ka anu bira boloko-yogomɛ-kɛ.

Matiyu 8:22

Yisa ya a fɔ a ye ko, “Bila n fɛ. Mɔgɔ-faganɛnu ni anuna mɔgɔ-faganɛ togon.”

Maraka 8:22

Nba, Yisa anubɛ ala karan-dannu kera Bɛti-Sayida soe burɔ. Mɔgɛ donu nara fiyɔn la Yisa wara ka a madiya ko a ni a bole tugu a la.

Luka 10:19

Nba, wo ni wo tole masɔ, n bara fanka di wo ma alako wo ni tagama duguma-fannu anubɛ bondalɛnu kuma. Wo si Setanɛla sɛnbɛ bɛɛ nɔ, ado fenfen ti wo madumɛ.

Luka 15:23

Wo ta ninki-den-tɔlɔnɛ faga. Ma ni ladiyɛ ladan ka sewa

Luka 15:25

“Wo wati ya a taran, dan wo kɔrɔ-keminɛ ye sɛnɛ rɔ nun. A sɛgimatoe, a gbɛrɛnta bɔn ma tumɛ min, a ya tolon-kan anubɛ dɔn-kɛ-kan lamɔɛn.

Luka 15:32

Kɔnɔ a bɛnta ma sewanɛ ni ladiyɛ kɛ bawo i dɔgɔ faganɛ le nun kɔnɔ kaka, a ye a niyi la. A tonɛ-a-rɔ nun kɔnɔ kaka, ma ara a yen tun.’ ”

Luka 15:4

“Saga kɛmɛ ye wole min bolo, ni wo kelen tora-a-rɔ, saga-tigi si nfen ma? A si saga bi-kɔnɔntɔ ani kɔnɔntɛ wonu to gbɛkole ma ka ta saga-tununɛ wo nyini ha a ni a yen.

Luka 19:10

Nde, Hadama-dan ara na ka mɔgɔ-samanɛnu nyini anubɛ ka wonu kisi.”

Luka 9:60

Yisa ya a yabi ko, “Mɔgɔ-faganɛnu ni anuna mɔgɔ-faganɛ togon. Ile ni ta ka Allala-mansayɛ-kawandili bɔ.”

Yɔni 11:25

Yisa ya a fɔ a ye ko, “Nde ye furinu nawulila ka niyi di anu ma. Min ba dɛnkɛninya n ma, hali a fagara, wo si sɛgi a niyi la,

Yɔni 5:21

N bi nyinina niyi dila furi minnu ma, n si niyi di wonu ma iko n Fa Alla ye furinu nawulila nya min tun ka niyi di anu ma.

Romu 11:15

ado Alla ya a ban Isirɛla mɔgɛnu na tumɛ min, wole sibolo-gbɛrɛnu mara Alla diyana-mɔgɛnu na. Alla wa anu tabira tun ka anu ma ata mɔgɛnu na, wo si ma iko furi niyi wa sɛgi a rɔ!

Romu 12:15

Sewa wonu fɛ minnu bi sewala. Di wonu fɛ minnu bi dila.

Romu 6:11

Wo ni wo miri wo nyɛrɛ ma iko wo faganɛ, woletɔ hakɛ ti nɔ-ko sɔrɔn wo ma. Wo ni Alla sako kɛ kaka Kirasiti baraka rɔ.

Romu 6:13

Wo kana wo nyɛrɛ bagbuyi lasɔnnaya hakɛ ye. Fɔ ka wo nyɛrɛ lasɔnnaya Alla ye telenbagaya-kɛ-tinɛ bawo wo ara bɔ sayɛ rɔ ka sɛgi nimayɛ rɔ,

Romu 8:2

bawo Allata Ni-Sɛnimɛ min bi niyi dila ma ma, wo ara ma hɔrɔya Yisa Kirasiti baraka rɔ. A ya ma hɔrɔya ka ma bɔ hakɛta sɛnbɛ kɔrɔ min si na sayɛ la ma kuma.

1 Kɔrɛnti 12:26

Ni sɔlɔmɔnya kelen tɔrɔta, a sɔlɔmɔnya-toe bɛɛ si tɔrɔ a fɛ. Ni sɔlɔmɔnya kelen ya gbiliyɛ sɔrɔn, a sɔlɔmɔnya toe bɛɛ si do sɔrɔn gbiliyɛ wo rɔ.

Ɛfɛsa 2:1

Wole faganɛ fɔlɔ-nun Alla yala wola kuma-birabɛlitayɛ anubɛ hakɛ bolo.

Ɛfɛsa 5:14

ado koe min bara sa tele la, dogonta ko ma wo la tun. Woletɔ anu bi a fɔla ko, “Kinɔgɔlɛ, i ni kunden, i lawuli ka bɔ furinu tɛma! Wo kɔma, Kirasiti si waan raka i ma waran!”

Kɔlɔsi 2:13

Wole Kɔlɔsi kɛnu, wo faganɛ le fɔlɔ-nun, wo hakɛ bolo. Wo ma hɔrɔya bɛ ka bɔ wo gba-kɔrɛnu tɔ mumɛ! Alla ya wo hakɛ bɛɛ makoto lunyɛ min, a ya ni-kurɛ di wo ma Kirasiti rɔ wulɔn le.

1 Timoti 5:6

Kɔnɔ kɛɛ-musi min bi tola a nyɛrɛ diyana-koenu kɛla, hali a ye a kɛndɛ la, a faganɛ le. A tɔnɔ sa a la.

Yude 1:12

Wole denkɛninya-mɔgɛnu ba bɛn fen dɔn tinɛ, mɔgɛ kɛnu manyimanɛ wo tɛma. Anu bi hɔnna anu nyɛrɛ le dɔrɔn na anuna milibɛlitaya-fen-dɔn la anu bolo. Anu manɛ iko fɔnyɔ siginɛ banda-finyɛ min kɔrɔ. Anu manɛ iko kɔlɔma minnu ti gbɔ mumɛ, hali anu gbɔ-tumɛ kenɛ. Anu manɛ iko kɔlɔma minnu suli labɔnɛ dugi rɔ feu! Anu bara faga don!

Lankɛnimayɛ 3:1

“I ni kɛdi sɛbɛ ka a lata Sadisi-chɔchi-melika ma. “ ‘Allata Ni wɔrɔnfilɛ ye n bolo anubɛ lolo wɔrɔnfilɛ, ado nde le ye kumɛ kɛ fɔla. Wole Sadisi-chɔchi-mɔgɛnu, wo ye wɔlɛ min kɛla, n ya wo lɔn. N ya a lɔn ko wo ye wo nyɛrɛ mala iko dɛnkɛninya-mɔgɛnu kɔnɔ wo sɔndɔmɛ rɔ, wo bilani ma nde fɛ.