Luka 15:23 - ALLALA KUMƐ

²³ Wo ta ninki-den-tɔlɔnɛ faga. Ma ni ladiyɛ ladan ka sewa

Luka 15:23 ပူးပေါင်းရင်းမြစ်များ

Ko-Dabirɛnu 18:7

Iburayima burimatoe tara ala wɔrɛ rɔ ka ninki-den-tɔlɔni kelen bi ka na wo don ala wɔli-kɛlɛ do bolo. Wo ya a lakaliya wo ladanna.

Yaburi 63:5

N sɔndɔmɛ la si fa iko mɔgɔ wa fa ladiyɛ kuma. N si sewa-bɛtinu bɔ i ye ka i tanto wonu na.

Hɛnkilimaya-Kumɛnu 15:17

Yanni wo ni to sogo-kɛɛnmɛ dɔnna, koninteyɛ ye wobɛ wo na-kelen-nyɔgɛnu tɛma, a fisa, wobɛ wo na-kelen-nyɔgɛnu ni to sɔsɛ dɔnna keninteyɛ rɔ.

Hɛnkilimaya-Kumɛnu 9:2

A ya soge faga ka ladiyɛ kɛ. A ya minni-fen-diyamɛ do rabɛn ka mɔgɛnu nadiya. A ya fen-dɔn-tinɛ rabɛn yɔnyɔn!

Aiseya 25:6

Mari Sɛnbɛ-Bɛɛ-Tigi si ladiyɛ rabɛn duninya-mɔgɛ bɛɛ ye ata kɔnkɔ-sɛnimɛ kuma. Dɔn-fen-hakikɛ anubɛ minni-fen-diyamɛ su bɛɛ si taran nyɔ.

Luka 15:22

Kɔnɔ a fa ya ala wɔli-kɛlɛnu kele. A ko, ‘Wo ni na duruku-nyima-ba la ka a bila a kan na tiriya! Wo ni dɛɛn don a bolo-nɔlɔnɛ la ka sanbarɛ don a kian rɔ.

Luka 15:24

bawo nna dan kɛ ara faga nun kɔnɔ kaka, a ye a niyi la. A tonɛ-a-rɔ nun kɔnɔ kaka, n bara a yen.’ Nba, anu ya ladiyɛ kɛ a kilɛ fɛ.

1 Samuwɛli 28:24

Kɔnɔ musi wo ya ala ninki-den-tɔlɔnɛ faga. A ya dɛgɛ-munke do bi ka wo ma biredi la kɔnɔ isiti sa a rɔ.