Luka 15:22 - ALLALA KUMƐ

²² Kɔnɔ a fa ya ala wɔli-kɛlɛnu kele. A ko, ‘Wo ni na duruku-nyima-ba la ka a bila a kan na tiriya! Wo ni dɛɛn don a bolo-nɔlɔnɛ la ka sanbarɛ don a kian rɔ.

Luka 15:22 ပူးပေါင်းရင်းမြစ်များ

Ko-Dabirɛnu 41:42

Ale mansɛla mandan ye ala dɛɛn-kɔlɔnɛ min ma, a ya wo bɔ a bole la ka a don Yusufu bole la. A ya fɛrɛya-bɔ-hakikɛnu di a ma ka sɛnɛ-yɔlɔkɛ don a kan na.

Ɛsita 3:10

Mansɛ fanan ya ala mansaya-dɛɛn-kɔlɔnɛ bɔ a bole la ka a don Yahudiyanu yogo Heman bolo. Dɛɛn-kɔlɔnɛ wo le si a yira ko mansɛ kan le wo la.

Ɛsita 8:2

Mansɛ ya ala dɛɛn-kɔlɔnɛ min don Heman bolo nun, a ya wo bi ka a latenbi Mɔdekɛyai ma. Mansɛ nyɛrɛta mandan sanɛ dɛɛn-kɔlɔnɛ wo ma. Wo kɔma, Ɛsita ya a kɔrɔ Mɔdekɛyai sigi Heman bolo-fen-tonɛ bɛɛsi kun na.

Yaburi 132:16

A si kisi-ko-duruki don saraka-masɔlɛnu kan na. A ko ata mɔgɛnu si to sigi sala sewɛ bolo nyɔ rɔ.

Yaburi 132:9

Alamɛ ila saraka-masɔlɛnu ya telenbagayɛ bila anu kan na iko duruku-ba-wɛ. Alamɛ ita mɔgɛnu tora a lawɔyɔla sewɛ bolo.

Yaburi 18:33

Ale si a ma, n kian ra ni tɛgɛ dugi ma iko mina. Hali n bi kɔnkɛnu tɛma, a si n sɔ-bole rabɛn.

Yaburi 45:13

Mansɛla kɔnya-kurɛ ye kata burɔ, ado a kin dɔgɔma-ma-de! Ala duruki bonnɛ sɛnɛ-yesekari la.

Keninteya-Siginu 7:1

Ile mansɛla sunkurunnɛ, i kian bɛnta sanbarɛ rɔ. I kuru-gbole manunkunɛ pinapina iko boloma-wɔli-kɛlɛ le ya i ladan.

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Luka 15:21

Ala dan ko, ‘N fa, n bara hakɛ kɛ Alla anubɛ ile fanan na. A ma bɛn tun i ni n kele ko ila dan.’

Luka 15:23

Wo ta ninki-den-tɔlɔnɛ faga. Ma ni ladiyɛ ladan ka sewa

Romu 13:14

Ma ni Mari Yisa, Allata-Mɔgɔ-Yabɔnɛ kelen pe le lɔn ma tigi la. Ma si ma nyɛrɛ wasa min na, ma kana wo ko ladan.

Romu 3:22

A si bɛɛ latelen dɛnkɛninyɛ fɛ Yisa, Allata-Mɔgɔ-Yabɔnɛ ma, kɔni. Mɔgɛ bɛɛ kelen Alla ya la bawo

Romu 8:15

Wo ti wo ma yɔɔn la min si a ma, wo kuma ni kɔ kɔnɔ a ara wo ma a diyana-dannu na. Nba, Allata Ni-Sɛnimɛ baraka rɔ, ma ye dila Alla tole tɔ ko, “N Fa! N Fa!”

Kalesiya 3:27

Wola batasili rɔ, wobɛ Yisa Kirasiti ara ma kelen na. Wo mara tumɛ min, wo ara Kirasiti sɔn bila wo kan na iko fɛrɛya-bɔɛ.

Ɛfɛsa 6:15

Kibara-nyimɛ min si yisi-kimɛ di mɔgɛ ma, wo fɔɛ ni ma sanbarɛ la wo kian rɔ.

Tɔn-Fɔɛ-Fila-Nyɔgɛ 33:25

Wola soenu da-balan-fannu, alamɛ wonu mara nɛgɛnu na wo kanan-koe la. Fananta wo ye wo kɛndɛ la, alamɛ fanka taranta wo bolo.”

Lankɛnimayɛ 19:8

Mɔgɛnu sɔnta ko kɔɛn-kurɛ ni a nyɛrɛ fɛrɛya bɔ linɛn-kura-hakika-sɛninyanɛ la.” (Linɛn-kura-nyimɛ wo, Allata mɔgɛnuna kɛwɔli-nyimɛ-misalɛ le wo la.)

Lankɛnimayɛ 2:17

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si Allata biredi dogonnɛ do di wonu ma. N si kuru-gbɛ fanan di anu kelen-kelennamɛ-bɛɛ ma, tɔgɔ-kurɛ sɛbɛnɛ minnu ma, kɔni, ado mɔgɔ-wo-mɔgɔ ma tɔgɛ wo lɔn fɔ min bi a sɔrɔnna.’

Lankɛnimayɛ 3:18

Nba, n bi wo makawandila ko wo ni sɛnɛ-nyimɛ san n ma alako wo ni ma nɔnfulu-tigi-bɛrɛ la. Wo ni duruku-gbɛ fanan san n ma alako wo ni wo nyɛrɛ rabɛn ka wola gbu-makolonyɛ yamatogon, ado miliya-koe le wo la. Wo ni bɛsɛ do san n ma fanan min si kɛ wo yɛnu ma woletɔ wo si fen yen.

Lankɛnimayɛ 6:11

Alla ya duruki-gbɛ di mɔgɔ-tɔrɔnɛ wonu kelen-kelennamɛ-bɛɛ ma. Alla ya a fɔ anu ye ko anu ni anu sulen wati-ni kɔrɔ fɔlɔn. Anu ni anu wɔli-kɛ-nyɔgɛnu anubɛ anu na-kelen-nyɔgɛnuna sayɛ makɔni alako anu yatɛ ma ni kofu.

Lankɛnimayɛ 7:9

Wo kɔma, n ya nyama-wɛ yen, mɔgɔ ti ke minnu yatɛ lɔnna mumɛ! Anu bɔnɛ mɔgɔ-su bɛɛ anubɛ sibole bɛɛ rɔ anubɛ bɔnsɔn bɛɛ rɔ iko anu kan faranɛ nya min. Anu sɔra mansaya-sigi-fan anubɛ saga-dan yakɔrɔ. Duruku-yan-gbɛ ye anu kan na. Tin-yanbɛnu biranɛ anu bolo tɔ.