Luka 15:15 - ALLALA KUMƐ

¹⁵ Woletɔ a tara sigi duguran do fɛ. Wo ya a lata gbɛkole ma kɔsɛnu fɛ-bira tinɛ.

Luka 15:15 ပူးပေါင်းရင်းမြစ်များ

2 Ko-Kɔrɔta-Karan 28:22

Tɔrɔyɛ fafara Mansa Ehasi kuma tumɛ min, wo ya a ma, a ya hakɛ kɛ Mari la ka a dan-natenbi.

Bɔ-Koe-Iyipiti 10:3

Musa anubɛ Aruna tara mansɛ wara ka a fɔ a ye ko, “Hiburunuta Mari Alla ya a fɔ ko ile si i nyɛrɛ famayigi ale ye wati mintan? I ni ata mɔgɛ kɛnu boloka alako anu ni ta a bato tinɛ.

Aiseya 1:5

Nfenna wo wakilanɛ murutiya-koe ma? Ha ka, wo ye tɔrɔyɛ nyinina wo nyɛrɛ kan ma? Ile Isirɛla kunyɛ matanban-tanbannɛ le tɛrr! I hɛnkili ara pirinkan.

Aiseya 57:17

A ko a kɔrɔtɔnɛ wo ma ka a tɛgɛ wola kin-kɔrɔla-fasɛ ma. A ko a ya a kan-kɔ sɔ wo la ka wo tɔrɔ ala fondo-bɔɛ la. A ko hali wo, wo ma wo bɔ wo gbɛ da la. Wo ye ko-yogomɛ kun na tolon!

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Isikiyɛli 16:52

A fɛrɛ sa fɔ i ni dinya ita yarabiyi wo kɔrɔ. I hakɛ tenbira anutɛ la ha a manɛ iko anu ma hakɛ kɛ iko ile. I kun nayigi miliyɛ bolo bawo i sɔn ara a ma, i na-kelen-nyɔgɔ-musinu bara gbɛ feu!

Isikiyɛli 16:63

N si wo makoto wola ko-yogomɛ bɛɛ la. Wo yili ti bɔ wola ko-yogomɛ wonu ko, ado wo si miliya wo dɛ tugula wo sɔn-yogomɛ wonu na. Nde, i Tigi Mari kan le kɛ la.’ ”

Nehami 3:6

A ko a si buriburi rawuya i rɔ alako i ni a lɔn ko i gbo a ye. Min ba i yen, wo si nyima i rɔ.

Malakayi 2:9

Mari ko wo si a ma, wo sɔgɛ la ni bɔ Isirɛla mɔgɛnu na bawo wo sa a sako kɛla. Min sanɛ wo kuma, a ko wo tenbi ala mɔgɛnu karanna, wo sa anu bira-bole rakɛnyana. Wo ye lafisayalɛ kɛla.

Matiyu 7:6

“Wo kana fen-sɛnimɛ di wulinu ma bawo ala ban, anu si sɛgi wo kan ma ka wo kin. Wo kana kuru-da-gbɛlɛnu nakɛ kɔsɛnu kɔrɔ bawo anu si wonu tatɛntɛn anu kian kɔrɔ.

Luka 15:13

A ma mɛ, a dɔgɔmɛ ya ata fen-kolomɛ wonu fere wodi la ka ta a ye. A tara nyamani gbɛrɛkɛ rɔ pon! A ke nyɔ, a ya ala wodi bɛɛ kasara yabatoyɛ la.

Luka 15:14

A ya a bolo-fan bɛɛ ban. Wo kɔma, kɔnkɔ-fitina-belebele nara nyamanɛ wo rɔ. Fenfen sa a bolo tun.

Luka 15:16

Bɛɛ ya a bɛn dɔn-fan la, ado kɔsɛnu bi sɔsɔ-fɔrɔn min dɔnna, kɔnkɛ ya a bira ha sɔsɔ-fɔrɔn wo dɔn-sɔgɛ ya a bira.

Romu 6:22

Kɔnɔ kaka, wo ara hɔrɔya hakɛ ma ka ma Allala yɔɔnnu na. Woletɔ wo si tɔnɛ min sɔrɔn, wo le sɛninyɛ la Alla ye, ado tɔ-a-la, wo si habadan-nimayɛ sɔrɔn.

Taita 3:3

Fɔlɔ-nun, kuntan anubɛ kuma-birabɛlɛ anubɛ ko-yogoma-kɛlɛ le male la. Mɔgɛnu ya ma yanfa ko ma ni ma yɔɔnnu na fɛrɛ-nata anubɛ nyɛrɛ-diyana-ko-sufa-bɛɛ bolo. Ma ya mala wati bɛɛ tinya wunduyogoyɛ anubɛ keliyɛ rɔ. Ma gboyara mɔgɛnu ye, ado anu fanan gboyara ma ye.